Actualitats
Rugbi de XIII: davalada en estiu pels Dragons
Moment clau de la sason amb las mièjas finalas de Cup, la fin de la primièra fasa de Super-Liga e la debuta de la segonda fasa en Liga Una
Alan Roch
Los Dragons i son pas mai
La victòria de St-Helens 23-4 a Wigan que joguèt a “servís de res de dominar” divendres al ser obligava los catalans a anar ganhar dimenge a Widnes. Solament, los catalans passèron un còp de mai a costat de la partida que perdèron largament, tròp larjament, 32-4. Aquò los met en cinquena posicion: per la segonda fasa reçaupràn solament tres còps e partisson amb un retard de dos punts sus St-Helens, de 6 sus Wigan, de 7 sus Warrington e de 8 sus Hull-FC. En gròs, se caldrà concentrar sus un duèl amb St-Helens! Quand se pensa que fa dos meses los Sang e Aur avián 8 punts d’avança suls Sants!
Aquesta jornada vegèt la victòria de Leeds cò d’Hull-KR 24-20, d’Hull-FC a Salford 28-20, de Warrington sus Huddersfield 34-30 e de Castleford a Wakefield 46-20.
Los sang e aur reçaupràn Widnes, Castleford e Warrington e deuràn jogar a Hull-FC, Wigan, St-Helens e Wakefield. Demòra d’esperar que la quinzenada que ven tornarà metre lo jòc catalan dins lo bon sens: aquel de las victòrias per acabar dins los 4 primièrs!
Mièjas finalas de Cup
Aquesta dimenjada, plaça a las mièjas finalas de la Cup que seràn retransmesas per BeInSpòrt: Wigan-Hull-FC se jogarà divendres de ser e Warrington-Wakefield dissabte de vèspre.
Tolosa en forma
Per la primièra partida de la segonda fasa de la Liga Una, dissabte, lo Tolosa Olimpic recebiá a Blanhac los Keighley Cougars. Los Blaus occitans joguèron de longa en avançant e l’emportèron aisidament 40-4. Oposicion mai seriosa aqueste dissabte 30, a 6 e mièja del vèspre a Blanhac, amb la recepcion dels 3n: York City.
NRL: batèsta per la 8a plaça
En Austràlia, la 8a plaça qualificativa per las pelhòfas a plan de pretendents: per ara, los Titans e las Pantèras de Penrith an 22 punts e son seguits per 3 formacions a 20 punts: los Combatents neozelandeses, los Tigres e los Dragons de Sant Jòrdi. Dels cinc, ne caldrà pas que 2 de qualificats en setembre. Aquò promet partidas al cotèl!
La Federacion se met en plaça
D’aquel temps, lo novèl Comitat Director de la Federacion s’organiza, las responsabilitats son establidas e s’espèra pro lèu las primièras decisions per saupre, per exemple, la formula del campionat d’Elèit 1 de la sason venenta.
La pola dels Pols en Copa del monde
Dimars passat, se revelèt las polas de la Copa del Mond de la tardor de 2017 que veirà partidas se jogar en Austràlia, Nòva-Zelanda e Papoasia. Los Blaus seràn dins la pola A amb Australia, Anglatèrra e Liban. 3 qualificats dins la pola. L’atencion se focaliza ja sus la partida contra Liban, una formacion faita d’Australians d’origina libanesa. La pola B veirà s’afrontar la Nòva Zelanda, Escòcia, Samoa e Tònga. Las autras sièis esquipas seràn dins las polas de 3. Papoa, Estats Units e Fiji son ja qualificats. Demòra 3 plaças en competicion entre Galas, Irlanda, Russia, Serbia, Itàlia e Espanha. La finala se jogarà lo dissabte 2 de decembre de 2017 a Brisbane.
Alan Roch
Sus l'imatge: a l’entorn del president Marc Palanques (assetat al centre, camisa negra), lo Comitat Director elegit a la debuta de julh de la Federacion dels XIII. Entre los elegits, dreita (cinquena en partissent de la dreita), nomenada clavaira de la Federacion : Fabiana Albèrt, conselhièra pedagogica d’occitan d’Aude e maire del Dragon Lucàs Albèrt.
La victòria de St-Helens 23-4 a Wigan que joguèt a “servís de res de dominar” divendres al ser obligava los catalans a anar ganhar dimenge a Widnes. Solament, los catalans passèron un còp de mai a costat de la partida que perdèron largament, tròp larjament, 32-4. Aquò los met en cinquena posicion: per la segonda fasa reçaupràn solament tres còps e partisson amb un retard de dos punts sus St-Helens, de 6 sus Wigan, de 7 sus Warrington e de 8 sus Hull-FC. En gròs, se caldrà concentrar sus un duèl amb St-Helens! Quand se pensa que fa dos meses los Sang e Aur avián 8 punts d’avança suls Sants!
Aquesta jornada vegèt la victòria de Leeds cò d’Hull-KR 24-20, d’Hull-FC a Salford 28-20, de Warrington sus Huddersfield 34-30 e de Castleford a Wakefield 46-20.
Los sang e aur reçaupràn Widnes, Castleford e Warrington e deuràn jogar a Hull-FC, Wigan, St-Helens e Wakefield. Demòra d’esperar que la quinzenada que ven tornarà metre lo jòc catalan dins lo bon sens: aquel de las victòrias per acabar dins los 4 primièrs!
Mièjas finalas de Cup
Aquesta dimenjada, plaça a las mièjas finalas de la Cup que seràn retransmesas per BeInSpòrt: Wigan-Hull-FC se jogarà divendres de ser e Warrington-Wakefield dissabte de vèspre.
Tolosa en forma
Per la primièra partida de la segonda fasa de la Liga Una, dissabte, lo Tolosa Olimpic recebiá a Blanhac los Keighley Cougars. Los Blaus occitans joguèron de longa en avançant e l’emportèron aisidament 40-4. Oposicion mai seriosa aqueste dissabte 30, a 6 e mièja del vèspre a Blanhac, amb la recepcion dels 3n: York City.
NRL: batèsta per la 8a plaça
En Austràlia, la 8a plaça qualificativa per las pelhòfas a plan de pretendents: per ara, los Titans e las Pantèras de Penrith an 22 punts e son seguits per 3 formacions a 20 punts: los Combatents neozelandeses, los Tigres e los Dragons de Sant Jòrdi. Dels cinc, ne caldrà pas que 2 de qualificats en setembre. Aquò promet partidas al cotèl!
La Federacion se met en plaça
D’aquel temps, lo novèl Comitat Director de la Federacion s’organiza, las responsabilitats son establidas e s’espèra pro lèu las primièras decisions per saupre, per exemple, la formula del campionat d’Elèit 1 de la sason venenta.
La pola dels Pols en Copa del monde
Dimars passat, se revelèt las polas de la Copa del Mond de la tardor de 2017 que veirà partidas se jogar en Austràlia, Nòva-Zelanda e Papoasia. Los Blaus seràn dins la pola A amb Australia, Anglatèrra e Liban. 3 qualificats dins la pola. L’atencion se focaliza ja sus la partida contra Liban, una formacion faita d’Australians d’origina libanesa. La pola B veirà s’afrontar la Nòva Zelanda, Escòcia, Samoa e Tònga. Las autras sièis esquipas seràn dins las polas de 3. Papoa, Estats Units e Fiji son ja qualificats. Demòra 3 plaças en competicion entre Galas, Irlanda, Russia, Serbia, Itàlia e Espanha. La finala se jogarà lo dissabte 2 de decembre de 2017 a Brisbane.
Alan Roch
Sus l'imatge: a l’entorn del president Marc Palanques (assetat al centre, camisa negra), lo Comitat Director elegit a la debuta de julh de la Federacion dels XIII. Entre los elegits, dreita (cinquena en partissent de la dreita), nomenada clavaira de la Federacion : Fabiana Albèrt, conselhièra pedagogica d’occitan d’Aude e maire del Dragon Lucàs Albèrt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari