Actualitats
Un estudi demòstra que l’LSD libèra la creativitat de l'esperit, coma se foguèssem d’enfants
L'estudi reviscòla la polemica suls possibles usatges medicals d'aquela dròga
Per lo primièr còp, un grop de scientifics a captat d'images del cervèl de cèrtas personas jos l’efièch de l’LSD, la sigla alemanda de la dietilamida de l’acid d-lisergic. Gràcias a un vintenat de volontaris e d’escannèrs cerebrals, la còla de recercaires britanics a descobèrt qu'aquela dròga psiquedelica fòrça difonduda dins las annadas 1960 libèra lo cervèl e lo rend mens compartimentat. “En fòrça aspèctes, lo cervèl jos l’efièch de l’LSD se sembla del qu'aviam quand èrem d’enfantons: liure e sens restriccions”, segon Robin Cahart-Harris, coordinator de l’estudi de l’Imperial College de Londres.
Normalament lo cervèl trabalha amb de rets neuronals independents que realizan de foncions desseparadas coma la vista, lo movement e l’audicion, mas amb l’LSD s’es pogut veire que l’isolament e lo compartimentatge d’aqueles airals se desmantèlan e se crèa un sistèma mai unificat, çò ditz l’estudi publicat dins la revista scientifica Proceedings of the National Academy of Sciences. Quand los participants volontaris de l’experiéncia comencèron d'aver d’allucinacions, los escannèrs mostravan que recebián d’informacions de fòrça parts del cervèl. De regions cerebralas que trabalhan abitualament separadas “parlavan entre elas”.
Amb los primièrs imatges obtenguts de çò que se passa dins la pensada pendent un estat psiquedelic, los recercaires an pogut comprene melhor perqué l’LSD a un impacte prigond sus la consciència de se e “dissòlv l’ego”. E aquò, çò creson, pòt aver de grandas implicacions en psiquiatria e en qualques tractaments medicals.
Renais la polemica suls possibles usatges medicals
Es pas lo primièr còp que se parla dels possibles beneficis medicals de l’LSD, en particular, e de las drògas lisergicas en general. De fach, dins las annadas 1960 i aviá ja fòrça esperanças en lo sieu potencial e quitament se faguèt quatre grandas conferéncias scientificas sul tèma, amb de milièrs d’estudis compreses. Mas la consomacion exponenciala de l’LSD per de rasons recreativas entre los movements contraculturals de l’epòca arrestèt sul pic la recèrca medicala. Fins ara, practicament, “après cinquanta ans d’espèra”, çò assegura la còla de l’Imperial College de Londres.
Normalament lo cervèl trabalha amb de rets neuronals independents que realizan de foncions desseparadas coma la vista, lo movement e l’audicion, mas amb l’LSD s’es pogut veire que l’isolament e lo compartimentatge d’aqueles airals se desmantèlan e se crèa un sistèma mai unificat, çò ditz l’estudi publicat dins la revista scientifica Proceedings of the National Academy of Sciences. Quand los participants volontaris de l’experiéncia comencèron d'aver d’allucinacions, los escannèrs mostravan que recebián d’informacions de fòrça parts del cervèl. De regions cerebralas que trabalhan abitualament separadas “parlavan entre elas”.
Amb los primièrs imatges obtenguts de çò que se passa dins la pensada pendent un estat psiquedelic, los recercaires an pogut comprene melhor perqué l’LSD a un impacte prigond sus la consciència de se e “dissòlv l’ego”. E aquò, çò creson, pòt aver de grandas implicacions en psiquiatria e en qualques tractaments medicals.
Renais la polemica suls possibles usatges medicals
Es pas lo primièr còp que se parla dels possibles beneficis medicals de l’LSD, en particular, e de las drògas lisergicas en general. De fach, dins las annadas 1960 i aviá ja fòrça esperanças en lo sieu potencial e quitament se faguèt quatre grandas conferéncias scientificas sul tèma, amb de milièrs d’estudis compreses. Mas la consomacion exponenciala de l’LSD per de rasons recreativas entre los movements contraculturals de l’epòca arrestèt sul pic la recèrca medicala. Fins ara, practicament, “après cinquanta ans d’espèra”, çò assegura la còla de l’Imperial College de Londres.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E en enfantolitge tanben...
Un estudi demòstra benlèu ben que l’LSD libèra la creativitat de l'esperit, coma se foguèssem d’enfants, mas aquò o fa a la debuta sonque, qu'après, a despart d'engimbrar la dependéncia, mena pas grand causa mai. E en dependéncia, nosautres, Occitans, nos i coneissèm pas que tròp…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari