Actualitats
Lo rapòrt sus la guèrra d’Iraq conclutz que lo Reialme Unit se precipitèt e qu’exagerèt la menaça
Lo responsable del rapòrt, John Chilcot, assegura que lo govèrn de Blair presentèt “amb una certitud qu’èra pas justificada” la menaça de las armas de destruccion massissa
La comission constituida al Reialme Unit per analisar l’implicacion britanica dins la guèrra d’Iraq a conclús que lo govèrn de Tony Blair se precipitèt quand jonguèt l’aliança dirigida pels Estats Units e que presentèt “amb una certitud qu’èra pas justificada” la supausada menaça de las armas de destruccion massissa, çò rapòrta Europa Press.
Lo responsable d’aquel grop, John Chilcot, expliquèt ièr als mèdias qu’al cors d’aquestes ans passats a ensajat d’analisar se l’intervencion britanica foguèt “apropriada e necessària” e se lo país èra “preparat” pel long conflicte qu’arribava puèi.
Lo rapòrt tròba d’errors quitament abans l’intervencion, dins lo procès de la presa de las decisions. “Lo Reialme Unit causiguèt de jónher l’invasion d’Iraq abans que s’agotèsson d’autras opcions pacificas de desarmament”, çò expliquèt Chilcot, que precisèt que “l’accion militara èra pas en aquel moment lo darrièr recors”.
Compren tanpauc los arguments expausats per Blair e sos aliats internacionals sus la sospechada possession de las armas de destruccion massissa per part del govèrn de Saddam Husayn. Dins aquel sens, Chilcot avertiguèt que Blair presentèt d’indicis “amb una certitud qu’èra pas justificada”.
Lo quite èx-primièr ministre reconeguèt en 2015 pel primièr còp las “errors” de la guèrra d’Iraq e admetèt, entre d’autres aspèctes, que las autoritats britanicas dispausavan pas d’informacion d’intelligéncia precisa sus la preséncia d’armas de destruccion massissa dins lo país arabi.
Lo rapòrt tanben contèsta la legitimitat de l’invasion. “Las circonstàncias que se decidiguèt que i aviá una basa legala per una accion militara del Reialme Unit son plan luènh d’èsser satisfasentas”, çò assegurèt Chilcot.
Consequéncias
La comission a mes en question tanben la preparacion del Reialme Unit davant las consequéncias que poirián derivar de l’invasion; e afirma que Londres sosestimèt los risques. A l’encòp, determina que lo govèrn britanic “capitèt mal dins las tòcas” qu’aviá fixadas abans de mandar las tropas en Iraq.
“Blair èra estat avertit que l’accion militara aumentariá la menaça d’Al Qaida pel Reialme Unit e pels interèsses britanics. Foguèt tanben avertit qu’una invasion poiriá entraïnar que las armas e lo material d’Iraq acabèsson en mans dels terroristas”, çò apondèt Chilcot.
Lo responsable d’aquel grop, John Chilcot, expliquèt ièr als mèdias qu’al cors d’aquestes ans passats a ensajat d’analisar se l’intervencion britanica foguèt “apropriada e necessària” e se lo país èra “preparat” pel long conflicte qu’arribava puèi.
Lo rapòrt tròba d’errors quitament abans l’intervencion, dins lo procès de la presa de las decisions. “Lo Reialme Unit causiguèt de jónher l’invasion d’Iraq abans que s’agotèsson d’autras opcions pacificas de desarmament”, çò expliquèt Chilcot, que precisèt que “l’accion militara èra pas en aquel moment lo darrièr recors”.
Compren tanpauc los arguments expausats per Blair e sos aliats internacionals sus la sospechada possession de las armas de destruccion massissa per part del govèrn de Saddam Husayn. Dins aquel sens, Chilcot avertiguèt que Blair presentèt d’indicis “amb una certitud qu’èra pas justificada”.
Lo quite èx-primièr ministre reconeguèt en 2015 pel primièr còp las “errors” de la guèrra d’Iraq e admetèt, entre d’autres aspèctes, que las autoritats britanicas dispausavan pas d’informacion d’intelligéncia precisa sus la preséncia d’armas de destruccion massissa dins lo país arabi.
Lo rapòrt tanben contèsta la legitimitat de l’invasion. “Las circonstàncias que se decidiguèt que i aviá una basa legala per una accion militara del Reialme Unit son plan luènh d’èsser satisfasentas”, çò assegurèt Chilcot.
Consequéncias
La comission a mes en question tanben la preparacion del Reialme Unit davant las consequéncias que poirián derivar de l’invasion; e afirma que Londres sosestimèt los risques. A l’encòp, determina que lo govèrn britanic “capitèt mal dins las tòcas” qu’aviá fixadas abans de mandar las tropas en Iraq.
“Blair èra estat avertit que l’accion militara aumentariá la menaça d’Al Qaida pel Reialme Unit e pels interèsses britanics. Foguèt tanben avertit qu’una invasion poiriá entraïnar que las armas e lo material d’Iraq acabèsson en mans dels terroristas”, çò apondèt Chilcot.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Volien una joguina doncs ja la van tenir, i ho van fotre tot potes enlaire, mai m'he cregut del tot que els islamistes fossin els o els únics autors de l'atac del 11S a New York.
No és possible que una gent així manès el Mon.
Que no torni a passar.
Visca la Terra ...Lliure!
L'Ernest, "El Tàrrega".
Desbrembatz pas los amics de Blair: lo president Bush, e lo president Aznar. L'escuelhi de las Açòres.
Pas possible? I a de dirigents politics que mentisson?
Calumnias e messorgas de la dreta imperialista. Mas ja sabem qui es lo terrorista mai gran del mond: BLAIR
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari