Actualitats
De bilhets amb la cara del Che Guevara, Hugo Chávez e Karl Marx pels refugiats
Lo conselh municipal de Gioiosa Ionica assegura que ne benefícian pas solament los demandaires d’asil mas tanben lo comèrci local
Gioiosa Ionica es un vilatge calabrés, a qualques 200 Km al sud de La Gàrdia, que son conselh municipal a creat una sèria de bilhets d’èuro amb la cara del Che Guevara, Hugo Chávez e Karl Marx. Aqueles bilhets se distribuisson als refugiats que son arribats al vilatge per que pòscan crompar de noiritura d’autras causas en vila. E mai se s’agís de bilhets falses, los comercis de la vila los accèptan per çò que son un profièch real.
Lo fach de recebre aquel argent de las autoritats favorís pas unicament los refugiats, qu'arriban en vila sens moneda locala, mas tanben los comerçants, que fan de nòus clients. Lo conselh municipal administra 35 “èuros” per jorn que servisson a cobrir lo lotjament, la noiritura, los suènhs medicals, los corses d’italian, l'ajuda per obténer un emplec e l’assisténcia d’asil.
L'idèa l’aguèt lo cònsol màger Salvatore Fuda, elegit fa tres ans e qu'aplica las politicas del govèrn italian del sistèma de proteccion pels demandaires d’asil e refugiats. “Un projècte coma lo nòstre, amb 75 refugiats, nos pòrta près d’un milion d’èuros l’an”, çò expliquèt. “Aquel argent torna al vilatge”, çò apondèt. En mai d’aquò, Fuda precisa qu’aquel plan servís a encoratjar lo multiculturalisme: “Los enfants de Gioiosa Ionica auràn pas cap de dificultat se coneisson de personas de colors, culturas e religions desparièras”.
Suls bilhets de 10 èuros i a la cara del Che Guevara, sus la de 20 èuros la cara de l’èx-president veneçolan Hugo Chávez e suls de 50 èuros la de Karl Marx, lo teorician del comunisme. Los bilhets pòrtan la frasa “pas de racisme” e al revèrs i a la signatura del coordinator dels servicis de refugiats de la vila, Giovanni Maiolo.
Lo fach de recebre aquel argent de las autoritats favorís pas unicament los refugiats, qu'arriban en vila sens moneda locala, mas tanben los comerçants, que fan de nòus clients. Lo conselh municipal administra 35 “èuros” per jorn que servisson a cobrir lo lotjament, la noiritura, los suènhs medicals, los corses d’italian, l'ajuda per obténer un emplec e l’assisténcia d’asil.
L'idèa l’aguèt lo cònsol màger Salvatore Fuda, elegit fa tres ans e qu'aplica las politicas del govèrn italian del sistèma de proteccion pels demandaires d’asil e refugiats. “Un projècte coma lo nòstre, amb 75 refugiats, nos pòrta près d’un milion d’èuros l’an”, çò expliquèt. “Aquel argent torna al vilatge”, çò apondèt. En mai d’aquò, Fuda precisa qu’aquel plan servís a encoratjar lo multiculturalisme: “Los enfants de Gioiosa Ionica auràn pas cap de dificultat se coneisson de personas de colors, culturas e religions desparièras”.
Suls bilhets de 10 èuros i a la cara del Che Guevara, sus la de 20 èuros la cara de l’èx-president veneçolan Hugo Chávez e suls de 50 èuros la de Karl Marx, lo teorician del comunisme. Los bilhets pòrtan la frasa “pas de racisme” e al revèrs i a la signatura del coordinator dels servicis de refugiats de la vila, Giovanni Maiolo.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 La religion — la soleta religion — de la moneda es lo cinisme, discrètament (mas plan resolgudament) atèa. Après, s'onòran los sants que trobam sul camin. A cadun sa mezura de la santetat… Mas totun, veire imprimit subre bilhets de banca las caras de combatents del liberalisme economic, aquò me malcòra, a ieu, bravament…
e la cara de Mahomet s'atroba pas sus lo bilhet de 200 euros ? Pecat contra lei petrodollars de l'Arabia saodita, mai ei verai que l'image dau profeta non se dèu representar, e qu'existon de bancas islmamicas.. a, l'islamofobia, ei pas facile a separar de la xenofobia, sa sorre putativa... e lo glasi de la lei nos menaça , sota l'estatua tutelària dau racisme, leis uelhs embandelats
feixistoides i corruptes per la tolerancia? es tracta d'una ironia veritat?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari