Actualitats
Es mòrt Abbas Kiarostami, un dels creaires mai essencials del cinèma contemporanèu
Amb son filme Ta'm-e gilās (Lo gost de las cerièras) ganhèt en 1997 la Palma d’Aur del Festenal Internacional de Cinèma de Canas
Lo realizaire iranian Abbas Kiarostami moriguèt diluns passat a París a l’edat de 76 ans, après luchar contra un cancèr. Demièg sos filmes mai remarcats i a Zir-e derajtân zeytun (1994) (A travèrs dels olivièrs) e Ta'm-e gilās (1997) (Lo gost de las cerièras) que ganhèt la Palma d’Aur del Festenal Internacional de Cinèma de Canas (Vencenc).
Dins las darrièras annadas, Kiarostami aviá contunhat sa recèrca de creaire independent e incorruptible en experimentant de nòus formats e en cercant de nòvas formas narrativas dins lo cinèma.
Après aver tornat mai de quaranta longs e corts metratges, Kiarostami es un dels realizaires mai remarcats e influents del cinèma contemporanèu. Dins sas òbras dominan los tèmas coma la vida e la mòrt. Son univèrs es escur e negre, e mai se los imatges son tostemp poetics e sensuals.
Dins las darrièras annadas, Kiarostami aviá contunhat sa recèrca de creaire independent e incorruptible en experimentant de nòus formats e en cercant de nòvas formas narrativas dins lo cinèma.
Après aver tornat mai de quaranta longs e corts metratges, Kiarostami es un dels realizaires mai remarcats e influents del cinèma contemporanèu. Dins sas òbras dominan los tèmas coma la vida e la mòrt. Son univèrs es escur e negre, e mai se los imatges son tostemp poetics e sensuals.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
un endòrmitòri, aqueu cineasta perse chiit que me rementi encara dau bòn trevalum qu'ai fach dins lo fautuelh,quand anèri au cinè per veire la palma d'aur de Canas de 1997, lo filme lo gost dei grafions ..sensa gost ni gosta, mai una poesia... que te diéu qu'aquò, melhor marcat qu'un soporific vendut en farmacia
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari