Actualitats
Nòu assassinat en Honduras d'una activista environamentala de l'organizacion indigèna COPINH
L'entitat responsabiliza lo govèrn hondurenc de la mòrt de Lesbia Yaneth Urquía. L'activista s'èra opausada a un projècte idroelectric
Quatre meses après l'assassinat de Berta Cáceres, lo 7 de julhet passat foguèt tuada una autra cap de l'organizacion indigèna lenca d'Honduras, lo COPINH. Lesbia Yaneth Urquía, que s’èra opausada al bastiment d'una restanca idroelectrica, foguèt trobada mòrta dijòus passat dins un bordilhièr a Marcala, a 100 quilomètres de la capitala Tegucigalpa.
“Responsabilizam dirèctament per aquel assassinat lo govèrn d’Honduras, que lo dirigís Juan Orlando Hernández, las fòrças militaras e policièras e totas las institucions governamentalas", çò a dich lo COPINH dins un comunicat. L'associacion indigèna d’Honduras a estendut la responsabilitat, tanben, a Gladis Aurora López, presidenta del governamental Partit Nacional (drecha), que l’acusa d'èsser la “font permanenta de menaças e de conflictes per la construccion de projèctes idroelectrics dins lo departament de La Paz”.
Lo COPINH a denonciat repetidament las menaças de mòrt contra de païsans que, segon l'organizacion indigèna, l'entorn de Gladis Aurora López a fachas contra eles.
Los indigènas e los afrodescendents constituisson aperaquí l’8% de la populacion d’Honduras. Demest eles, se destaca lo pòble lenca, basa del COPINH.
Assassinats d'activistas en Honduras
Urquía es la darrièra d'una longa lista d'activistas hondurencs assassinats dins las darrièras annadas. Segon un rapòrt de Global Witness, Honduras es lo país mai perilhós del Mond pels defendeires de l’environament: entre 2010 e 2014 i aguèt mai d’assassinats per capita d'activistas environamentalistas que dins cap d’autre país del Mond.
En març passat, la dirigenta del COPINH Berta Cáceres foguèt assassinada en cò sieu, après qualques ans de menaças e de persecucion.
Segon una font mençonada pel jornal The Guardian, lo nom de Cáceres se trobava dins una lista de butas d'eliminar per un grop d'elèit de l'armada d’Honduras. Lo grop èra estat entraïnat per de fòrças estatsunidencas.
Un grop de deputats estatsunidencs del Partit Democrata a presentat una proposicion de lei per que los Estats Units suspendan tota ajuda militara a Honduras tant que lo país centreamerican prendrà pas de mesuras per melhorar la situacion dels dreches umans.
Aquesta nòva es adaptada de Nationalia amb qui Jornalet a un acòrdi de cooperacion
“Responsabilizam dirèctament per aquel assassinat lo govèrn d’Honduras, que lo dirigís Juan Orlando Hernández, las fòrças militaras e policièras e totas las institucions governamentalas", çò a dich lo COPINH dins un comunicat. L'associacion indigèna d’Honduras a estendut la responsabilitat, tanben, a Gladis Aurora López, presidenta del governamental Partit Nacional (drecha), que l’acusa d'èsser la “font permanenta de menaças e de conflictes per la construccion de projèctes idroelectrics dins lo departament de La Paz”.
Lo COPINH a denonciat repetidament las menaças de mòrt contra de païsans que, segon l'organizacion indigèna, l'entorn de Gladis Aurora López a fachas contra eles.
Los indigènas e los afrodescendents constituisson aperaquí l’8% de la populacion d’Honduras. Demest eles, se destaca lo pòble lenca, basa del COPINH.
Assassinats d'activistas en Honduras
Urquía es la darrièra d'una longa lista d'activistas hondurencs assassinats dins las darrièras annadas. Segon un rapòrt de Global Witness, Honduras es lo país mai perilhós del Mond pels defendeires de l’environament: entre 2010 e 2014 i aguèt mai d’assassinats per capita d'activistas environamentalistas que dins cap d’autre país del Mond.
En març passat, la dirigenta del COPINH Berta Cáceres foguèt assassinada en cò sieu, après qualques ans de menaças e de persecucion.
Segon una font mençonada pel jornal The Guardian, lo nom de Cáceres se trobava dins una lista de butas d'eliminar per un grop d'elèit de l'armada d’Honduras. Lo grop èra estat entraïnat per de fòrças estatsunidencas.
Un grop de deputats estatsunidencs del Partit Democrata a presentat una proposicion de lei per que los Estats Units suspendan tota ajuda militara a Honduras tant que lo país centreamerican prendrà pas de mesuras per melhorar la situacion dels dreches umans.
Aquesta nòva es adaptada de Nationalia amb qui Jornalet a un acòrdi de cooperacion
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Matar és l'única resposta que tenen per enfrontat-se a la varitat, si en son de burros! Ni capaços de viure en Pau. I volen portar un Pais?
És una broma de mal gust, si ni saben fer res, i cuand surt algú amb una mica de raó, o molta , l'eliminen.
Ja dic molt rucs.
L'Ernest, "El Tàrrega".
La dreta es atal, messurgas,calumnias e matar als que los faga nosa. Fins e tot se es president com fou amb J.Kennedy.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari