Un jove de dètz e sèt ans ataquèt diluns de ser amb una arma blanca los passatgièrs d’un tren près de la vila alemanda de Würzburg, al nòrd de Bavièra, e ne feriguèt quatre, dont un se tròba en estat grèu. O expliquèt lo ministre de l’interior bavarés, Joachim Herrmann, que confirmèt que l’atacant èra un jove afgan demandaire d’asil. La polícia lo fusilhèt e tuèt.
 
Al començament, un pòrtavotz de la polícia aviá dich que i aviá entre quinze e vint ferits, mas la chifra foguèt sul pic rebaissada a quatre. Los mèdias locals raportèron que l’agressor portava una pigassa.
 
Lo tren anava entre Ochsenfurt e Würzburg, e l'organizacion Estat Islamic revendiquèt l'atac ièr dimars.