Actualitats
Euròpa: enebit lo passatge dels refugiats mas pas lo de las armas
De païses del centre e l’èst d’Euròpa an vendut d’armas per una valor d’1,2 miliard d’èuros qu'una granda partida n'es estada afectada a la guèrra de Siria
D’avions cargats d’armas an viatjat dels païses del centre e de l’èst d’Euròpa devèrs Orient, mai concretament devèrs l’Arabia Saudita, Jordania, los Emirats Arabis e Turquia. La majoritat d’aquel arsenal es anat a las mans de las milícias que luchan dins la guèrra de Siria. Los mandadisses comencèron en 2012 e an generat, almens, un profièch d’1,2 miliards d’èuros, segon una enquèsta menada a bon tèrme per Balkan Investigative Reporting Network (BIRN) e per Organised Crime and Corruption Reporting Project (OCCRP), çò rapòrta Vilaweb.
L’Arabia Saudita es lo principal crompaire d’armas. Segon los calculs dels cercaires, almens 10 000 fusilhs AK-47, 6300 mitralhadoras, 18 500 lançagrenadas, 300 tancs, 250 batariás antiaerianas e 90 lançadors multiples de missils son anats a las mans sauditas. Los païses implicats dins las vendas son Bòsnia, Bulgaria, Croàcia, la Republica Chèca, Montenegro, Eslovaquia, Serbia e Romania. L'aspècte cinic de tot aquò es que fòrça d’aqueles païses an refusat d’aculhir los refugiats que son estats a l'origina de lors armas.
Las exportacions per païses e milions d’èuros
Las importacions per païses e milions d’èuros
Lo conflicte sirian es la destinacion d’una granda partida de las armas e de las municions. Lo principal beneficiat es l’Armada Liura de Siria. Totun, s’a verificat qu’una partida importanta de l’arsenal a armat de milícias islamistas coma Ansar Al Sham, Jabat Al Nusra (la filiala d’Al Qaida en Siria) e l’autoproclamat Estat Islamic. Las armas mandadas dempuèi Euròpa an alimentat tanben la guèrra civila d’Iemèn, concretament lo partit sunnita qu’a lo sosten de l’Arabia Saudita.
Los govèrns dels païses exportators concediguèron las licéncias correspondentas per vendre las armas, e mai s’avián de clars indicis que lor destinacion èra trebla, coma aquò ven de se demostrar. Per far aquelas vendas an violat de leis estatalas e europèas e d’acòrdis internacionals sus las armas. Pasmens, i a pas de mecanismes reals per sancionar los contravenents.
En mai d’aquò, la venda a aumentat dempuèi 2015. Lo primièr ministre sèrbe, Aleksandar Vučeć, diguèt lo mes passat que lo sieu país poiriá quintuplar la produccion de las armas e que, quitament aital, seriá incapable de ne satisfar la demanda. “Malaürosament, en qualques luòcs del Mond i a mai de guèrra que jamai, e tot çò que produses o pòdes vendre”, çò reconeguèt.
Los cercaires contactèron los Ministèris de l’Interior de totes los païses exportators, per ne conéisser la posicion oficiala. Los sols que respondèron a l’interpelacion diguèron, en resumit, que podián pas controtlar çò que se fasiá, dels arsenals, un còp venduts. Interrogats se sabián que l’Arabia Saudita èra un dels principals crompaires, respondián qu’aquel país fasiá pas partida de cap de lista negra e doncas qu’èra un sòci comercial totalament legitim.
Lo començament de l’afar
Lo nomenat weapons pipeline —“canal d’armas”— comencèt d’èsser operatiu en 2012. L’ivèrn d’aquel an, qualques dotzenats d’avions de cargason, amb d’armas e de municions de l’èx-Iogoslavia, partiguèron de l’aeropòrt de Zagrèb devèrs Jordania. Puèi apareguèron los primièrs imatges d’armas croatas en Siria. E mai se lo govèrn croat a negat un còp e un autre qu’aja mandat d’armas en Siria, Robert Stephen Ford, èx-ambaissador dels Estats Units en Siria, reconeguèt que Croàcia èra implicat dins la venda d’armas a l’Arabia Saudita.
L’Arabia Saudita es lo principal crompaire d’armas. Segon los calculs dels cercaires, almens 10 000 fusilhs AK-47, 6300 mitralhadoras, 18 500 lançagrenadas, 300 tancs, 250 batariás antiaerianas e 90 lançadors multiples de missils son anats a las mans sauditas. Los païses implicats dins las vendas son Bòsnia, Bulgaria, Croàcia, la Republica Chèca, Montenegro, Eslovaquia, Serbia e Romania. L'aspècte cinic de tot aquò es que fòrça d’aqueles païses an refusat d’aculhir los refugiats que son estats a l'origina de lors armas.
Las exportacions per païses e milions d’èuros
Las importacions per païses e milions d’èuros
Lo conflicte sirian es la destinacion d’una granda partida de las armas e de las municions. Lo principal beneficiat es l’Armada Liura de Siria. Totun, s’a verificat qu’una partida importanta de l’arsenal a armat de milícias islamistas coma Ansar Al Sham, Jabat Al Nusra (la filiala d’Al Qaida en Siria) e l’autoproclamat Estat Islamic. Las armas mandadas dempuèi Euròpa an alimentat tanben la guèrra civila d’Iemèn, concretament lo partit sunnita qu’a lo sosten de l’Arabia Saudita.
Los govèrns dels païses exportators concediguèron las licéncias correspondentas per vendre las armas, e mai s’avián de clars indicis que lor destinacion èra trebla, coma aquò ven de se demostrar. Per far aquelas vendas an violat de leis estatalas e europèas e d’acòrdis internacionals sus las armas. Pasmens, i a pas de mecanismes reals per sancionar los contravenents.
En mai d’aquò, la venda a aumentat dempuèi 2015. Lo primièr ministre sèrbe, Aleksandar Vučeć, diguèt lo mes passat que lo sieu país poiriá quintuplar la produccion de las armas e que, quitament aital, seriá incapable de ne satisfar la demanda. “Malaürosament, en qualques luòcs del Mond i a mai de guèrra que jamai, e tot çò que produses o pòdes vendre”, çò reconeguèt.
Los cercaires contactèron los Ministèris de l’Interior de totes los païses exportators, per ne conéisser la posicion oficiala. Los sols que respondèron a l’interpelacion diguèron, en resumit, que podián pas controtlar çò que se fasiá, dels arsenals, un còp venduts. Interrogats se sabián que l’Arabia Saudita èra un dels principals crompaires, respondián qu’aquel país fasiá pas partida de cap de lista negra e doncas qu’èra un sòci comercial totalament legitim.
Lo començament de l’afar
Lo nomenat weapons pipeline —“canal d’armas”— comencèt d’èsser operatiu en 2012. L’ivèrn d’aquel an, qualques dotzenats d’avions de cargason, amb d’armas e de municions de l’èx-Iogoslavia, partiguèron de l’aeropòrt de Zagrèb devèrs Jordania. Puèi apareguèron los primièrs imatges d’armas croatas en Siria. E mai se lo govèrn croat a negat un còp e un autre qu’aja mandat d’armas en Siria, Robert Stephen Ford, èx-ambaissador dels Estats Units en Siria, reconeguèt que Croàcia èra implicat dins la venda d’armas a l’Arabia Saudita.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Ensaji l'alemand per parlar a nòstra comtessa (puei qu'a utilizat un mot alemand dins son comentari) pr'amor que compren pas quand li dison en occitan de se calar que nos fa cagar a fòrça de repapiar.
Excellent article! Mercés au jornalet de díser causas qui ne passan pas a la radiò franesa!
#2 Sprach du occitan?
English? Catalan? Français?
Sorry but compreni pas...
Können Sie bitte die Klappe halten Liebe Gräfin ? Danke schön.
a, se l'europa podiá non pas interdire, mai empechar l'arrivada deis emigrat, quente bèu somni ! per quant ais armas vendudas, aquo es l'eritatge comunista. L'union sovietica amb sei satelitas se podon faire targa de doas reüssidas resplandentas : la policia, amb sei presons, sei golags e sa repression,; l'armada amb son industria d'armaments : pas pron per assegurar la perenitat dau socialisme, communisme, que s'esfondrèt sota lo pes de la burocracia, que lei leis de l'economia se pastan pas coma d'argiela nimai se torturan pas coma de suspèctes; o ben li a de resultats o ben li a pati-pata-ren. lei satelitas se son agut desbarassats dau regima policier,mai an conservat leis armas e dins la "freie Marktwirtschaft, (la liura economia de mercat) se vendon sensa que lo liure ciutadan dei drechs de l'ome deguèsse anar en preson e tanben, aqueu pot far jugar sa libertat per refusar una invasion estrangiera sota forma de refugiats o d'emigrats.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari