Actualitats
Kabol: almens 80 mòrts en un atac jihadista contra una manifestacion d’hazaras
L’Estat Islamic a mençonat lo caractèr shiita dels hazaras, que revendicavan de cambiaments al traçat d’una linha electrica
Almens ochanta personas moriguèron dissabte de miègjorn a Kabol (Afganistan) en un atemptat de l’Estat Islamic (EI) contra una manifestacion de la minoritat hazara. De kamikazes s’immolèron en fasent espetar de bombas dins lo cortègi de la protèsta. Dins la revendicacion, l’EI a mençonat lo caractèr shiita dels hazaras.
La manifestacion revendicava de cambiaments al traçat d’una linha electrica que tocava lor region.
Los hazaras (en persan: هزاره, que vòl dire “1000”), son un pòble de lenga pèrsa que viu al centre d’Afganistan, dins la region nomenada Hazarajat, e tanben coma refugiats en Pakistan e Iran. Son mai que mai shiitas e constituisson la tresena etnia d’Afganistan (aperaquí un 10% del total de la populacion), compausada per aperaquí quatre milions d’individús. La vila màger de lor region es Bamian. Los coneguts Budas de Bamiyan, destruches pels taliban en 2011, se trobavan en aquela region.
#Kabul tuits
La manifestacion revendicava de cambiaments al traçat d’una linha electrica que tocava lor region.
Los hazaras (en persan: هزاره, que vòl dire “1000”), son un pòble de lenga pèrsa que viu al centre d’Afganistan, dins la region nomenada Hazarajat, e tanben coma refugiats en Pakistan e Iran. Son mai que mai shiitas e constituisson la tresena etnia d’Afganistan (aperaquí un 10% del total de la populacion), compausada per aperaquí quatre milions d’individús. La vila màger de lor region es Bamian. Los coneguts Budas de Bamiyan, destruches pels taliban en 2011, se trobavan en aquela region.
#Kabul tuits
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari