Actualitats
La justícia espanhòla ordena de tornar un depaus nazi a l’assassin de Guillem Agulló
Demest lo material que se reclama i a de desenats de braçalets amb la crotz gammada, de croses dauradas amb lo simbòl del Tresen Reich e de libres sus Hitler e la Gestapo
En 2005 la polícia espanhòla menèt a bon tèrme la nomenada operacion Panzer, qu’impliquèt la detencion de 17 personas restacadas a un grop neonazi e acusadas de possession illegala d’armas, dont fòrça provenián de l’armada espanhòla. Un d’aqueles detenguts, Pedro Cuevas Silvestre, a reclamat aquesta setmana a la justícia espanhòla que li tornen tot lo material amb simbologia nazi que la polícia li requisionèt en 2005, dont de desenats de braçalets amb la crotz gammada, de croses dauradas amb lo simbòl del Tresen Reich, de libres sus l’istòria e la Gestapo, d’exemplars del Mein Kampf, de pegasolets amb l’imatge d’Hitler, de pins amb d’inscripcions nazis, de croses alemandas e de figuras amb la forma d’una agla que pren una crotz gammada, qualques bandièras, de filmes e tablèus amb de simbòls nazis. La cort de justícia provinciala de Valéncia a ordenat que li tornen tot aquel material, segon çò que publica Levante. En mai d’aquò, Cuevas a reclamat la restitucion de divèrsas armas, çò precisa Vilaweb.
Durant la detencion en 2005, la Gàrdia Civila perquisionèt fòrça armas de fuòc, dont un lançagrenadas. Mas aquel arsenal foguèt destruch abans lo jutjament. Segon la polícia, la destruccion d’aquelas pròvas se faguèt “per error”.
Los avocats de Cuevas, per reclamar tot aquel material, an emplegat l’argument que las leis espanhòlas condemnan pas la possession de simbologia nazi.
L’elegit valencian Ricardo Sixto diguèt espantat als mèdias, qu’aquel material “deu èsser destruch e non pas tornat”. “Es coma s’a un pedofil li tornavan sos vidèos après que los reclamèt”, çò precisèt.
S’agís de l’assassin de Guillem Agulló
Pedro Cuevas es pas un òme desconegut. En 1993 foguèt condemnat per l’assassinat del jove independentista e antifaissista Guillem Agulló al País Valencian. Cuevas foguèt condemnat a dètz e sèt ans de preson, mas ne compliguèt solament quatre. Lo jutge de la cort provinciala de Castelló cambièt la consideracion politica de l’assassinat a una simpla bagarra de joves. Pasmens, l’assassin fasiá partida del grop d'ultradrecha Komando Marchalenes IV Reich.
Durant la detencion en 2005, la Gàrdia Civila perquisionèt fòrça armas de fuòc, dont un lançagrenadas. Mas aquel arsenal foguèt destruch abans lo jutjament. Segon la polícia, la destruccion d’aquelas pròvas se faguèt “per error”.
Los avocats de Cuevas, per reclamar tot aquel material, an emplegat l’argument que las leis espanhòlas condemnan pas la possession de simbologia nazi.
L’elegit valencian Ricardo Sixto diguèt espantat als mèdias, qu’aquel material “deu èsser destruch e non pas tornat”. “Es coma s’a un pedofil li tornavan sos vidèos après que los reclamèt”, çò precisèt.
S’agís de l’assassin de Guillem Agulló
Pedro Cuevas es pas un òme desconegut. En 1993 foguèt condemnat per l’assassinat del jove independentista e antifaissista Guillem Agulló al País Valencian. Cuevas foguèt condemnat a dètz e sèt ans de preson, mas ne compliguèt solament quatre. Lo jutge de la cort provinciala de Castelló cambièt la consideracion politica de l’assassinat a una simpla bagarra de joves. Pasmens, l’assassin fasiá partida del grop d'ultradrecha Komando Marchalenes IV Reich.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo ministre Fernandez Diaz un perillós extremista de destra, e de l'opus, com los integristas musulmans.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari