Actualitats
Exigisson lo cessament immediat de l’acòrdi entre l’UE e Turquia tocant los refugiats
Segon lo NACNUR, lo nombre de personas refugiadas que s'enregistran als burèus de la comission a Grècia es a pojar dempuèi lo 15 de julhet, la nuèch del còp d’estat mancat en Turquia
Qualques organizacions europèas exigisson lo cessament immediat de l’acòrdi entre l'Union Europèa e Turquia tocant los refugiats, e que sián menats en Union Europèa los qu’ara son dins de camps de refugiats en Turquia. Amnestia Internacionala e la Comission Espanhòla d’Ajuda als Refugiats (CEAR) denóncian que la repression de las autoritats turcas après lo còp militar demòstre l'inseguretat del país.
De representants de l’organizacion Pro Asyl veson que las purgas e lo secutament dels politicians, ensenhaires, jornalistas e militars que mena lo govèrn del president Recep Tayyip Erdoğan faràn montar lo nombre de refugiats que cèrcan un país segur. Segon de donadas del Naut Comissariat de las Nacions Unidas pels Refugiats (NACNUR), lo nombre de personas refugiadas que s’enregistran als burèus de la comission en Grècia es a pojar dempuèi lo 15 de julhet, la nuèch del còp d’estat mancat en Turquia.
Las autoritats europèas son preocupadas per las consequéncias de la politica del govèrn turc après lo 15 de julhet. Lo president de la Comission Europèa, Jean Claude Juncker, constata que l’acòrdi amb Turquia es en perilh. En mai d’aquò, sus la pena capitala que lo govèrn turc vòl aprovar al parlament, la cap de la diplomacia europèa, Federica Mogherini, avertís Turquia que cap de país que vòlga far partida de l'UE la pòt pas aplicar.
Erdoğan critiquèt l'Occident per mostrar pas desolidaritat amb lo sieu país après lo putsch mancat. Diguèt dins una entrevista autrejada a la cadena CNN turca que los que se preocupavan pels putschistas mai que per la democracia en Turquia podián pas èsser sos amics. En mai d’aquò, lo ministre dels afars estrangièrs turc, Mevlüt Çavuşoğlu, assegura dins una entrevista per un jornal alemand que Turquia s'alonharà de l’acòrdi signat en març amb l’UE se Brussèlas elimina pas abans octòbre l’exigéncia de visats pels ciutadans turcs.
L’acòrdi qu’an signat l’UE e Turquia permet de deportar los refugiats qu’arriban en Grècia. L'acòrdi, que declara que Turquia es un “país segur”, compren qu'aquel país recebrà 3 miliards d'èuros coma ajuda umanitària e que se deu engatjar a velhar per la seguretat de las frontièras. Una autra compensacion que la recebriá Turquia es la liberalizacion dels visats pels ciutadans turcs, e Turquia fa pression per que progrèsse son adesion a l’Union Europèa.
Mas la liberalizacion dels visats pels ciutadans turcs, prevista per junh passat, es encara a l'espèra pr’amor que segon Brussèlas, Ankara a pas respectat certans critèris.
De representants de l’organizacion Pro Asyl veson que las purgas e lo secutament dels politicians, ensenhaires, jornalistas e militars que mena lo govèrn del president Recep Tayyip Erdoğan faràn montar lo nombre de refugiats que cèrcan un país segur. Segon de donadas del Naut Comissariat de las Nacions Unidas pels Refugiats (NACNUR), lo nombre de personas refugiadas que s’enregistran als burèus de la comission en Grècia es a pojar dempuèi lo 15 de julhet, la nuèch del còp d’estat mancat en Turquia.
Las autoritats europèas son preocupadas per las consequéncias de la politica del govèrn turc après lo 15 de julhet. Lo president de la Comission Europèa, Jean Claude Juncker, constata que l’acòrdi amb Turquia es en perilh. En mai d’aquò, sus la pena capitala que lo govèrn turc vòl aprovar al parlament, la cap de la diplomacia europèa, Federica Mogherini, avertís Turquia que cap de país que vòlga far partida de l'UE la pòt pas aplicar.
Erdoğan critiquèt l'Occident per mostrar pas desolidaritat amb lo sieu país après lo putsch mancat. Diguèt dins una entrevista autrejada a la cadena CNN turca que los que se preocupavan pels putschistas mai que per la democracia en Turquia podián pas èsser sos amics. En mai d’aquò, lo ministre dels afars estrangièrs turc, Mevlüt Çavuşoğlu, assegura dins una entrevista per un jornal alemand que Turquia s'alonharà de l’acòrdi signat en març amb l’UE se Brussèlas elimina pas abans octòbre l’exigéncia de visats pels ciutadans turcs.
L’acòrdi qu’an signat l’UE e Turquia permet de deportar los refugiats qu’arriban en Grècia. L'acòrdi, que declara que Turquia es un “país segur”, compren qu'aquel país recebrà 3 miliards d'èuros coma ajuda umanitària e que se deu engatjar a velhar per la seguretat de las frontièras. Una autra compensacion que la recebriá Turquia es la liberalizacion dels visats pels ciutadans turcs, e Turquia fa pression per que progrèsse son adesion a l’Union Europèa.
Mas la liberalizacion dels visats pels ciutadans turcs, prevista per junh passat, es encara a l'espèra pr’amor que segon Brussèlas, Ankara a pas respectat certans critèris.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Alepo la capitala delEI emboscada com Estalingrat per las forças sirianas. Los terroristes provaren de rompre lo setge mas los sirians los esperavan e hagueron de tornar enrera. Ara provan de passar entre los civils, mas los interrogan e com que saben parlar com parlan alà, son reconegut e empresonats.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari