Actualitats
L’estat francés a alongat l’estat d’emergéncia fins en 2017
E mai s’aquela mesura d’exepcion se deviá acabar al començament de 2016, las pressions de la drecha e l’atemptat de Niça an fach que los deputats alongan la mesura sièis meses de mai
L'Assemblada francesa aprovèt ièr de matinada d'alongar l'estat d'emergéncia fins en genièr de 2017. L'atac de Niça de dijòus passat es estat decisiu per alongar l'estat d'emergéncia, que foguèt decretat pendent los atemptats de París de novembre e que s'agotava lo 26 de julhet après èsser reportat.
Amb aquel regim d'excepcion se permet d’escorcolhar d'abitacions sens cap d’autorizacion judiciària, e tanben d’inspectar d'ordenadors e de telefòns mobils. L'oposicion de la drecha considèra que son de mesuras insufisentas. Lo primièr ministre Manuel Valls, que diluns foguèt increpat a Niça, a reclamat unitat e que los partits tomben pas dins la demagogia. “A Niça i aguèt de crits de colèra, e los pòdi comprene. Mas pas los fiulets ni los insultes racistas que fomentan la confrontacion de las gents. Dins aquel contèxt, qui promet qu'o adobarà tot coma s'aguèsse una bagueta magica, mentís als franceses”.
L’estat d’emergéncia foguèt decretat après los atemptats del 13 de novembre a París e dona al govèrn e a l’estat francés de poders excepcionals que son estats fòrça criticats. Durant son aplicacion, los partits d’esquèrra e las associacions que defendon los dreches umans son inquietas qu’aquela disposicion repressiva se perpetue long del temps.
Supression de la Convencion Europèa dels Dreches Umans
Tant que durarà l’estat d’emergéncia, l’estat francés decidiguèt de suspendre son adesion a la Convencion Europèa per la Proteccion dels Dreches Umans e de las Libertats Fondamentalas. O faguèt en tot mandar una comunicacion oficiala al secretari general del Conselh d’Euròpa, Thorbjørn Jagland, coma o raportèt Geopolítica.cat e coma o confirmèt Le Monde.
Amb aquel regim d'excepcion se permet d’escorcolhar d'abitacions sens cap d’autorizacion judiciària, e tanben d’inspectar d'ordenadors e de telefòns mobils. L'oposicion de la drecha considèra que son de mesuras insufisentas. Lo primièr ministre Manuel Valls, que diluns foguèt increpat a Niça, a reclamat unitat e que los partits tomben pas dins la demagogia. “A Niça i aguèt de crits de colèra, e los pòdi comprene. Mas pas los fiulets ni los insultes racistas que fomentan la confrontacion de las gents. Dins aquel contèxt, qui promet qu'o adobarà tot coma s'aguèsse una bagueta magica, mentís als franceses”.
L’estat d’emergéncia foguèt decretat après los atemptats del 13 de novembre a París e dona al govèrn e a l’estat francés de poders excepcionals que son estats fòrça criticats. Durant son aplicacion, los partits d’esquèrra e las associacions que defendon los dreches umans son inquietas qu’aquela disposicion repressiva se perpetue long del temps.
Supression de la Convencion Europèa dels Dreches Umans
Tant que durarà l’estat d’emergéncia, l’estat francés decidiguèt de suspendre son adesion a la Convencion Europèa per la Proteccion dels Dreches Umans e de las Libertats Fondamentalas. O faguèt en tot mandar una comunicacion oficiala al secretari general del Conselh d’Euròpa, Thorbjørn Jagland, coma o raportèt Geopolítica.cat e coma o confirmèt Le Monde.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Oé, perque i a un daquòs que se sona la "laïcitat" que garantís a cadun lo drech de practicar sa religion dins de condicions umanas e pacificas dins lo respècte mutual de las cresenças dels autres, qué que siá la dicha cresença, sens discriminacion.
Aquel principi, "drechdelomista" dirián qualques illuminats del cogordon, pren rasiga dins de concepcions umanistas. Concepcions que totes los conflictes religioses an pas jamai amudats.
Question innocenta ? E se lo dich "salafisme" aviá pas besonh de l'umanisme per subreviure ?
E pendent aquel temps los deputats an arrefusat de tampar las mosquets salafistas.
E pendent aquel temps 8 jorns aprèp Niça Paris-palge festeja Tunisia!
Los politics n'en son daus braves. Demandam totjorn mai de totalitarisme sens se pausar la question de saber si çò qu'existe en matiera de repression es eficace o pas. De bons démocrates aurian damandat una commission parlementari d'enquesta.
O ben los socialistes son daus incompétents o ben son complicles dau crime de Niça. Emben totas las cameras catadas l'òm pòd se damandar coma lo camion a pogut se permenar dins las charrieras de Niça sens se far arrestar pus leu.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari