Actualitats
Lo grop Òc se desmultiplica
Que siá amb lo grop Òc o amb CS-Prod, las activitats del grop menat per Cristian Salés son multiplas en aqueste estiu de 2016
Alan Roch
Òc-Lumina a la Ciutat de Carcassona
Lo grop Òc aviá animat de 2006 a 2009 lo grand Teatre de Ciutat a Carcassona amb sos espectacles istorics sus Riquet, 1907 e la Crosada. En aqueste mes d’agost, del 8 al 15, tornan trapar aquel luòc magic per presentar la creacion Òc-Lumina, inspirada de l’imaginari medieval. L’espectacle mescla imatges, musica e cants, raconte aprèp la descobèrta d’un pergamin medieval…
L’espectacle serà tanben presentat lo dissabte 20 d’agost al Festenal occitan de Narbona-Platja.
L’istòria sus scèna
Lo grop jogarà tanben sos espectacles sus 1209 a Taussac (Carladés) aqueste divendres 29 de julh e a Castèlnòu de Lèvis (país d’Albi), aqueste dissabte 30 de julh. Tornarà sus l’istòria occitana dels vinhairons lo dimècres 17 d’agost a Las Tors (Montanha Negra). L’espectacle sul Sòmi de Riquet serà presentat lo dimenge 21 d’agost a Seta per marcar los 350 ans del decret de lançament de las òbras del canal.
Sons e lums
Cristian Salés es tanben especialista dels sons e lums. Dos se pòdon véser en aquesta fin de julh e al mes d’agost quand tomba la nuèit :
— La légende de l’étang (La legenda de l’estanh) a Capestanh (Besierés), los dimècres fins al 17 d’agost
— La penche d’aur/La Canso a Las Tors (Montanha Negra), los dimècres fins al 24 d’agost (levat lo 17)
Publicacions
Cristian Salés se fa tanben editor amb CS-Prod. Ven de sortir tres libres novèls :
— La légende de l’étang/La legenda de l’estanh: una istòria que se passa a Capestanh e que s’apièja suls dessenhs al plafon del castèl (del sègle 15). Libre en francés e occitan, amb un DVD.
— Pays cathare, trésors du patrimoine amb las supèrbas fotografias de Felip Calàs.
— 1907, la route des gueux es un roman inedit e en francés qu’escriguèt Leon Còrdas a la debuta de las annadas 50 aprèp aver agut pel cap de realizar un filme sus las manifestacions de 1907. Cal remembrar qu’a Argelièrs se tornèt dobrir un còp de mai lo cafè de Marcelin Albèrt lo 16 de julh passat, mercé a l’associacion Cafè Marcelin-Albèrt qu’òbra per faire tornar viure aquel luòc cargat d’istòria.
Lo cafetièr-vinhairon seriá plan content de veire que lo sens de l’espectacle e la volontat de faire viure lo país an pas desaparegut de son vilatge dempuèi un sègle!
Alan Roch
Lo grop Òc aviá animat de 2006 a 2009 lo grand Teatre de Ciutat a Carcassona amb sos espectacles istorics sus Riquet, 1907 e la Crosada. En aqueste mes d’agost, del 8 al 15, tornan trapar aquel luòc magic per presentar la creacion Òc-Lumina, inspirada de l’imaginari medieval. L’espectacle mescla imatges, musica e cants, raconte aprèp la descobèrta d’un pergamin medieval…
L’espectacle serà tanben presentat lo dissabte 20 d’agost al Festenal occitan de Narbona-Platja.
L’istòria sus scèna
Lo grop jogarà tanben sos espectacles sus 1209 a Taussac (Carladés) aqueste divendres 29 de julh e a Castèlnòu de Lèvis (país d’Albi), aqueste dissabte 30 de julh. Tornarà sus l’istòria occitana dels vinhairons lo dimècres 17 d’agost a Las Tors (Montanha Negra). L’espectacle sul Sòmi de Riquet serà presentat lo dimenge 21 d’agost a Seta per marcar los 350 ans del decret de lançament de las òbras del canal.
Sons e lums
Cristian Salés es tanben especialista dels sons e lums. Dos se pòdon véser en aquesta fin de julh e al mes d’agost quand tomba la nuèit :
— La légende de l’étang (La legenda de l’estanh) a Capestanh (Besierés), los dimècres fins al 17 d’agost
— La penche d’aur/La Canso a Las Tors (Montanha Negra), los dimècres fins al 24 d’agost (levat lo 17)
Publicacions
Cristian Salés se fa tanben editor amb CS-Prod. Ven de sortir tres libres novèls :
— La légende de l’étang/La legenda de l’estanh: una istòria que se passa a Capestanh e que s’apièja suls dessenhs al plafon del castèl (del sègle 15). Libre en francés e occitan, amb un DVD.
— Pays cathare, trésors du patrimoine amb las supèrbas fotografias de Felip Calàs.
— 1907, la route des gueux es un roman inedit e en francés qu’escriguèt Leon Còrdas a la debuta de las annadas 50 aprèp aver agut pel cap de realizar un filme sus las manifestacions de 1907. Cal remembrar qu’a Argelièrs se tornèt dobrir un còp de mai lo cafè de Marcelin Albèrt lo 16 de julh passat, mercé a l’associacion Cafè Marcelin-Albèrt qu’òbra per faire tornar viure aquel luòc cargat d’istòria.
Lo cafetièr-vinhairon seriá plan content de veire que lo sens de l’espectacle e la volontat de faire viure lo país an pas desaparegut de son vilatge dempuèi un sègle!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari