Lo ministèri public de l’Estat francés a dobèrt una recèrca judiciala sus la mòrt del dirigent palestinian Yasir Arafat. La veusa de l’èx-cap de l’Autoritat Nacionala Palestiniana denoncièt a un tribunal francés qu’Arafat èra estat assassinat, après un documentari d’Al Jazira ont s’afirmava que lo dirigent palestinian foguèt empoisonat amb de polòni 210.
 
Yasir Arafat moriguèt a París en novembre de 2004. Las causas de la siá mòrt foguèron pas publicadas. S’assumiguèt que la mòrt venguèt pr’amor de qualques complicacions d’una longa malautiá, sens precisar mai, mas qualques mejans franceses avián ja especulat sus la possibilitat d’un empoisonament.
 
Pagina especiala d’Al Jazira: “What killed Arafat?” (“Que tuèt Arafat?”)