Actualitats
La FIMÒC crearà una webràdio en occitan
Aquel nòu mèdia cobrirà tot l’ensemble del territòri occitan, e se crearà un ret interregional de professionals e de benevòls
La Federacion Interregionala de Mèdias Occitans (FIMÒC), que Jornalet ne fa partida, ven d’anonciar son nòu projècte: una webràdio en lenga occitana destinada a un public jove. “Que s’ageish d’un projècte innovant dens lo paisatge deus mèdias de comunicacion en lenga nosta”, çò ditz la FIMÒC dins un comunicat de premsa.
Aquela webràdio prepausarà un ensemble de programas amb de formats e tematicas que respondan a las espèras d’un public jove, en seguissent las demandas especificas que plusors aderents de la FIMÒC an recebudas del public de mens de 40 ans.
Aquel nòu mèdia cobrirà tot l’ensemble del territòri occitan, e se crearà un ret interregional de professionals e de benevòls, e s’espèra lo sosten financièr de la region nomenada Nòva Aquitània.
Aquela webràdio prepausarà un ensemble de programas amb de formats e tematicas que respondan a las espèras d’un public jove, en seguissent las demandas especificas que plusors aderents de la FIMÒC an recebudas del public de mens de 40 ans.
Aquel nòu mèdia cobrirà tot l’ensemble del territòri occitan, e se crearà un ret interregional de professionals e de benevòls, e s’espèra lo sosten financièr de la region nomenada Nòva Aquitània.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Soi d'a fons d'acordi amb lo principi de far una radio hertziana pan-occitana. La visibilitat (e l'eficaçitat !) de l'oc ne seria força mai granda qu'amb una radio sul web. Perque malaürosament ,en biais d'oc, ço qu'es sul web demora confidencial e reservat sonque als "happy fews". L'impacte d'una radio o d'una tele hertzianas seria força mai grand, perque tocaria tanben "per càs" totis aquèles que non son assabentats sus l'occitan. I cal soscar.
Un reviscol de Good morning òc se masquariá darrèr aquela novèla ?
Aimi plan Ràdio Lo Gat.
Çò segur, la revolucion numerica es per deman (e ja a començat levat benlèu per las ràdios). I se cal far. Vertat es tanben que totes los sondatges en ràdio nos fan veire que los joves escotan de mens en mens aquel mèdia. Doncas, aquela webràdio pòt èsser una bona causa per veire de s'adaptar a un public mai jove.
Ça que la, l'urgéncia es de desvolopar l'ofèrta en occitan dins las ràdios localas del grop França Blau. Son de ràdios que i a fòrça auditors. Las resultas de Mediametria afortisson aquò. Entendi pas cossí los actors culturals e politics occitans s'acaprician de voler far totjorn e encara de mèdias ''alternatius'' per dire pas associatius e que degun escota pas. Que volèm fin finala ? Se far plaser entre nosautres o alara anar a la conquista de la societat aquí ont i a las gents ?
Te! i auria una opausicion entre los jòunes e los vielhs? Non, i a una opausicion entre una mentalitat anciena basada sus l'individualisme, sus lo mercantilisme, sus l'intolerença e una mentalitat que vòl de las relacions frairalas entre los umans e coma las civilisacions intra o extra terrestras.
A 18 ans un jòune es desja vielh qu'a 18 ans de relacions emben sos parents e aquelas relacions son pas totjorn de las melhoras. Dins las annadas que venan, per aver lo bac chaldra respondre a la question : qualas son las relacions qu'avem agut emben vos parents. Son pas estadas bonas , alaidonc
damandatz-vos ço que son de bonas relacions familialas.
Laissaram lo costat materialista e dogmatica de la sciença, de la filosofia, de l'ensenhament per se virar vers la spiritualitat, per se virar vers las civilisacions atlanta, egipciena, sumeriena.
E trobatz que quo es ren; quò seria nonmas qu'una opausicion entre vielhs e Jòunes. Non, quò es una revolucion que ven, una revolucion coma jamai la terra en a coneigut. Lo cambiament es redde, tròp redde mas la vista vos laissara pas tranquila dins vòstras vielhas mentalitats.
Voletz las mentalitats d'un jòune que dis : "casserei tot". Non, anam vers mai de responsabilitat, de consciença, de tener compte de l'autre et de l'environament.
Super!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari