Actualitats
Mohamed Lahouaiej Bouhlel, l’autor del chaple de Niça
Aviá 31 ans, èra d'origina tunisiana e èra conegut per la polícia per de delictes de drech comun
L’autor de l’atemptat de Niça, qu'a fach ochanta quatre mòrts e de desenats de ferits, es Mohamed Lahouaiej Bouhlel, un menaire professional de 31 ans e d’origina tunisiana, que trabalhava a Niça. Lo procuraire general de França, François Molins, raportèt arser l’identitat del murtrièr. Èra maridat e aviá tres filhs. I aviá pas de senhal que foguèsse radicalizat, e foguèt detengut fa gaire per un incident de circulacion. Segon de fonts policièras tunisianas que mençona l’agéncia Reuters, èra pas conegut per las fòrças de l’òrdre ni per la justícia d’aquel país.
Èra conegut per de faches de drech comun, principalament de violéncias. Dispausava pas d’una ficha S de seguretat e era desconegut dels servicis d’entresenhament per radicalizacion, segon çò qu’explicava Molins.
Bouhlel nasquèt dins la vila de Msaken, en Tunisia. Vesitèt son país per darrièr còp fa quatre ans, mas sabèm pas quora quitèt de demorar en Tunisia.
Segon Nice-Matin, el meteis loguèt lo camion que causèt lo chaple, aperaquí 24 oras abans l’atac.
Los enregistraments de vidèo-susvelhança permeton de veire lo camion dins un quartièr de Niça lo 13 de julhet. Bouhlel i arribèt en bicicleta, qu’après se trobèt dins lo camion. I a tornarmai d’imatges del camion a 22h3, dijòus, lo jorn del chaple, dins lo quartièr de Manhan de la vila. D’aquí intrèt dins lo Camin dels Angleses, ont se roncèt sus la molonada qu’era acampada per veire los fuòcs d’artifici del 14 de julhet. A la mitat de son percors assassin, tirèt amb un pistolet contra tres policièrs. Foguèt fòrça mai tard que las fòrças de seguretat l'arrestèron e lo tuèron. Lo sieu còrs demorèt dins la cabina, sul sèti del passatgièr. Dins lo vidèo que seguís, enregistrat per un testimòni, podètz veire lo moment que la polícia lo tua:
I a 84 mòrts e 52 ferits en estat critic, dont 25 en fasa de reanimacion. I a pas cap de revendicacion de l’atac, mas segon lo procuraire general, Bouhlel lo biais de far de Bouhlel “se correspond a las cridas d’accions terroristas dins los vidèos que se difondon sul ret”.
Èra conegut per de faches de drech comun, principalament de violéncias. Dispausava pas d’una ficha S de seguretat e era desconegut dels servicis d’entresenhament per radicalizacion, segon çò qu’explicava Molins.
Bouhlel nasquèt dins la vila de Msaken, en Tunisia. Vesitèt son país per darrièr còp fa quatre ans, mas sabèm pas quora quitèt de demorar en Tunisia.
Segon Nice-Matin, el meteis loguèt lo camion que causèt lo chaple, aperaquí 24 oras abans l’atac.
Los enregistraments de vidèo-susvelhança permeton de veire lo camion dins un quartièr de Niça lo 13 de julhet. Bouhlel i arribèt en bicicleta, qu’après se trobèt dins lo camion. I a tornarmai d’imatges del camion a 22h3, dijòus, lo jorn del chaple, dins lo quartièr de Manhan de la vila. D’aquí intrèt dins lo Camin dels Angleses, ont se roncèt sus la molonada qu’era acampada per veire los fuòcs d’artifici del 14 de julhet. A la mitat de son percors assassin, tirèt amb un pistolet contra tres policièrs. Foguèt fòrça mai tard que las fòrças de seguretat l'arrestèron e lo tuèron. Lo sieu còrs demorèt dins la cabina, sul sèti del passatgièr. Dins lo vidèo que seguís, enregistrat per un testimòni, podètz veire lo moment que la polícia lo tua:
I a 84 mòrts e 52 ferits en estat critic, dont 25 en fasa de reanimacion. I a pas cap de revendicacion de l’atac, mas segon lo procuraire general, Bouhlel lo biais de far de Bouhlel “se correspond a las cridas d’accions terroristas dins los vidèos que se difondon sul ret”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'EI té aquesta classa de personal,delinquents, mafiosos, miserables mercenaris per 1300 dolars, psicòpatas, lo que podriam dire lo pitjor de cada ciutat, personas que han pas trebalh e dificilment l' hauran. A despart d'acò, hi ha la situació com viuen los magrebins e tunissians dins l'estat Francès, discriminació, misèria e delinquència de sos barris, dificultats d'adaptacion per lo centralisme mai gran del mond que nega los drets fonamentals de home, que nega la mai petita diferència, que crea problemas per lo mocador al cap. Lo centre s'imposa de manera incomprensible per moltes personas qu' estan pas acostumadas atal. Lo centralisme s'imposa amb tot, fins amb lo menjar, lo nord d'Àfrica son de la dieta de l'oli e veuen que fins i tot lo sistema los imposa amb aquestas menudències la forma de cuinar a base de mantega.
Un depressiu suberviolent (n’ei pas clar s’èra de hèit un "psicopata") qui s’a causit un mòde operatòri exprèssament preconizat per Daesh e qui s’ac a preparat de longas.
Mes au contra de çò qui am entenut ça o la, depressius be pòden cométer massacres shens ua enguisha de Daesh, e shens qu’en America. Brombem-nos http://www.jornalet.com/nova/4913/lo-copilot-faguet-escrachar-intencionadament-lavion-segon-lenquesta .
era pas religios, era pas de daesh, era sonque un tuaire sicopata
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari