Actualitats
Trafec d’èssers umans: solament l’1% de las victimas son salvadas
Los refugiats o los migrants sens papièrs an un risc mai elevat d’èsser de victimas de l’esplecha sexuala, del trabalh forçat, de la contrabanda d’organs o de l’esclavatge
Solament una victima sus cent del trafec d’èssers umans es salvada, çò raportèt dissabte passat l’Ofici de las Nacions Unidas contra la Dròga e lo Crime (UNODC) a l'ocasion de la Jornada Mondiala contra lo trafec d’èssers umans, qu'a luòc cada 30 de julhet.
Lo director executiu de l’UNODC, Yuri Fedotov, remembrèt que las victimas d’aquel crime comprenon las personas que patisson de maridatges forçats, de trabalh obligatòri, d’esplecha sexuala, lo recrutament de menors dins de grops armats, lo trabalh infantil e lo panatòri d’organs. En mai d’aquò qualifiquèt lo trafec coma “un crime parasitari que s’alimenta de la vulnerabilitat, creis en temps d’incertitud e profiècha de l’inaccion”, çò rapòrta Geopolítica.cat.
La vulnerabilitat dels migrants
Fedotov soslinhèt que los trafegaires profièchan de las misèrias umanas e ganhan d’argent amb elas. Remarquèt que las personas atrapadas dins las guèrras e las crisis umanitàrias an un risc mai elevat d’èsser de victimas de l’esplecha sexuala, del trabalh forçat, de la contrabanda d’organs o de l’esclavatge.
Dins aquel sens precisèt que lo Rapòrt Mondial sul trafec d’èssers umans de 2016, que se publicarà a la fin de l’annada, establís un clar esquèma que liga la migracion sens papièrs amb lo trafec d’èssers umans. Aquel rapòrt analiza especialament lo ligam entre lo trafec d’èssers umans e los refugiats que provenon de Siria e d’Eritrèa.
Lo director executiu de l’UNOC soslinhèt tanben que certans fluxes migratòris son particularament vulneranbles, coma los qu’arriban als Estats Units en provenença de l’America Centrala.
Crida als govèrns
Per totas aquelas rasons l’UNODC lança una crida als govèrns. Lor demanda que rectifiquen e qu’apliquen d’un biais efectiu la Convencion de l’ÒNU contra lo crime organizat transnacional e sos protocòls tocant lo trafec dels migrants.
De son costat, Maria Grazia Giammarinaro, raportaira especiala sul trafec d’èssers umans, sollicitèt de totes los estats d’establir o d’adaptar de provesiments per l’assisténcia e la proteccion de las victimas, e lor demandèt qu'envisatgèsson la prolongacion de las mesuras d'ajuda a las personas en risc de trafec e esplecha.
Lo director executiu de l’UNODC, Yuri Fedotov, remembrèt que las victimas d’aquel crime comprenon las personas que patisson de maridatges forçats, de trabalh obligatòri, d’esplecha sexuala, lo recrutament de menors dins de grops armats, lo trabalh infantil e lo panatòri d’organs. En mai d’aquò qualifiquèt lo trafec coma “un crime parasitari que s’alimenta de la vulnerabilitat, creis en temps d’incertitud e profiècha de l’inaccion”, çò rapòrta Geopolítica.cat.
La vulnerabilitat dels migrants
Fedotov soslinhèt que los trafegaires profièchan de las misèrias umanas e ganhan d’argent amb elas. Remarquèt que las personas atrapadas dins las guèrras e las crisis umanitàrias an un risc mai elevat d’èsser de victimas de l’esplecha sexuala, del trabalh forçat, de la contrabanda d’organs o de l’esclavatge.
Dins aquel sens precisèt que lo Rapòrt Mondial sul trafec d’èssers umans de 2016, que se publicarà a la fin de l’annada, establís un clar esquèma que liga la migracion sens papièrs amb lo trafec d’èssers umans. Aquel rapòrt analiza especialament lo ligam entre lo trafec d’èssers umans e los refugiats que provenon de Siria e d’Eritrèa.
Lo director executiu de l’UNOC soslinhèt tanben que certans fluxes migratòris son particularament vulneranbles, coma los qu’arriban als Estats Units en provenença de l’America Centrala.
Crida als govèrns
Per totas aquelas rasons l’UNODC lança una crida als govèrns. Lor demanda que rectifiquen e qu’apliquen d’un biais efectiu la Convencion de l’ÒNU contra lo crime organizat transnacional e sos protocòls tocant lo trafec dels migrants.
De son costat, Maria Grazia Giammarinaro, raportaira especiala sul trafec d’èssers umans, sollicitèt de totes los estats d’establir o d’adaptar de provesiments per l’assisténcia e la proteccion de las victimas, e lor demandèt qu'envisatgèsson la prolongacion de las mesuras d'ajuda a las personas en risc de trafec e esplecha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari