Actualitats
Lo TAS confirma lo vèto dels esportius russes als Jòcs de Rio de Janeiro
L'Associacion Internacionala de las Federacions d’Atletisme aviá sancionat Russia per violacion de las leis antidopatge
Lo Tribunal de l’Arbitratge Esportiu (TAS) a refusat aqueste dijòus passat l'apèl presentat pel Comitat Olimpic rus e 68 esportius contra la sancion impausada per la l’Associacion Internacionala de Federacions d’Atletisme (IAAF), çò que fòrabandís l’atletisme rus de las competicions internationalas e doncas dels Jòcs Olimpics de Rio de Janeiro.
L’IAAF sancionèt definitivament l’atletisme rus de quina competicion que siá en junh passat per sas infraccions tocant lo reglament antidopatge, e lo TAS a confirmat “la validitat” d’aquela decision.
“En prenent en compte que la Federacion d’Atletisme Russa es a l'ora d'ara suspenduda coma membre de l’IAAF, sos esportius satisfàn pas las condicions del reglament e son pas seleccionables per las competicions que se disputan jos las nòrmas de l’IAAF. Aquelas competicions comprenon las espròvas d’atletisme dels Jòcs Olimpics de Rio de Janeiro”, çò a soslinhat lo TAS dins sa senténcia.
L’IAAF sancionèt definitivament l’atletisme rus de quina competicion que siá en junh passat per sas infraccions tocant lo reglament antidopatge, e lo TAS a confirmat “la validitat” d’aquela decision.
“En prenent en compte que la Federacion d’Atletisme Russa es a l'ora d'ara suspenduda coma membre de l’IAAF, sos esportius satisfàn pas las condicions del reglament e son pas seleccionables per las competicions que se disputan jos las nòrmas de l’IAAF. Aquelas competicions comprenon las espròvas d’atletisme dels Jòcs Olimpics de Rio de Janeiro”, çò a soslinhat lo TAS dins sa senténcia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Acò ve de la guerra d'Ucraïna, l'Imperi del mal volia pas que Russia haguesse Sebastopol ni lo Combàs.
Es una vergonha de mai per l'espòrt internacional. Se se mostrèt de dopage a Sotchi ,( çò que demòra de demostrar) per de que condemnar totes los autres esportius de totes las autras disciplinas . Encara un còp aquò's l'òbra de l'OTAN , de la politica , de la guèrra fresca. Nos prepara una guèrra ambe la Russia . remembram nos consí 300 fans de la còla de Russia, an caçat 25000 angleses de la Canabièra mentre l' eurò ( çò que nos diguèron las cadenas de television sens rire ). Los enemics de la Russia , dins los mediás , gaireben totes los jornalistas franchimands vistables, que ne son demorats a l'atge de l'URSS , e doncas que cargan Potin de totes los pecats de la Tèrra , mentre que lo monde liure , e França contunha de menar lors operacions criminèlas dins Libia , Mali , Tchad , Gabon , Siria , sens que los anti- russas dubriguèsson los uèlhs pas qu'una segonda , per estudiar çò que n' es?
Es plan conegut que los esportius franceses se dòpan pas jamai???!!!!
Alara cal arrestar de pintrar lo monde en blanc o negre , òc Potin e los oligarcs valon pas mai que los nòstres oligarcs putassièrs republicans . Mas cal notar que l'abséncia de criticas sus aquela question mòstra plan acò dels nòstres occitanistas lo gras de l' alienacion intellectuala , que se pensan qu'avèm aicí una democracia subre melhora qu' endacòm mai . E que per se desalienar cal començar per regardar las causas en fàcia , e dire çò que se pòt pensar per exemple de 'envèja de 8000 òmes e de basas "anti missiles" dins Polonha , Romania , Bulgaria, Estònia , Lituània , Eslovaquia ece.
Podèm encara fintar del costat d'America del Sud en passa de "normalisacion" , la presidenta d'Argentina levada mentre que los banquièrs pagan lo deute als fons voltors de Neu Iòrq, La presidenta de Brasil depausada , per un tipe qu'es notat dins la tièra dels Panama Papers , L'ofensiva a Cuba contra Castrò , al Venezuela contra Maduro, dins Ecuator , contra la China tanben .
Totes aquels signes mòstran que quicòm s' apreparan e que serà pas gaire bon per l'umanitat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari