Actualitats
Srebrenica: 127 nòus cadavres identificats son estats enterrats lo jorn de l’anniversari del chaple
La molonada lancèt de flors blancas sul camion que menava los ataücs long de tot lo percors per carrièras de Sarajevo
Coma cada 11 de julhet, dempuèi 21 ans, aquesta dimenjada passada qualques milièrs de personas rendèronun omenatge las victimas del chaple de Srebrenica de 1995. Un dels moments mai esmovents se debanèt dissabte per carrièras de Sarajevo quand i passèt un camion que menava las despolhas de 127 victimas recentament identificadas per recebre dignament lor sepultura definitiva.
Lo camion que menava los ataücs s'arrestèt davant la presidéncia de Bòsnia a Sarajevo, ont los residents, los foncionaris e d’ambaissadors de divèrses païses estrangièrs i rendèron un omenatge. La molonada lancèt de flors blancas sul camion long de tot lo percors.
Cada an, d’expèrts mètges legistas identifican de nòus còrses dins de centenats de fòssas comunas trobadas fins ara. Las rèstas s’identifican amb d’analisis d’ADN abans èsser enterradas, amb las onors degudas, dins un memorial près de Srebrenica, ont las victimas foguèron vistas pel darrièr còp. Cada an, los còrses que son identificats son oficialament sepelits lo jorn de l’anniversari del masèl.
Lo genocidi d’Srebrenica
L’11 de julhet de 1995, dins l’encastre de la guèrra dels Balcans, de fòrças paramilitaras sèrbas comandadas pel general Ratko Mladić entornegèron la vila, tota plena de refugiats, e i intrèron sens cap de sòrta d’oposicion del contingent neerlandés de Cascos Blaus de l’ÒNU. Las fòrças sèrbas i assassinèron mai de uèch mila òmes e gojats e n’expulsèron vint mila personas.
Per aquel masèl, lo mai grand d’Euròpa après la Segonda Guèrra Mondiala, se jutgèt al Tribunal Penal Internacional e se condemnèt per crimes de guèrra lo president de Serbia Slobodan Milošević (que moriguèt en preson en 2006), lo president dels sèrbes de Bòsnia, Radovan Karadžić, aquestes dos darrièrs coma instigators, e mai lo general Ratko Mladić, coma executor.
Mas en aquel chaple, i aguèt tanben l’abandon de la comunautat internacionala: tant per la negligéncia dels Cascos Blaus desplegats sus plaça coma per çò que lo revelèt lo jornal The Guardian: çò es que la casuda d’Srebrenica fasiá partida de l’estrategia del Reialme Unit, de França, dels Estats Units e quitament de l’ÒNU per obténer la patz a quin prètz que foguèsse, en liurant la vila a Mladić.
Lo camion que menava los ataücs s'arrestèt davant la presidéncia de Bòsnia a Sarajevo, ont los residents, los foncionaris e d’ambaissadors de divèrses païses estrangièrs i rendèron un omenatge. La molonada lancèt de flors blancas sul camion long de tot lo percors.
Cada an, d’expèrts mètges legistas identifican de nòus còrses dins de centenats de fòssas comunas trobadas fins ara. Las rèstas s’identifican amb d’analisis d’ADN abans èsser enterradas, amb las onors degudas, dins un memorial près de Srebrenica, ont las victimas foguèron vistas pel darrièr còp. Cada an, los còrses que son identificats son oficialament sepelits lo jorn de l’anniversari del masèl.
Lo genocidi d’Srebrenica
L’11 de julhet de 1995, dins l’encastre de la guèrra dels Balcans, de fòrças paramilitaras sèrbas comandadas pel general Ratko Mladić entornegèron la vila, tota plena de refugiats, e i intrèron sens cap de sòrta d’oposicion del contingent neerlandés de Cascos Blaus de l’ÒNU. Las fòrças sèrbas i assassinèron mai de uèch mila òmes e gojats e n’expulsèron vint mila personas.
Per aquel masèl, lo mai grand d’Euròpa après la Segonda Guèrra Mondiala, se jutgèt al Tribunal Penal Internacional e se condemnèt per crimes de guèrra lo president de Serbia Slobodan Milošević (que moriguèt en preson en 2006), lo president dels sèrbes de Bòsnia, Radovan Karadžić, aquestes dos darrièrs coma instigators, e mai lo general Ratko Mladić, coma executor.
Mas en aquel chaple, i aguèt tanben l’abandon de la comunautat internacionala: tant per la negligéncia dels Cascos Blaus desplegats sus plaça coma per çò que lo revelèt lo jornal The Guardian: çò es que la casuda d’Srebrenica fasiá partida de l’estrategia del Reialme Unit, de França, dels Estats Units e quitament de l’ÒNU per obténer la patz a quin prètz que foguèsse, en liurant la vila a Mladić.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Francesc, no t'enganyis, si compares barbaritats, t'enadoranràs , que els Serbis en van matar moltissims mes que els porbres Bosnis, que lúnic crim que van fer, va ésser delcarar l'independència.
T'magines que això et passa a Plama?
No bromegis, que això no és per fer amb la Vida Humana.
Visca la Terra...Lliure !
"El Tàrrega".
Tot una gran mentida de l'imperi per poder far la guerra contra l'estat de Iugoslavia, que era de l'orbita de Rusia. Lo de trobar fosses amb cadavers es una causa normal ,car hi havia una guerra e los musulmans matavan als catòlics, los croatas als servis, los servis als croatas, los catòlics als musulmans,etc. Que fossin nomai los servis que matassen a tots los altres es una gran calumnia,repetida fins fer qu' una messorga es convertesca en veritat a força de repetir-la.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari