Actualitats
Manuel Valls increpat a Niça
Lo primièr ministre francés e la ministra de la santat an subit de fiuladas, de demandas de “demission” e de crits d’”assassins”
Diluns passat a miègjorn se debanèt per Occitània tota, de las Valadas fins a Aran, una minuta de silenci per las victimas del masèl de Niça. Mas dins la solemnitat del moment, se poguèt ausir de fiuladas e de repròchis al primièr ministre Manuel Valls.
Mai de 40 000 personas se rassemblèron diluns sul Camin dels Angleses de Niça, ont Mohamed Lahouaiej-Bouhlel roncèt un camion sus la molonada en tuant 84 personas e en ne ferissent mai de 200. Aquí se trobava Manuel Valls e la ministra de la santat, Marisol Touraine, que representèron lo govèrn francés e patiguèron las fiuladas e los repròchis del mond. “Demission”, çò cridavan qualques unes, del temps que d’autres los acusavan dels atacs en los tractant d'“assassins”.
La minuta de silenci s’es tanben facha per tot l’estat francés e dins las principalas institucions de l’Union Europèa: a la Cort de Justícia de Luxemborg e al començament de la session del conselh dels ministres d’exteriors a Brussèlas.
Lo president de França, François Hollande, faguèt la minuta de silenci al sèti del Ministèri de l’Interior, amb lo ministre Bernard Cazeneuve e de representants de las fòrças de seguretat. A París, lo mètro e qualques trens interrompèron lo servici durant aquela minuta en signe de dòl.
Omenatges populars en occitan
Divèrsas mòstras popularas d’omenatge a las victimas an emplit lo Camin dels Angleses, qu’ara es tot plen de flors, de peluchas, de fòtos e de messatges tanben en occitan, coma se pòt veire sus las fotografias que publica Nice Matin.
L’imne niçard Niça la bèla escrich en 1904 pel barde niçard Menica Rondelly es lo cant mai emplegat per rendre omenatge a las victimas.
Mai de 40 000 personas se rassemblèron diluns sul Camin dels Angleses de Niça, ont Mohamed Lahouaiej-Bouhlel roncèt un camion sus la molonada en tuant 84 personas e en ne ferissent mai de 200. Aquí se trobava Manuel Valls e la ministra de la santat, Marisol Touraine, que representèron lo govèrn francés e patiguèron las fiuladas e los repròchis del mond. “Demission”, çò cridavan qualques unes, del temps que d’autres los acusavan dels atacs en los tractant d'“assassins”.
La minuta de silenci s’es tanben facha per tot l’estat francés e dins las principalas institucions de l’Union Europèa: a la Cort de Justícia de Luxemborg e al començament de la session del conselh dels ministres d’exteriors a Brussèlas.
Lo president de França, François Hollande, faguèt la minuta de silenci al sèti del Ministèri de l’Interior, amb lo ministre Bernard Cazeneuve e de representants de las fòrças de seguretat. A París, lo mètro e qualques trens interrompèron lo servici durant aquela minuta en signe de dòl.
Omenatges populars en occitan
Divèrsas mòstras popularas d’omenatge a las victimas an emplit lo Camin dels Angleses, qu’ara es tot plen de flors, de peluchas, de fòtos e de messatges tanben en occitan, coma se pòt veire sus las fotografias que publica Nice Matin.
L’imne niçard Niça la bèla escrich en 1904 pel barde niçard Menica Rondelly es lo cant mai emplegat per rendre omenatge a las victimas.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
1-Lo que hauria de far Manelet: Crear un Ministeri d'Afar del Magrep e Tunisia, per resoldre lors problemas.
- Los quartièrs ont viu gran part d'aquesta poblacion ha d'haver bons equipaments. Escolas, Serveis Socials, Bibliotecas, Oficines de Trebalh, Centre Cultural, piscinas, cinemas, botigas ,mercats.
-Als quartiers s'han de reformar los blocs de pisos e far chalets. Las reformas los han de far los mateissos habitants dels quartiers, per donar-los feina.
-Hi ha d'haver serveis de seguretat de policia format per agents magrebins. Per evitar qu' es venga droga.
2-Portar una política de neutralitat, e participar pas en las guerras que li obliga l'Imperi e l'Otan.
#3 ultradreta inexistenta dab entre lo tèrç e lo quart deus francés parats a votar FN? Mes que considèratz l’FN com dreta moderada bahida.
—
Èm condemnats a har bitsègas per totjamei entre los qui vòlen condemnar tot musulman a priori e rai, e los qui cantan adarron qu’a "pas arren de véder"?
99% deus musulmans (o 90%, o 999‰… hornir la chifra de qui cau se l’atz) ne son PAS jihadistas.
100% deus jihadistas (o 99%, o 999‰…) que SON musulmans (lhèu de farlabica, convertits deu maitin, granguinholescs, manipulats, mauaprés, estraviats, desentenuts, shens cultura coranica… mes totun).
—
Encrepar, increpar qu’ei coneishut e emplegat en Roèrgue deu temps deu Mistral… un parçanisme, donc |:)
increpar es un catalanisme incompreënsible; equivalénts occitans amonestar, remochinar, un primier ministre que sa preocupacion primiera ei de luchar contra una ultràdrecha inexistenta e de meinatjar leis electors musulmans que votaràn per lei socialistas au nom sacrat dau pasd'amalgama e qu'au sen de la religion de BAFOMET, li a fòrça djihadistas declarats o ben in spe que devon èstre neutralizats, VALLS lo catalan increpat, de segur Valls lo cap de govèrn insurtat (prov) insolentat (lengadocian) , conspué en francés
La fauta es pas voler nomenar lo salafisme coma banh de cultura ont prospèra lo terrorisme. E aquò per poder contunhar de far d'afars amb cèrt païses. Fin finala, las dardenas que fan dintrar per l'obsession del deficit en vendent de material de guèrra las escampan per luchar contra lo "terrorisme". Sus aquò, la drecha a pas res a dire, que far parièr. Quant a la pagalha que semena per los sols interesses electoralistas, es totalament irresponsabla. Sens comptar que part de las criticas pòrta sus de causas que faguèt o que volguèt pas veire lo sarkozisme triomfant.
Lor chau ben veire la vertat en fàcia un jorn o l'autre...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari