Actualitats
Saviano: “La màfia es al servici de la crisi mondiala”
Lo jornalista expèrt en crime organizat a publicat un article dins lo jornal italian La Repubblica ont denóncia los ligams entre la màfia, la banca e la crisi financièra mondiala
Lo famós jornalista expèrt de la màfia, Roberto Saviano, a publicat un article dins lo jornal italian La Repubblica ont descriu los ligams del crime organizat amb l’evolucion de la crisi economica mondiala. Saviano comença en disent: “Los capitals mafioses tiran profièch de la crisi economica europèa e, en general, de la crisi economica de l’Occident, per infiltrar d’un biais capillar l’economia legala”.
“Los capitals mafioses son pas sonque lo resultat de la crisi globala, mas ne son tanben la causa, perque presentan de fluxes economics dempuèi lo començament d’aquela crisi. En decembre de 2009, lo responsable del Burèu sus la Dròga e lo Crime de l’ÒNU, Antonio Maria Costa, assegurèt qu’aviá de pròvas, que segon elas, l’argent de las organizacions criminalas èra lo solet capital liquid que qualques bancas n’avián pogut dispausar pendent la crisi de 2008 per evitar l’escrancament.”
A partir d’aquí, Saviano fa un expausat amb una seguida d’informacions, en mostrant la magnitud de l’influéncia financièra de la màfia dins lo movement dels capitals que fan trantalhar l’estabilitat economica e sociala mondiala.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E Saviano a tanben explicat, endacòm mai, cossí la màfia a fondametalament besonh de la misèria totala de la populacion per i poder recrutar òmes de mans, obrièrs a salaris minimalistas sens cap dreit social e mai prostituïdas, ja que la màfia, dins un païsatge aital, se pòt mostrar coma la soleta, l'unica pòrta de sortida de la misèria. Se cadun e caduna a son pro, s'educa e se potiga tant plan coma se pòsca dins una societat obèrta amb ascensor social fondat suls estudis accessibles a totes, i a pas ges mai de besonh de màfia per se traire de la misèria. Doncas la màfia es fertojament engatjada contra tota mena d'egalitarisme, de politica sociala e de solidaritat contrarotlada per l'estat o la region. A l'arribada, la màfia seguís doncas l'estrategia dels tecnocrats europèus, de la "règla d'aur" e autre "pacte d'estabilitat financiària", del FMI, de la Banca Centrala Europèa, del Tea-Party e dels Chicago Boys ultraliberals ! Sonque de gents plan coma cal. Se va caler mai qu'indignar.. Va caler aprestar guèrra per tornar desliurar los pòbles e restablir la democracia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari