Actualitats
Grècia vòl fabricar de Kalashnikovs e provòca una nòva fractura dins l’OTAN
Divèrses nauts responsables de l’OTAN an mostrat lor preocupacion per la proposicion de Grècia de far un pache defensiu amb Moscòu, çò que, çò dison, poiriá far demesir lors esfòrces per agir en front comun contra d'eventualas agressions de Russia, segon çò que publica The Telegraph.
Aquel chepic lo suscitèt una anóncia del ministre grèc de la defensa, Panos Kammenos, qu'en junh passat faguèt conéisser lo nòu pache de cooperacion amb Russia per fabricar de fusilhs d’assaut Kalashnikov. Moscòu insistís que Grècia convenca los membres europèus de l’OTAN per que retiren las sancions economicas impausadas a Moscòu après la reïncorporacion de Crimèa en 2014.
Dins aquel sens, divèrses foncionaris de l’OTAN afirmèron durant la reünion tenguda a Varsòvia (Polonha) que “lo fach qu'un important e estrategic país de l’OTAN, coma es Grècia, ensage de formar sas pròprias relacions amb lo Kremlin poiriá minar la capacitat de l’Aliança per agir en front comun contra Russia, en velhant d'empedir de futuras accions d’agression russas a Euròpa”.
La reünion de Varsòvia foguèt la primièra reünion dels lidèrs occidentals après lo referendum britanic sul Brexit del mes de junh passat, que los caps de l’Aliança s'esforcèron de mostrar qu'existís pas cap de division en Euròpa que pòsca èsser utilizada per Moscòu. Segon lo govèrn grèc, aquel acòrdi es vital per empedir l'escrancament de l'indústria de la defensa de son país.
De fach, es pas lo primièr cas d’acòrdi entre Russia e d’estats membres de l’OTAN, que lo Reialme d’Espanha benefícia d'un pache que facilita lo pòrt de Ceuta a la flòta russa de la Mediterranèa, çò que provòca l'indignacion d’autres estats membres de l’Aliança, dont França qu'amb la confrontacion amb Russia a perdut un client important per sos pòrta-avions.
Aquesta nòva es adaptada de Geopolítica.cat amb qui Jornalet ten un acòrdi de cooperacion.
Aquel chepic lo suscitèt una anóncia del ministre grèc de la defensa, Panos Kammenos, qu'en junh passat faguèt conéisser lo nòu pache de cooperacion amb Russia per fabricar de fusilhs d’assaut Kalashnikov. Moscòu insistís que Grècia convenca los membres europèus de l’OTAN per que retiren las sancions economicas impausadas a Moscòu après la reïncorporacion de Crimèa en 2014.
Dins aquel sens, divèrses foncionaris de l’OTAN afirmèron durant la reünion tenguda a Varsòvia (Polonha) que “lo fach qu'un important e estrategic país de l’OTAN, coma es Grècia, ensage de formar sas pròprias relacions amb lo Kremlin poiriá minar la capacitat de l’Aliança per agir en front comun contra Russia, en velhant d'empedir de futuras accions d’agression russas a Euròpa”.
La reünion de Varsòvia foguèt la primièra reünion dels lidèrs occidentals après lo referendum britanic sul Brexit del mes de junh passat, que los caps de l’Aliança s'esforcèron de mostrar qu'existís pas cap de division en Euròpa que pòsca èsser utilizada per Moscòu. Segon lo govèrn grèc, aquel acòrdi es vital per empedir l'escrancament de l'indústria de la defensa de son país.
De fach, es pas lo primièr cas d’acòrdi entre Russia e d’estats membres de l’OTAN, que lo Reialme d’Espanha benefícia d'un pache que facilita lo pòrt de Ceuta a la flòta russa de la Mediterranèa, çò que provòca l'indignacion d’autres estats membres de l’Aliança, dont França qu'amb la confrontacion amb Russia a perdut un client important per sos pòrta-avions.
Aquesta nòva es adaptada de Geopolítica.cat amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'UE nos prenon vertadièrament per de cons!
Una bona oportunitat se volen pas que fabriquen kalasinicofs,sortir de l'Otan e fabricar lo qu'els plaga.
Tocatz pas a mon Europe; es totalitaire zo sabam.
P'un pais an lo dreit d'aver de relacions emben d'autres pais que son pas dins Europe. L'agressor son Potina e los eretics. Avetz una armada que pòd far respectar aquela lei. D'alhors en Russia los dreits de l'òme son pas respectats alaidonc que zo son en Europe.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari