Actualitats
“Fòrça” comunautats minorizadas d’Iraq son “a mand de desaparéisser”, çò conclutz un rapòrt internacional
La majoritat dels crestians an fugit lo país. Los turcmèns, iaziditas, kakais e shabaks son d’autras comunautats afectadas
La situacion conflictiva que viu Iraq dempuèi 2003 a agut un efièch devastaire tocant la diversitat de pòbles e comunautats que i vivon. Lo nombre de crestians, iaziditas, kaiais e turcmèns que demòran dins lo país de l’Orient Mejan a davalat enòrmament, segon un rapòrt qu’an publicat divèrsas organizacions internacionalas, e que denóncia, e mai, la manca d’iniciativas politicas per favorir lo retorn dels qu’an degut fugir.
Lo rapòrt No Way Home: Iraq’s minorities on the verge of disappearance, basat sus d’enquèstas e de trabalhs de terren, es signat per cinc entitats internacionalas: Ceasefire, UNPO, No Peace Without Justice, IILHR e Minority Rights Group.
Lo rapòrt estima que demòran pas que 250 000 crestians en Iraq, una chifra qu’abans 2003 se plaçava entre los 800 000 e 1,4 milion de personas. Ja abans l’emergéncia de l’Estat Islamic lor preséncia se redusiá a 350 000 personas. E dempuèi l’ascension del grop extremista, ne demòran 250 000.
D’autras comunautats minorizadas patisson de situacions similaras. “La majoritat de las populacions iaziditas e kakais son estadas expulsadas de lors tèrras tradicionalas a Ninive, e ara subrevivon coma desplaçats intèrnes o an fugit lo país”, çò presenta lo rapòrt. Lo tèxt fa referéncia tanben a las atrocitats qu’an degut afrontar los turcmèns shiitas e los shabaks.
Los autors senhalan la responsabilitat de l’Estat Islamic en aquel desastre, mas soslinhan tanben que lo govèrn iraquian e lo govèrn autonòm de Curdistan an pas plan protegit aquelas populacions, o que las an “intimidadas” dirèctament.
En çò que tanh als desplaçats intèrnes, la situacion se poiriá encara agravar amb l’operacion per reconquistar Mossol, anonciada pel govèrn iraquian mas pas encara menada a tèrme. Mossol es la principala vila del nòrd del país, ara ocupada per l’Estat Islamic. L’operacion poiriá far pojar lo nombre de desplaçats intèrnes delà 4 milions, çò calcula l’estudi.
Aquesta nòva es adaptada de Nationalia amb qui Jornalet a un acòrdi de cooperacion.
Lo rapòrt No Way Home: Iraq’s minorities on the verge of disappearance, basat sus d’enquèstas e de trabalhs de terren, es signat per cinc entitats internacionalas: Ceasefire, UNPO, No Peace Without Justice, IILHR e Minority Rights Group.
Lo rapòrt estima que demòran pas que 250 000 crestians en Iraq, una chifra qu’abans 2003 se plaçava entre los 800 000 e 1,4 milion de personas. Ja abans l’emergéncia de l’Estat Islamic lor preséncia se redusiá a 350 000 personas. E dempuèi l’ascension del grop extremista, ne demòran 250 000.
D’autras comunautats minorizadas patisson de situacions similaras. “La majoritat de las populacions iaziditas e kakais son estadas expulsadas de lors tèrras tradicionalas a Ninive, e ara subrevivon coma desplaçats intèrnes o an fugit lo país”, çò presenta lo rapòrt. Lo tèxt fa referéncia tanben a las atrocitats qu’an degut afrontar los turcmèns shiitas e los shabaks.
Los autors senhalan la responsabilitat de l’Estat Islamic en aquel desastre, mas soslinhan tanben que lo govèrn iraquian e lo govèrn autonòm de Curdistan an pas plan protegit aquelas populacions, o que las an “intimidadas” dirèctament.
En çò que tanh als desplaçats intèrnes, la situacion se poiriá encara agravar amb l’operacion per reconquistar Mossol, anonciada pel govèrn iraquian mas pas encara menada a tèrme. Mossol es la principala vila del nòrd del país, ara ocupada per l’Estat Islamic. L’operacion poiriá far pojar lo nombre de desplaçats intèrnes delà 4 milions, çò calcula l’estudi.
Aquesta nòva es adaptada de Nationalia amb qui Jornalet a un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una llàstima, cal ara un cpo acavada la guerra, que no n'hi hagi mès, que tothom pugui tornar a casa, i que a aprtir d'ara pel patiment sofert aquetes comunitats sigui tractades amb coto fluix, se les ha de proteixir poer sobre del tot.
Visc a la llibertat dels pobles del Mon!
L'Ernest, "El Tàrrega".
Per comprener un bocin mai las causas:
https://www.zamanfrance.fr/article/myriam-benraad-aux-yeux-daech-chiites-irakiens-sont-vendus-qui-ont-offert-lirak-aux
I a mantuns nivèls.
Religiós, Etnic, linguistic Quora un quora l'autre cada nivèl ven en punta....
non se pòt demandar a un govèrn teocrtatic musulman, que siá chiït o sunites de protegir de minoritats religiosas o autras, aquò s'atròbas pas dins lo Coran (o l'Alcoran), me sembla que lo govèrn autonom curd , pasmens a fach ben mai que leis autres e que ,sota Sadam Husseim, s'èra pas exemplari, aquestas populacions se mantenián,, encara qu'avèm pas d'oblidat que lei curds foguèron victimas d'una temptativa de genocid (amb gas). se la primiera guerra d'iraq se pot justificar, la segonda non, que lo Curdistan èra sauvat, e que la dictatura menaçava pas lei minoritats. ara, Tony Blair se ne'n pente !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari