Actualitats
Lo Reialme Unit estúdia de venir una confederacion de quatre estats
Una comission d'expèrts de totes los partits prepausarà aquesta setmana que las quatre nacions sián “plenament sobeiranas”
Lo Brexit produtz de reaccions de tota sòrta al Reialme Unit. La darrièra serà la presentacion aquesta setmana d’una proposicion radicala de cambiament constitucional, çò rapòrta The Guardian. Segon aquela proposicion, las quatre nacions que compausan lo Reialme Unit, çò es Anglatèrra, Escòcia, País de Gallas e lo nòrd d’Irlanda, serián d’estats “plenament sobeirans” que decidirián “amb plena libertat” se vòlon partejar qualques competéncias amb los autres tres. L'idèa d’aquela “devolucion de poders” a Escòcia, Gallas e Irlanda seriá entièrament remplaçada per aquela nòva formula, que creariá tanben un parlament e un govèrn d’Anglatèrra, qu'a l’ora d’ara existisson pas.
La proposicion, çò explica The Guardian, serà presentada aquesta setmana per un grop d’expèrts que venon de totes los partits politics britanics. La dirigís l’èx-ministre conservator Lord Salisbury, e i cabon tanben, entre d’autres, l’èx-cap dels liberals, Sir Menzies Campbell, l’èx-secretari per l’Irlanda del Nòrd e Gallas Peter Hain e l’èx-president dels Comuns Lord Lisvane. Los expèrts dison qu'an tanben lo sosten de l’èx-primièr ministre John Major.
Lo grop prepausa qu'una lei amb aqueles principis siá votada en referendum e qu’intre en vigor solament se l’apròvan totas quatre nacions. Dins aquel cas, los quatre parlaments deurián discutir qualas son las questions que poiriá gerir en comun lo Reialme Unit, en partissent de la volontat dels quatre estats.
La proposicion, çò explica The Guardian, serà presentada aquesta setmana per un grop d’expèrts que venon de totes los partits politics britanics. La dirigís l’èx-ministre conservator Lord Salisbury, e i cabon tanben, entre d’autres, l’èx-cap dels liberals, Sir Menzies Campbell, l’èx-secretari per l’Irlanda del Nòrd e Gallas Peter Hain e l’èx-president dels Comuns Lord Lisvane. Los expèrts dison qu'an tanben lo sosten de l’èx-primièr ministre John Major.
Lo grop prepausa qu'una lei amb aqueles principis siá votada en referendum e qu’intre en vigor solament se l’apròvan totas quatre nacions. Dins aquel cas, los quatre parlaments deurián discutir qualas son las questions que poiriá gerir en comun lo Reialme Unit, en partissent de la volontat dels quatre estats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E Gibraltar?
Las paraulas son una causa polida, mas sovent los faits ho son pas.
Per que siá una nacion integrala, Irlanda a besonh d'èsser unificada, e cap e tot definitivament indepedenta dels Angleses… dins una amira cap e tot laïca. Lo camin serà long, non ?
Aqueth projècte ne’u hèn pas gran reclama hens la premsa jacobina, tè, m’estoni perqué?
En tot cap lo màger cambiament constitucionau tau RU que seré de’s dar ua constitucion, qu’a l’ora d’ara n’a pas ua lei fondamentau unica d’escriuta e codificada, senon un haish de leis e de jurisprudéncias.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari