Actualitats
Bouhlel demandèt d’armas per SMS a un complice qualques instants abans lo masèl
La setmana abans l’atac, Bouhlel vendèt sa veitura e retirèt tot l’argent de son compte bancari
Analisi del telefòn mobil
L’analisi del telefòn mobil de Mohamed Lahouaiej Bouhlel, autor del chaple de Niça lo 14 de julhet passat, a permés de saber que, qualques minutas abans l’atemptat aviá mandat un SMS que demandava qu’òm li portèsse mai d’armas. “Pòrta mai d’armas, pòrta-ne 5 a C.”.
Los enquestaires son a seguir la pista d’un autre SMS trapat al telefòn del tuaire, ont el disiá: “Ja ai lo material”. En mai d’aquò, Bouhlel se prenguèt una autofòto per la mandar a sa familha.
Trobèron lo telefòn mobil de Bouhlel dins lo camion que l'aviá emplegat per tuar la molonada.
Un òme e una femna detenguts aurián fornit a l’assassin lo pistolet de 7,65 milimètres, que l'empleguèt per fusilhar los policièrs mentre que menava lo camion. Segon las informacions que las publican divèrses mèdias, Bouhlel auriá contactat aquelas doas personas mejançant una tresena persona, que seriá lo destinatari de l’SMS en question. A l’ora d’ara i a sèt personas detengudas.
L'èx-femna de Bouhlel foguèt mesa en libertat dimenge, dos jorns après que l'aguèt interrogada la polícia.
Abans l’atac
La setmana abans l’atac, Bouhlel vendèt sa veitura e retirèt tot l’argent de son compte bancari. Es alavetz, segon qualques fonts, qu’auriá declarat a sos pròches sa radicalizacion jihadista. Segon Nice-Matin, un de sos darrièrs movements bancaris es una crompa per internet de 24 èuros designat jol tèrme “islam”. Tanben aquela setmana reglèt l’assegurança escolara de sos tres enfants qu’an 1, 4 e 6 ans respectivament.
Niça es una de las vilas qu’an mai de camèras de videosusvelhança installadas per carrièras. Es per aquò que los enquestaires an descobèrt rapidament los movements que faguèt Bouhlel abans cometre l’atemptat. Aquelas camèras mòstran que l’assassin menava aquel camion qualques jorns abans pel Camin dels Angleses, en fasent exactament lo meteis percors que lo faguèt durant lo masèl.
En tractament psicologic dempuèi d’annadas
Ara l’enquèsta es centrada sus la determinacion del perfil psicologic de Bouhlel, e s’interròga divèrsas personas de son entorn. Segon sa familha, èra en tractament psicologic dempuèi d’annadas.
Èra conegut per de faches de drech comun, principalament de violéncias, mas dispausava pas d’una ficha S de seguretat e era desconegut dels servicis d’entresenhament per radicalizacion. Segon los enquestaires se seriá radicalizat d’un biais fòrça rapid. Aquò explicariá perqué sos amics e parents negan que foguèsse una persona religiosa.
Segon lo primièr ministre francés, Manuel Valls, la revendicacion de l’atac facha per l’Estat Islamic, e la rapida radicalizacion de l’assassin “confirman la natura islamista de l’atac”.
De filmes retirats de las salas de cinèma
Lo filme Bastille Day, que se projectèt per primièr còp als cinèmas lo 13 de julhet, es estat retirat de 230 salas de cinèma de l’estat francés. Lo filme es protagonizat per un agent de la CIA que se’n va a París per desmantelar un atemptat previst per la fèsta del 14 de julhet. Se considèra que lo filme a tròp de coïncidéncias amb l’orror viscuda a Niça, e l’an retirat “per respècte de las victimas e de las familhas”.
Tanben lo filme Made in France foguèt retirat de las salas de cinèma francesas après los atemptats del 13 de novembre a París, car recreava los preparatius d’un atemptat jihadista dins la capitala de França.
L’analisi del telefòn mobil de Mohamed Lahouaiej Bouhlel, autor del chaple de Niça lo 14 de julhet passat, a permés de saber que, qualques minutas abans l’atemptat aviá mandat un SMS que demandava qu’òm li portèsse mai d’armas. “Pòrta mai d’armas, pòrta-ne 5 a C.”.
Los enquestaires son a seguir la pista d’un autre SMS trapat al telefòn del tuaire, ont el disiá: “Ja ai lo material”. En mai d’aquò, Bouhlel se prenguèt una autofòto per la mandar a sa familha.
Trobèron lo telefòn mobil de Bouhlel dins lo camion que l'aviá emplegat per tuar la molonada.
Un òme e una femna detenguts aurián fornit a l’assassin lo pistolet de 7,65 milimètres, que l'empleguèt per fusilhar los policièrs mentre que menava lo camion. Segon las informacions que las publican divèrses mèdias, Bouhlel auriá contactat aquelas doas personas mejançant una tresena persona, que seriá lo destinatari de l’SMS en question. A l’ora d’ara i a sèt personas detengudas.
L'èx-femna de Bouhlel foguèt mesa en libertat dimenge, dos jorns après que l'aguèt interrogada la polícia.
Abans l’atac
La setmana abans l’atac, Bouhlel vendèt sa veitura e retirèt tot l’argent de son compte bancari. Es alavetz, segon qualques fonts, qu’auriá declarat a sos pròches sa radicalizacion jihadista. Segon Nice-Matin, un de sos darrièrs movements bancaris es una crompa per internet de 24 èuros designat jol tèrme “islam”. Tanben aquela setmana reglèt l’assegurança escolara de sos tres enfants qu’an 1, 4 e 6 ans respectivament.
Niça es una de las vilas qu’an mai de camèras de videosusvelhança installadas per carrièras. Es per aquò que los enquestaires an descobèrt rapidament los movements que faguèt Bouhlel abans cometre l’atemptat. Aquelas camèras mòstran que l’assassin menava aquel camion qualques jorns abans pel Camin dels Angleses, en fasent exactament lo meteis percors que lo faguèt durant lo masèl.
En tractament psicologic dempuèi d’annadas
Ara l’enquèsta es centrada sus la determinacion del perfil psicologic de Bouhlel, e s’interròga divèrsas personas de son entorn. Segon sa familha, èra en tractament psicologic dempuèi d’annadas.
Èra conegut per de faches de drech comun, principalament de violéncias, mas dispausava pas d’una ficha S de seguretat e era desconegut dels servicis d’entresenhament per radicalizacion. Segon los enquestaires se seriá radicalizat d’un biais fòrça rapid. Aquò explicariá perqué sos amics e parents negan que foguèsse una persona religiosa.
Segon lo primièr ministre francés, Manuel Valls, la revendicacion de l’atac facha per l’Estat Islamic, e la rapida radicalizacion de l’assassin “confirman la natura islamista de l’atac”.
De filmes retirats de las salas de cinèma
Lo filme Bastille Day, que se projectèt per primièr còp als cinèmas lo 13 de julhet, es estat retirat de 230 salas de cinèma de l’estat francés. Lo filme es protagonizat per un agent de la CIA que se’n va a París per desmantelar un atemptat previst per la fèsta del 14 de julhet. Se considèra que lo filme a tròp de coïncidéncias amb l’orror viscuda a Niça, e l’an retirat “per respècte de las victimas e de las familhas”.
Tanben lo filme Made in France foguèt retirat de las salas de cinèma francesas après los atemptats del 13 de novembre a París, car recreava los preparatius d’un atemptat jihadista dins la capitala de França.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 E donc segon rasons d’aqueras, qué qui hèsquin los assassins, n’am pas nat dret de’us "increpar". De que n’ia qui tuvan lo monde a molons mes bon, ne’us pòdi jutjar que jo tanpauc ne soi pas blanc com nèu. Tè, enqüèra aqueste mes qu’èi pagat la factura d’aiga en retard, lèd bagatge qui soi…
—
Peu milantau còp : d’entre totas las ideas qui pòdem criticar, la religion n’a pas ni dispensa ni passadret. Que pòdem criticar l’islam tot parièr com e pòdem criticar l’ateïsme, o lo jacobinisme e l’occitanisme, lo chavisme e lo thatcherisme, Epicur e Platon, MacOS e Windows, Descartes e Condillac, Voiture e Benserade, La Fouine e Booba, Còsta e Sumien; que pòdem criticar qué o qui que sii per tant qui preséntim arguments.
"Tots los musulmans que son terroristas o simpatizants, e pro" vs. "Lo terrorisme jihadista n’a pas arren de véder dab l’islam, punt finau" ne son pas arguments, que son sonsainas arreboridas entà clavar tot debat e denegar tota complexitat.
E adara qu’èi en·hailat los dus camps, anem! clicatz, clicatz suus petits pogars baishats… Aquò que costa mensh que d’argumentar o de pensar.
#1#3 أرى كل إنسان يرى عيب غيره ويعمى عن العيب الذي هو فيه
"Totòm critica las pecas dels autres, mas demòra òrb a las seunas pròpias".
#2 E lo necitge dels islamolatras, te disi pas! Ara nos vòlon far creire que los darrièrs atemptats an pas res a veire amb l'islam... coma la pluèja a pas res a veire amb las nivols!
Degun denega l'islamisme radicau.
E degun denega lo necitge radicau d'unei comentators abituau de Jornalet....
e zou mai, un afgan de 17 ans, un brave pichòt refugiat ataca amb una destrau lei passatgiers d'un trin en cridan allah akbar, un còp de foliá diràn leis egregis comentators eicelentissimas dau jornalet que sa reacion foligauda après lo chaple de Nissa s'atroba desmentida, per lei fets qu'establisson una filialion religiosa e una preparacion menuciosa dins l'atentat ben mai qu'un òme que s'estira sus lo canapè dau psicanalista e que subran li aguèt petat un cèucle. Perqué doncas s'entestardir a voguer negar l'islamisme radicau ? lei guerras de religion an doncas jamai existit en França e dins nòstra bèla Occitania immaculada ? la Saint-Barthèlemy deurriá doncs èstre supprimida dau calendier e remplaçada per un omenatge au paure Bartoumiu que si nega, que si nega... tirem lo liban e n'avèm de regret !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari