Actualitats
Las FARC e lo govèrn de Colómbia començaràn de dialògs per la patz
Lo president colombian atanben es prèst a parlar amb la guerrilha de l’ELN
Lo govèrn colombian de Juan Manuel Santos e las Fòrças Armadas Revolucionàrias de Colómbia (FARC) an signat a L’Avana (Cuba) un acòrdi per començar de dialògs formals de patz. Segon Russia Today e TeleSur (vidèo), las convèrsas començaràn en octòbre a Òslo (Norvègia) e contunharàn dins la capitala cubana, amb l’èx-president colombian César Gaviria coma mediator. Lo president Santos a dobèrt tanben lo dialòg a l’Armada de Liberacion Nacionala (ELN).
La guèrra en Colómbia comencèt fa mai de cinquanta ans. Arunan, un dels caps de las FARC, Alfonso Cano, anoncièt la volontat de la guerrilha d’entreprene de dialògs de patz, mas l’armada lo tuèt pauc de temps après e tre aquel moment lo conflicte a contunhat en tot causar fòrça victimas.
Cuba, Veneçuèla e Norvègia son los païses qu’an participat a las convèrsas menant a l’acòrdi.
La guèrra en Colómbia comencèt fa mai de cinquanta ans. Arunan, un dels caps de las FARC, Alfonso Cano, anoncièt la volontat de la guerrilha d’entreprene de dialògs de patz, mas l’armada lo tuèt pauc de temps après e tre aquel moment lo conflicte a contunhat en tot causar fòrça victimas.
Cuba, Veneçuèla e Norvègia son los païses qu’an participat a las convèrsas menant a l’acòrdi.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Lo govèrn colombian de Juan Manuel Santos e las Fòrças Armadas Revolucionàrias de Colómbia (FARC) an signat a L’Avana (Cuba) un acòrdi per començar de dialògs formals de patz." Lo Santos vòl parlar de patz ? Perqué ? La CIA li a quitat lo sosten logistic ? Los rats desfugisson la nau ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari