Actualitats
Es mòrt Robèrt Darrigrand
L’ispanista, lingüista e istorian occitanista de Bearn nos quitèt diluns passat de matin
Diluns passat de matin moriguèt, a 82 ans, Robèrt Darrigrand, dins sa vila d’Ortès. Es una granda figura occitanista de Bearn que nos quita.
Se, professionalament, foguèt un professor agregat d’espanhòl qu’ensenhèt mai que mai al Licèu Montanha de Bordèu, participèt a totas las aventuras del movement occitan en Bearn. Aderiguèt d’ora a l’IEO per ajudar en 1960 a la creacion de sa seccion bearnesa, Per Noste. 7 ans puèi, confondèt lo Centre Regional d’Estudis Occitans de l’Acadèmia de Bordèu e l’Ostau Occitan, seccion girondina de l’IEO. Collaborèt a las revistas Per Noste e Reclams, e es l’autor, sol o en collaboracion, de fòrça libres sus las lenga e cultura occitanas de Bearn e Gasconha, coma un metòde per escriure lo gascon, Comment écrire le gascon? (com escríver lo gascon), en 1969, o una Grammaire abrégée du gascon (gramatica abracada deu gascon) amb Miquèu Grosclaude. En 2012, Jornalet consagrèt un article de Joan Jacme Fénié a la reedicion de son Initiation au gascon de 1971.
De confession protestanta, president de l’associacion del Musèu Joana de Labrit d’Ortès e animator del Centre d’Estudis del Protestantisme Bearnés (CEPB), tanben escriguèt d’obratges sus l’istòria dels protestants de Bearn. En 1983 presentèt e traduguèt la version occitana dels Salmes, qu'aviá alara quatre cents ans, e ne realizèt una edicion critica en 2010.
Las funeralhas de Robèrt Darrigrand se tendràn divendres 15 de julhet a 16h a la glèisa evangelica liura d’Ortès, carrièra de La Peirèra.
Se, professionalament, foguèt un professor agregat d’espanhòl qu’ensenhèt mai que mai al Licèu Montanha de Bordèu, participèt a totas las aventuras del movement occitan en Bearn. Aderiguèt d’ora a l’IEO per ajudar en 1960 a la creacion de sa seccion bearnesa, Per Noste. 7 ans puèi, confondèt lo Centre Regional d’Estudis Occitans de l’Acadèmia de Bordèu e l’Ostau Occitan, seccion girondina de l’IEO. Collaborèt a las revistas Per Noste e Reclams, e es l’autor, sol o en collaboracion, de fòrça libres sus las lenga e cultura occitanas de Bearn e Gasconha, coma un metòde per escriure lo gascon, Comment écrire le gascon? (com escríver lo gascon), en 1969, o una Grammaire abrégée du gascon (gramatica abracada deu gascon) amb Miquèu Grosclaude. En 2012, Jornalet consagrèt un article de Joan Jacme Fénié a la reedicion de son Initiation au gascon de 1971.
De confession protestanta, president de l’associacion del Musèu Joana de Labrit d’Ortès e animator del Centre d’Estudis del Protestantisme Bearnés (CEPB), tanben escriguèt d’obratges sus l’istòria dels protestants de Bearn. En 1983 presentèt e traduguèt la version occitana dels Salmes, qu'aviá alara quatre cents ans, e ne realizèt una edicion critica en 2010.
Las funeralhas de Robèrt Darrigrand se tendràn divendres 15 de julhet a 16h a la glèisa evangelica liura d’Ortès, carrièra de La Peirèra.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari