Actualitats
La lenga sahtú, al centre del nòu autogovèrn indigèna deline, en Canadà
Lo cap de la comunautat prepausa d’aprovar una lei que garentisca la coneissença e l’usatge de la lenga dins l’administracion. L’autonomia se constituirà formalament lo 1r de setembre
Un nòu autogovèrn indigèna es a mand de nàisser en Canadà. La comunautat deline atenh l’autonomia lo 1r de setembre que ven, e son cap, Leonard Kenny, pensa qu’una de las primièras leis que cal aprovar deuriá èsser que la lenga del govèrn siá la lenga pròpria del grop, es a dire lo sahtú.
La lenga —coneguda coma North Slavey en anglés— es parlada pel 70% de la comunautat, segon çò qu’explica Kenny a la CBC, mas la proporcion davala jos la pression de la lenga anglesa.
Kenny considèra que las nòvas institucions d’autonomia deurián assegurar que lo personal del govèrn Deline Got’ine “empleguèsse” o “aprenguèsse” la lenga sahtú.
Oficialitat dins la Constitucion del Govèrn Deline Got’ine
De fach, la proposicion de Kenny desvolòpa lo principi contengut dins la Constitucion del Govèrn Deline Got’ine, çò es que las lengas oficialas del territòri autonòm seràn lo sahtú e l’anglés. “Totas las personas pòdon comunicar amb lo Govèrn Deline Got’ine en quina que siá de las doas lengas”, çò ditz la Constitucion.
L’autogovèrn deline es fruch d’un acòrdi entre la comunautat autoctòna, lo govèrn dels Territòris del Nòrd-oèst e lo govèrn de Canadà. Los negociaires demorèron 18 ans per arribar a un pache, que foguèt aprovat pels delines en referendum l’an 2014.
Lo nòu autogovèrn poirà aprovar de leis e executar de politicas dins los airals de sa competéncia, que compren lenga, cultura, tradicions e educacion, entre d’autras.
Aquesta nòva es adaptada de Nationalia amb qui Jornalet ten un acòrdi de cooperacion.
La lenga —coneguda coma North Slavey en anglés— es parlada pel 70% de la comunautat, segon çò qu’explica Kenny a la CBC, mas la proporcion davala jos la pression de la lenga anglesa.
Kenny considèra que las nòvas institucions d’autonomia deurián assegurar que lo personal del govèrn Deline Got’ine “empleguèsse” o “aprenguèsse” la lenga sahtú.
Oficialitat dins la Constitucion del Govèrn Deline Got’ine
De fach, la proposicion de Kenny desvolòpa lo principi contengut dins la Constitucion del Govèrn Deline Got’ine, çò es que las lengas oficialas del territòri autonòm seràn lo sahtú e l’anglés. “Totas las personas pòdon comunicar amb lo Govèrn Deline Got’ine en quina que siá de las doas lengas”, çò ditz la Constitucion.
L’autogovèrn deline es fruch d’un acòrdi entre la comunautat autoctòna, lo govèrn dels Territòris del Nòrd-oèst e lo govèrn de Canadà. Los negociaires demorèron 18 ans per arribar a un pache, que foguèt aprovat pels delines en referendum l’an 2014.
Lo nòu autogovèrn poirà aprovar de leis e executar de politicas dins los airals de sa competéncia, que compren lenga, cultura, tradicions e educacion, entre d’autras.
Aquesta nòva es adaptada de Nationalia amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari