Actualitats
Musulmans e catolics an comuniat totes ensems dins tot l’estat francés
De responsables de las mosquetas, d’imams e de fisèls an participat a las messas catolicas per exprimir lor “solidaritat e compassion” amb lo paire Hamel
Musulmans e catolics an comuniat totes ensems aqueste dimenge passat per tot l’estat francés, en omenatge al prèire catolic Jacques Hamel, assassinat dimars passat dins la glèisa de Saint-Étienne-du-Rouvray (Normandia) dins un atac revendicat per l’autoproclamat Estat Islamic. Lo Conselh francés del culte musulman aviá convidat los responsables de las mosquetas, los imams e tanben los fisèls a se rendre a las messas catolicas per exprimir lor “solidaritat e compassion”.
Almens un centenat de musulmans acompanhavan la pregària catolica a la catedrala de Rouen (Normandia). Una fraternitat interreligiosa que se vegèt un pauc per tot l’estat francés, tanben en Occitània.
A Niça, ont encara se respira la dolor de l’atemptat del 14 de julhet passat que daissèt 84 mòrts sul Camin dels Angleses, un desenat de responsables musulmans participèron a la messa a la glèisa de Sant Pèire de l’Ariana.
A Bordèu, lo rector de la mosqueta de la vila anèt a la glèisa de Nòstra Dòna acompanhat d’un desenat de fisèls aculhits pel vicari general de la diocèsi, que diguèt:“Ara es l’ocasion de lor demostrar que confondèm pas islam e islamisme, musulman e jihadista, coma confondèm pas catolic e integrista”, çò publica L’OBS.
En mai d’aquò, se trobèt a la glèisa evangelica liura de Tolosa un messatge anonim de fraternitat. “Tant que sèm demest los òmes, practiquem l’umanitat”, es la frasa de Senèca qu’acompanhada d’una ròsa èra signada per “sosten frairal, un musulman”.
Almens un centenat de musulmans acompanhavan la pregària catolica a la catedrala de Rouen (Normandia). Una fraternitat interreligiosa que se vegèt un pauc per tot l’estat francés, tanben en Occitània.
A Niça, ont encara se respira la dolor de l’atemptat del 14 de julhet passat que daissèt 84 mòrts sul Camin dels Angleses, un desenat de responsables musulmans participèron a la messa a la glèisa de Sant Pèire de l’Ariana.
A Bordèu, lo rector de la mosqueta de la vila anèt a la glèisa de Nòstra Dòna acompanhat d’un desenat de fisèls aculhits pel vicari general de la diocèsi, que diguèt:“Ara es l’ocasion de lor demostrar que confondèm pas islam e islamisme, musulman e jihadista, coma confondèm pas catolic e integrista”, çò publica L’OBS.
En mai d’aquò, se trobèt a la glèisa evangelica liura de Tolosa un messatge anonim de fraternitat. “Tant que sèm demest los òmes, practiquem l’umanitat”, es la frasa de Senèca qu’acompanhada d’una ròsa èra signada per “sosten frairal, un musulman”.
Trouvé ce matin cette rose et ce petit mot sur la grille de l'église. Merci à ce musulman anonyme ! #fraternitépic.twitter.com/2zGow6AEsv
— EEL de Toulouse (@EELToulouse) 31 de juliol de 2016
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Tè, vèsi que la Comtèssa Pesamezzo,fai totjorn pas dins la mièja mesura ! Val melhor ne rire d'aquèles jos-marins gramaticians de la Marine LP.
Cal far obras atal, e encara mai causas per procurar que los quartiers ont viuen pugan haver milhors condicions de vida.
#2
Segur qu’ilhs binan de consent contre los maucreisants, e per iò dire tot emb-d-una, me sente visat quante « l’unitat novela » obluda volontarament la possibilitat de « ne pas creire » dins lur mites.
per lei cresents de totis lei religions planetàrias, lo dangier ven dau racionalisme que congreia la vida modèrna partent dei religions antropofages coma leis incas e leis atzecs amb sei sacrificis umans fins qu'a l'auta esperitualitat de Blaise Pascal e a l'èstre suprema dau campion de la guilhotina Robespierre. l'ateisme ei l'enemic; dins aquelei condicions, un raprochament entre religions mai o mens evoluadas pareis probable e que lei musulmans ajudèsson a remplir lei glèisas desertas, mano en la mano amb lei prèires crestians, aquo es una bona novèla, encara que podèm dobtar que l'islam auriá cessat tot d'una d'èstre conquistaire e vodriá renonciar a sei signes d'apartenença, vela, hallal, ramadam, femnas separadas deis omes, ço que enjusqu'ara ei jamai estat lo cas, puslèu lo contrari... a se confontrar sembla probable que lo crestianisme finiriá per ,èsser avalat per lo moloc islamista
Plan bona novela. Quò es mielhs qu'una negociacion entre una fabrica de charn a canons (daesh) e una fabrica d'armas (Franca). I a una volontat dins la populacion de se demarcar de la guerra e de nòstres politics cussonats.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari