Actualitats
Estat espanhòl: un acòrdi entre los partits per formar un govèrn sembla totjorn complicat
Per Rajoy una tresena eleccion legislativa seriá “una vergonha”, mas a pas precisat se se presentarà a l’investidura
Lo president en foncion de l’estat espanhòl, Mariano Rajoy, se mòstra un pauc mai optimista tocant son investidura. Dins una conferéncia de premsa donada après una reünion amb lo president de Ciutadans, Albert Rivera, Rajoy declarèt qu’encara i aviá un marge per son investidura. “Avèm fach uèi un pas”, çò diguèt, e mai se reconeguèt que la situacion e las negociacions son encara complicadas. Per Rajoy una tresena eleccion legislativa seriá “una vergonha”, mas volguèt pas precisar se se presentariá a l’investidura.
Una tresena eleccion legislativa?
Davant l’incapacitat dels partits espanhòls de trobar d’acòrdis e l’impossibilitat de formar un govèrn, los ciutadans de l’estat espanhòl tornèron votar lo 26 de junh passat lors representants al Congrès dels deputats e al Senat. Avián ja votat en decembre, e es probable que tornen donar lor vòte pel tresen còp. Lo cap del partit popular, Mariano Rajoy, avertiguèt dimars passat que se la situacion actuala se desblocava pas, se tornarián far las eleccions, e mai se per el tornar far votar lo mond seriá un “baujum”. Rajoy, qu’es ara lo president interimari del govèrn de l'estat, acusèt dimars passat lo candidat socialista, Pedro Sánchez, de “blocar” son investidura. Segon Rajoy, cal “una mena d’engatjament dels socialistas”; si que non, “res es pas possible”.
Rajoy s’esprimiguèt après una reünion amb Pedro Sánchez, ont li aviá prepausat un govèrn de coalicion dels dos partits,PP e PSÒE, e d’autras formulas de collaboracion. Segon Rajoy, se pòt negociar tot lo temps que caldrà: “Se pòt far se se vòl e s'i a volontat d'o far necessari”.
De son costat, lo secretari general del Partit Socialista (PSÒE) tornèt dire de non a la proposicion de Rajoy. Sánchez diguèt qu’es pas l’esquèrra que deviá pachar amb lo PP mas los autres partits de drecha. Dins aquel sens l’encoratgèt a trabalhar amb los partits que votèron per un burèu de drecha a la presidéncia de la cambra parlamentària. Aquí, dins un vòte secret, lo PP auriá reüssit gràcias als vòtes de Ciutadans e de la drecha catalanista e basquista.
Sánchez soslinhèt, dins una conferéncia de premsa, qu’el ensajariá pas de trobar un acòrdi amb los partits d’esquèrra pr’amor qu’ara ven a Rajoy d’arribar a de paches.
Una tresena eleccion legislativa?
Davant l’incapacitat dels partits espanhòls de trobar d’acòrdis e l’impossibilitat de formar un govèrn, los ciutadans de l’estat espanhòl tornèron votar lo 26 de junh passat lors representants al Congrès dels deputats e al Senat. Avián ja votat en decembre, e es probable que tornen donar lor vòte pel tresen còp. Lo cap del partit popular, Mariano Rajoy, avertiguèt dimars passat que se la situacion actuala se desblocava pas, se tornarián far las eleccions, e mai se per el tornar far votar lo mond seriá un “baujum”. Rajoy, qu’es ara lo president interimari del govèrn de l'estat, acusèt dimars passat lo candidat socialista, Pedro Sánchez, de “blocar” son investidura. Segon Rajoy, cal “una mena d’engatjament dels socialistas”; si que non, “res es pas possible”.
Rajoy s’esprimiguèt après una reünion amb Pedro Sánchez, ont li aviá prepausat un govèrn de coalicion dels dos partits,PP e PSÒE, e d’autras formulas de collaboracion. Segon Rajoy, se pòt negociar tot lo temps que caldrà: “Se pòt far se se vòl e s'i a volontat d'o far necessari”.
De son costat, lo secretari general del Partit Socialista (PSÒE) tornèt dire de non a la proposicion de Rajoy. Sánchez diguèt qu’es pas l’esquèrra que deviá pachar amb lo PP mas los autres partits de drecha. Dins aquel sens l’encoratgèt a trabalhar amb los partits que votèron per un burèu de drecha a la presidéncia de la cambra parlamentària. Aquí, dins un vòte secret, lo PP auriá reüssit gràcias als vòtes de Ciutadans e de la drecha catalanista e basquista.
Sánchez soslinhèt, dins una conferéncia de premsa, qu’el ensajariá pas de trobar un acòrdi amb los partits d’esquèrra pr’amor qu’ara ven a Rajoy d’arribar a de paches.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que gavieixin, que és miosqueixin, que ho busquin i és perdin, que ho intentin i un cop rera cop i que fallin, i així durant anys, que demostrin el intel.ligent que son, és agradable veure com s'he la foten els que et foten.
I així . és bo per Catalunya i els pobles lliures d'Ibèria, cuand mes dèbils siguin mès forts serem nosaltres.
Visca la Terra...Lliure!
L'Ernest, "El Tàrrega".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari