Actualitats
Nòva York: an jogat Niça la bèla sus la plaça de Times Square
Dins un acte d’omenatge e solidaritat amb las victimas de l’atemptat de Niça
Una orquèstra compausada d’un cinquantenat de musicians joguèt l’imne niçard Niça la bèla sus la plaça de Times Square, al centre de Nòva York, dins un acte d’omenatge e solidaritat amb las victimas de l’atemptat de Niça.
L’idèa venguèt del trompetista niçard Dominic Derasse, installat als Estats Units dempuèi 1985. Derasse recampèt d’amics musicaires per jogar lor “messatge de sosten”. Recebèt aperaquí 200 responsas, mas Times Square voliá pas mai de 50 musicians.
Lo conegut cap d’orquèstra Anton Coppola, oncle del realizaire Francis Ford Coppola, participèt a aquel omenatge.
L’orquèstra interpretèt Niça la bela e La Marselhesa.
L’idèa venguèt del trompetista niçard Dominic Derasse, installat als Estats Units dempuèi 1985. Derasse recampèt d’amics musicaires per jogar lor “messatge de sosten”. Recebèt aperaquí 200 responsas, mas Times Square voliá pas mai de 50 musicians.
Lo conegut cap d’orquèstra Anton Coppola, oncle del realizaire Francis Ford Coppola, participèt a aquel omenatge.
L’orquèstra interpretèt Niça la bela e La Marselhesa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo melhor omenatge que es pot far es declarar l'Estat francès neutral e defensor de la patz. Fora seguir los desitjos de l'Imperi amb sa folhia d'apoderar-se del mond. Fora míssils a Rumania, Turquia,,,... apuntant a Rússia, e deissar los russos que acaben de vencer l' EI. Aleshores los refugiats podran tornar a son país en patz.
I a malastrosament en frança una recuperacion vergonhosa dei chaples qu'avèm subit: n'aprofíchon per recampar à l'entorn dei "valors de la Republica": l'imne, lo drapeu... Veguessiatz au Liceu de Brinhòlas: plus d'ensenhament dau provençau, mai un "Hall de la Liberté", un "Espace République", etc.
E au Vau, se multiplícon lei ceremoniés (liberacion dau vilatge - que fuguèt jamai ocupat-, guèrra d'Argeria, 14 de julhet, ... e aquest an la commemoracion de Verdun); dins lo meme temps, la Comuna lèva lo paneu "leï trege raï" ("Lei tretge rais" en grafia justa) que marcava l'intrada dau vilatge per i metre "Le Val en Provence Verte".
Per çò qu'es de Niça, Estrosi es ben tròup preocupat per sa carriera politica e son sostèn à NS e sa lucha còntra lo govèrn socialista per s'entrevar dei Niçards e de son identitat (d'alhors, vèn de talhar la suvencion per la premsa en occitan, dau temps que promete de molons de sòus per Azur TV, cadena privada niçarda que se vòu alargar sobre la region).
Los Americans que hèn l'imne de Niça entà har aumenatge a las victimas deu 14.07.16. Que i a tanben lo tahicians de Papeete que hasón parièr. Ua bèra pròva de respècte deus Estatsunians e deus autes. En França, pr'amor que l'imne ei en occitan, "Niça la Bèla" qu'ei bona per la pobèla de l'Istòria. La Marselhesa qu'ei tot e Holande que demòra a París a l'acès. Vergonha !!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari