Actualitats
L’estat francés a barrat un vintenat de mosquetas e o tornarà far per d'autras
Lo ministre de l’Interior e lo president del Conselh Francés del Culte Musulman an analizat de mesuras per prevenir la “radicalizacion”
Lo ministre de l'Interior francés, Bernard Cazeneuve, anoncèt diluns passat qu’”un vintenat de mosquestas e salas de pregària èran estadas barradas” dins los darrièrs meses, dins l’encastre de la lucha contra lo jihadisme. “E n’i aurà d’autras”, çò assegurèt lo ministre. En mai d’aquò, lo ministre indiquèt que l’estat francés a expulsat 80 personas e d’autres 10 son en cors d’estudi.
“I a pas la plaça per los qu’apèlan e provòcan l’òdi”, çò diguèt après recebre lo president del Conselh Francés del Culte Musulman, Anouar Kbibech. Durant la reünion, Cazeneuve e Kbibech analisèron lo projècte de mesuras que contribuiràn a la prevencion de la “radicalizacion” dels musulmans.
Formacion dels imams e creacion d’un “contradiscors”
Se presentarà en octòbre un plan sus la formacion obligatòria dels imams e sus un finançament mai transparent del culte musulman. En mai d’aquò, la radicalizacion se prevendrà tanben amb l’elaboracion d’un “contradiscors” a l’ideologia jihadista per un conselh teologic. Lo govèrn francés “cèrca un islam compatible amb las valors de la Republica (francesa)”, çò remarquèt diluns lo ministre.
D’un autre costat, lo primièr ministre francés, Manuel Valls, anoncièt la dimenjada passada qu'aviá l'intencion d'enebir temporàriament lo finançament estrangièr de la construccion de mosquetas.
Tunisia barrèt 80 mosquetas arunan
L’estat francés es pas lo primièr a barrar de centres religioses musulmans. Arunan lo govèrn de Tunisia barrèt uèch desenats de mosquetas salafistas per “incitacion a la violéncia", çò declarèt lo primièr ministre tunisian, Habib Essid.
Los musulmans catalans refusan l’argent saudita e qatarita
En Catalonha la comunautat musulmana permet pas a Qatar ni mai a l’Arabia Saudita de lor pagar de mosquetas. E mai s’o an ensajat, eles an dich de non”. Segon l’arabista catalana Dolors Bramon, los musulmans catalans sabon que se l’Arabia Saudita o Qatar “pagan una mosqueta, eles mandaràn lor imam correspondent. E los imams formats en Arabia Saudita a ieu me fan paur”. Bramon explica que los imams del pòble son d’immigrants coma la majoritat de musulmans catalans, mas que los imams que l’Arabia Saudita manda dins los endreches que ne paga las mosquetas “desnaturan e desforman l’Alcoran”. O raportàvem dins Jornalet divendres passat.
“I a pas la plaça per los qu’apèlan e provòcan l’òdi”, çò diguèt après recebre lo president del Conselh Francés del Culte Musulman, Anouar Kbibech. Durant la reünion, Cazeneuve e Kbibech analisèron lo projècte de mesuras que contribuiràn a la prevencion de la “radicalizacion” dels musulmans.
Formacion dels imams e creacion d’un “contradiscors”
Se presentarà en octòbre un plan sus la formacion obligatòria dels imams e sus un finançament mai transparent del culte musulman. En mai d’aquò, la radicalizacion se prevendrà tanben amb l’elaboracion d’un “contradiscors” a l’ideologia jihadista per un conselh teologic. Lo govèrn francés “cèrca un islam compatible amb las valors de la Republica (francesa)”, çò remarquèt diluns lo ministre.
D’un autre costat, lo primièr ministre francés, Manuel Valls, anoncièt la dimenjada passada qu'aviá l'intencion d'enebir temporàriament lo finançament estrangièr de la construccion de mosquetas.
Tunisia barrèt 80 mosquetas arunan
L’estat francés es pas lo primièr a barrar de centres religioses musulmans. Arunan lo govèrn de Tunisia barrèt uèch desenats de mosquetas salafistas per “incitacion a la violéncia", çò declarèt lo primièr ministre tunisian, Habib Essid.
Los musulmans catalans refusan l’argent saudita e qatarita
En Catalonha la comunautat musulmana permet pas a Qatar ni mai a l’Arabia Saudita de lor pagar de mosquetas. E mai s’o an ensajat, eles an dich de non”. Segon l’arabista catalana Dolors Bramon, los musulmans catalans sabon que se l’Arabia Saudita o Qatar “pagan una mosqueta, eles mandaràn lor imam correspondent. E los imams formats en Arabia Saudita a ieu me fan paur”. Bramon explica que los imams del pòble son d’immigrants coma la majoritat de musulmans catalans, mas que los imams que l’Arabia Saudita manda dins los endreches que ne paga las mosquetas “desnaturan e desforman l’Alcoran”. O raportàvem dins Jornalet divendres passat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
https://www.youtube.com/watch?v=V1kJu9245Dc
A Marselha an trapat la solucion an pas besonh de l'estat francés !!!!
http://rue89.nouvelobs.com/2016/07/22/est-mohamed-henni-marseillais-declare-guerre-a-daech-264750
#1
De que?
Disètz que lo governament «se deuriá inspirar de la III°republica» ?
Parlatz mai d'«eliminacion [...] amb de massacres-de setembre e puei la guilhotina» ?
Es aquò vòstra solucion ?
Mas quau son totas quelas parsonas que dison de tant gròssa conariás dins los comentaris...
Siès completament nèci... quò vau pas la pena de 'nar pus luenh ! N'ai quitament pas l'enveja !
una mosqueta es una pichota mosca, per aguer lo mot occitan convenable, consurtem lo diccionari tot en oc : mosquèa, mosquèia loc de culta musulman; fai long-temps que lo govèrn auriá degut barrar lei mosquèias salafistas, osco, ei dins la bona draia ! mai am'aquo, n'i a pas pron, lo govbèrn qu'evoca tant lei valors de la republica deurriá s'inspirar de la III°republica quand a la començança dau sègle vint faguèron tot per far pèrdre à la glèisa catolica tota influéncia sus la vida publica. Remontarai pas pus aut dins lo cors de l'istoria enjusqu'a la primiera republica, la de 1792, perqué aqui, l'eliminacion de la religion catolica de l'esfère publica se faguèt amb de massacres-de setembre e puei la guilhotina : vos pas jurat la constitucion civila dau clergat -oc, voli jurar -pren la ;porta a man esquerra, siás sauvat e dins lo cas contrari -voli ,pas jurar, non,- la porta man drecha e aqui, amb de cotèus, de ponhaus e de destraus, l'esperan per l'espeçar a mil morcèus. Coma vuei un jihadista dau gros grum
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari