Actualitats
Creson que l’anglés poiriá quitar d’èsser una lenga oficiala de l’Union Europèa
“Los irlandeses an notificat lo gaelic e los malteses an notificat lo maltés”, çò explica la presidenta dels afars constitucionals de l’Union
L’anglés quitarà d’èsser lenga oficiala de l’Union Europèa après lo Brexit, segon Danuta Hübner, presidenta dels afars constitucionals de l’Union, çò rapòrta Politico.
Segon Hübner, l’anglés es una de las 24 lengas oficialas de l’UE pr’amor que lo Reialme Unit l’a identificat coma sa lenga oficiala, mas tre que la Grand Bretanha quitarà l’UE, l’anglés poiriá pèrdre son estatut d’oficialitat. “Avèm una regulacion... Cada país de l’UE a drech de notificar una lenga oficiala. Los irlandeses an notificat lo gaelic e los malteses an notificat lo maltés, doncas avèm sonque lo Reialme Unit qu’aja notificat l’anglés”, çò precisèt.
L’anglés es ara una de las lengas de trabalh de las institucions europèas. En mai d’aquò, “a l’ora d’ara es la lenga dominanta”, çò reconeis Hübner, en apondent que “la regulacion de las lengas oficialas de l’UE deuriá èsser cambiada a l’unanimitat per los païses que demòran dins l’union, e deuràn decidir se l’anglés contunha d’èsser lenga oficiala.”
Segon la primièra politica lingüistica de l’alavetz nomenada Comunautat Economica Europèa (l’ancessora de l’UE), las lengas de trabalh èran lo neerlandés, lo francés, l’alemand e l’italian.
Segon Hübner, l’anglés es una de las 24 lengas oficialas de l’UE pr’amor que lo Reialme Unit l’a identificat coma sa lenga oficiala, mas tre que la Grand Bretanha quitarà l’UE, l’anglés poiriá pèrdre son estatut d’oficialitat. “Avèm una regulacion... Cada país de l’UE a drech de notificar una lenga oficiala. Los irlandeses an notificat lo gaelic e los malteses an notificat lo maltés, doncas avèm sonque lo Reialme Unit qu’aja notificat l’anglés”, çò precisèt.
L’anglés es ara una de las lengas de trabalh de las institucions europèas. En mai d’aquò, “a l’ora d’ara es la lenga dominanta”, çò reconeis Hübner, en apondent que “la regulacion de las lengas oficialas de l’UE deuriá èsser cambiada a l’unanimitat per los païses que demòran dins l’union, e deuràn decidir se l’anglés contunha d’èsser lenga oficiala.”
Segon la primièra politica lingüistica de l’alavetz nomenada Comunautat Economica Europèa (l’ancessora de l’UE), las lengas de trabalh èran lo neerlandés, lo francés, l’alemand e l’italian.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Encara un exemple de manca de volontat politica: los dirigents europèus lor caliá causir l’esperanto coma lenga de totes, e aouèi cadun lo cultiu de sa(s) lenga(s). L’anglés coma lenga de comunicación entre totes es encara un còp se daissar dominar pel mercat.
La rabieta de la dreta europea s'inventa messorgas per enganar a los paures pardalets que se las pugan creire.
Un sarròt d’enterpresas anglofònas qu’utiliz(èv)an lo R.U. com pòrta d’entrada tà Euròpa. Probable Eire que va sajar d’apoderà’s aqueth ròtle, au mensh en part; bèras annadas a que s’emparvalen de la loa anglofonia com un atot comerciau, dab succès moderats.
Anirén dinc a notificar l’anglés com lenga oficiau en abandonant lo gaelic? Lhèu après… un referendum? De hèit, tristament, la màger part deus irlandés n’an pas nat quéhar deu gaelic — e mei dauvuns que proclaman «l’aver en hasti» (sic).
aquò seriá una bona novèla, soncamen,t se la regulacion dei lengas dèu estre ccambiada a l'unamitat, osco segura que non se farà ! aprenèm lo maltès lenga ofciala en esperant lo catalá embessonat amb l"occitá
Demora que l angles internacional de comunicacion es de fach e pel moment la lenga internacionala de communicacion en esperar que s aprenen lo mandarin.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari