La polícia francesa detenguèt ièr un refugiat sirian per èsser presumidament restacat a l’atac de dimars passat en Normandia, revendicat per l’autoproclamat Estat Islamic, ont dos terroristas prenguèron de fisèls e de religiosas en ostatges e assassinèron lo prèire Jacques Hamel.
 
Segon una font policièra, lo suspècte sirian foguèt detengut dins un centre d’aculhença a Cucet (Borbonés).
 
Un dels dos terroristas, Abdel-Malik Nabir Petitjean, aviá viscut en aquela region amb sos parents durant quatre ans, fins en 2012. Tanben an trobat una còpia del passapòrt del refugiat arrestat dins lo domicili del segond assalhidor, Adel Kermiche, segon la polícia.
 
En mai d’aquò, i a d'autras doas personas detengudas, tanben restacadas a aquel atac de dimars passat en Normandia, que costèt la vida del prèire catolic Jacques Hamel.