Actualitats
Lo cofatge de François Hollande còsta aperaquí 10 000 èuros mesadièrs als contribuables
Olivier B., lo perruquièr personal del president, a un salari de 9895 èuros bruts per mes, çò destapa Le Canard Enchaîné
François Hollande es a l’ora d’ara lo president francés amb l’indèx de popularitat pus bas de la cinquena republica. A la contestacion sociala de la reforma del còde del trabalh, qu'a quitament devesit lo Partit Socialista, ven de s'apondre un nòu escàndol. Le Canard Enchaîné publicava ièr, a l'ocasion de la fèsta nacionala francesa, que lo president a a l'Elisi un cofaire salariat que lo paga l'argent public.
Lo cofaire personal del president francés se nomena Olivier B. e foguèt engatjat en 2012, just après l'eleccion d’Hollande. Deu èsser disponible 24 oras sus 24 e acompanhar lo president a totes los viatges diplomatics. En mai d’aquò, son contracte especifica que li es enebit de revelar quina convèrsa qu'aja tenguda amb lo president de la Republica Francesa. Segon lo jornal satiric francés, dempuèi 2012, Oliver B. a encaissat 593 700 èuros bruts.
Lo cofaire personal del president francés se nomena Olivier B. e foguèt engatjat en 2012, just après l'eleccion d’Hollande. Deu èsser disponible 24 oras sus 24 e acompanhar lo president a totes los viatges diplomatics. En mai d’aquò, son contracte especifica que li es enebit de revelar quina convèrsa qu'aja tenguda amb lo president de la Republica Francesa. Segon lo jornal satiric francés, dempuèi 2012, Oliver B. a encaissat 593 700 èuros bruts.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 A Tolosa se disiá cofar, cofaire e cofadura. Autra remarca de vocabulari: me sembla que per revirar Elysée, Elisèu seriá melhor qu' Elisi (catalanisme?).
#1 A Tolosa se disiá cofar, cofaire e cofadura. Autra remarca de vocabulari: me sembla que per revirar Elysée, Elisèu seriá melhor qu' Elisi (catalanisme?).
Oé, alara me farai l'avocat del diable mas aquò deu pas èsser un daquòs de novèl. Lo president de la republica foguèt totjorn una figura màger per la cinquena republica, e quitament se romègua, la populacion pensa qu'es important d'èsser governat per una òme que sembla fòrt.
Aquò's un còp bas del guit encadenat.
Vos remembratz pas de las annadas Sarkozy ? Èra pièger.
dinjs la lenga parlada se ditz lo coueifur, lo mot cofatge es invencion en oc coma en francés, solet exista coueifuro -coiffure, podèm dire coueifadura que se compren fasènt partida d'una familha nombrosa grafinhadura, rascladura, parladura etc etc
Vivem dins una monarquía onte lo poder ven de mai en mai personal e repressiu, centralizat e quasiment totalitari, çò qu'es pas un "scoop" amb la Vena Republica, mas tant qu'aquò vira, "l'elèit"
se gava....deman farà jorn!
Una pichona remarca de vocabulari dins l'article: cresi que se deu dire "coifaire" e non "cofaire", perqué una "cofa" es "une gaffe", e un cofaire serià puslèu "un gaffeur", lo coifaire de l'Eliseu es un cofaire, qu'a desvelat son salari, saique?!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari