Actualitats
Israèl a empedit que lo cap de l’esquipa olimpica palestiniana anèsse a Rio de Janeiro
Lo secretari general del Comitat Olimpic Palestinian a confirmat qu'Israèl aviá pas donat a Issam Qishta lo permís per quitar Gaza, e per tant aqueste se poirà pas jónher a la rèsta de l’esquipa olimpica
Las autoritats israelianas an empedit que lo cap de l’esquipa olimpica palestiniana, Issam Qishta, quitèsse la lista de Gaza per viatjar amb la delegacion palestiniana a Rio de Janeiro, qu’aculhís los Jòcs Olimpics d’ongan.
Lo secretari general del Comitat Olimpic Palestinian, Munther Masalmeh, confirmèt dimècres a l’agéncia d’informacions DPA qu’Israèl aviá pas donat a Issam Qishta lo permís per partir de Gaza, e per aquela rason se pòt pas jónher a la rèsta de l’esquipa olimpica a Rio de Janeiro.
D’un autre costat, lo pòrtavotz del Ministèri dels Afars Estrangièrs d’Israèl, Emmanuel Nahshon, indiquèt que lo sieu govèrn voliá permetre que Qishta se jonguèsse a la rèsta de l’esquipa: “Fasèm tant coma podèm per que i ane al mai lèu possible”.
Masalmeh indicava que dos membres mai de l’esquipa, tanben de Gaza —un entraïnaire e lo numèro dos del comitat— si qu'avián recebut los permises per quitar aquel territòri.
Los aperaquí dos milions d’abitantas de Gaza an l’obligacion de sollicitar d'Israèl un permís per anar vèrs Cisjordania, amb la tòca d’arribar a Jordania e, d’ailà, viatjar a l’estrange. L’autra opcion pels abitants de Gaza es la sortida pel passatge de Rafah, sus la frontièra amb Egipte, que gaireben jamai es pas dobèrt.
L’esquipa olimpica palestiniana es formada de vint e doas personas, dont sièis son d'esportius: dos nadaires, dos atletas, un judoka e un competitor equestre. Totes èran a l’estrange dempuèi de setmanas, es per aquò qu’an pogut arribar en Brasil sens cap de trabuc.
Lo secretari general del Comitat Olimpic Palestinian, Munther Masalmeh, confirmèt dimècres a l’agéncia d’informacions DPA qu’Israèl aviá pas donat a Issam Qishta lo permís per partir de Gaza, e per aquela rason se pòt pas jónher a la rèsta de l’esquipa olimpica a Rio de Janeiro.
D’un autre costat, lo pòrtavotz del Ministèri dels Afars Estrangièrs d’Israèl, Emmanuel Nahshon, indiquèt que lo sieu govèrn voliá permetre que Qishta se jonguèsse a la rèsta de l’esquipa: “Fasèm tant coma podèm per que i ane al mai lèu possible”.
Masalmeh indicava que dos membres mai de l’esquipa, tanben de Gaza —un entraïnaire e lo numèro dos del comitat— si qu'avián recebut los permises per quitar aquel territòri.
Los aperaquí dos milions d’abitantas de Gaza an l’obligacion de sollicitar d'Israèl un permís per anar vèrs Cisjordania, amb la tòca d’arribar a Jordania e, d’ailà, viatjar a l’estrange. L’autra opcion pels abitants de Gaza es la sortida pel passatge de Rafah, sus la frontièra amb Egipte, que gaireben jamai es pas dobèrt.
L’esquipa olimpica palestiniana es formada de vint e doas personas, dont sièis son d'esportius: dos nadaires, dos atletas, un judoka e un competitor equestre. Totes èran a l’estrange dempuèi de setmanas, es per aquò qu’an pogut arribar en Brasil sens cap de trabuc.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
lo vèrbe equipar ven de l'anglo-saxon scicpian que significa navigar -skipper a la metaissa etimologia , lo mot oc ei doncas equipa (feminin ) equip masculin en catalan equipatge e se tornessiam ei jocs olimpics deis originas, segur lo pese, lei picalhons li jugarián pas lo mendre rotle qu'èran quasiment d'origina religiosa, e patriotica pan-ellena
Lamentable. Ont es l'esperit olimpic? Quora una olimpiada sens argent e politica? Se parla pas que d'aquo pel moment (atlètas russes, palestinians, prètz de las installacions, ...).
Autra causa, es plan "esquipa" e pas "equipa"? M'avian dich qu'èra un usatge popular fautiu...
tot ço que fai Isräel dins sa lucha contra lo fondamentalisme islamic ei ben e deurriam se n'inspirar se'un cop, coma lo ditz lo govèrn siam en guerra, l'estat ebrèu lucha per sa subre vida e fan lo maximon per la seguritat en conservant lo limi dei drechs de l'ome e bota, ei pas facile ! tirem li lo capèu
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari