Actualitats
L’usatge del burkini fa polemica
Una associacion marselhesa vòl privatizar un pargue aqüatic dins un jorn consagrat a las femnas que vòlgan anar a la piscina sens mostrar lor còrs “per de questions religiosas o per d’autras rasons”
L’associacion marselhesa Smile 13 vòl organizar una jornada especiala dins un pargue aqüatic per las femnas que sián de tradicion o religion musulmanas e que desiren portar lo burkini, e tanben per los enfants que las acompanhen. Mas aquela iniciativa es vivament criticada per de personalitats politicas, mai que mai de drecha e d’ultradrecha, segon çò que rapòrta Le Monde.
Lo burkini es un vestit de banh que mòstra solament la cara e los pès. Es semblable a una combinason de cabussada, mas es fach de materials textils. Aqueste vestit de banh, que son nom deriva dels mots “burqa” e “bikini”, lo creèt una dessenhaira australiana musulmana nomenada Aheda Zanetti, per la societat Ahiida que n’a la marca depausada. Ahiida promòu lo burkini coma la solucion perfiècha pel banh public de las femnas musulmanas mai tradicionalistas, mas dins l’estat francés lo burkini es enebit per la lei dins las piscinas publicas, en aplicacion de las “règlas d’igièna”.
Pasmens, Smile 13 que se definís coma associacion “sòcioculturala, esportiva e d’ajuda a las femnas e als enfants”, desira privatizar per un jorn particular lo pargue aqüatic Speedwater dei Pènas de Mirabèu (País Marselhés). Inicialament la jornada èra prevista lo 10 de setembre mas ara es reportada al 17 de setembre, a causa de la polemica qu’a levat l’iniciativa.
Lo cònsol màger dei Penas de Mirabèu vòl enebir l’eveniment pr'amor de la possibilitat de causar “de problèmas d’òrdre public”. “Es una provocacion inutila dins lo contèxt actuau que lo viu França”, çò declarèt.
De son costat, l’activista de Smile 13 Mélisa Thivet precisèt dins una entrevista que l’iniciativa se dirigissiá a las femnas que volián intrar dins una piscina, mas que totun volián pas mostrar lor còrs, per de questions religiosas o per d’autras rasons. “Vivèm dins un país laïc e cadun a la libertat de practicar sa religion coma vòu”, çò apondèt en tot precisar que l’associacion aviá recebut de messatges violents e de menaças.
La polemica tanben es arribada en Bearn
A Artés de Bearn, divèrsas femnas son anadas a la piscina en burkini, e lo cònsol màger de la vila se ditz exasperat de la situacion, segon çò que rapòrta Sud Ouest. “N’accèpti pas que las hemnas vengan a la piscina en burkini, mès la lei n’ei pas clara, non enebeish pas formalament aquera tenguda. En tant que republican laïc, que’m cau conformar a la lei. Lo personau de la piscina non sap pas se qué har ni com reagir hens aqueth cas”.
Lo burkini es un vestit de banh que mòstra solament la cara e los pès. Es semblable a una combinason de cabussada, mas es fach de materials textils. Aqueste vestit de banh, que son nom deriva dels mots “burqa” e “bikini”, lo creèt una dessenhaira australiana musulmana nomenada Aheda Zanetti, per la societat Ahiida que n’a la marca depausada. Ahiida promòu lo burkini coma la solucion perfiècha pel banh public de las femnas musulmanas mai tradicionalistas, mas dins l’estat francés lo burkini es enebit per la lei dins las piscinas publicas, en aplicacion de las “règlas d’igièna”.
Pasmens, Smile 13 que se definís coma associacion “sòcioculturala, esportiva e d’ajuda a las femnas e als enfants”, desira privatizar per un jorn particular lo pargue aqüatic Speedwater dei Pènas de Mirabèu (País Marselhés). Inicialament la jornada èra prevista lo 10 de setembre mas ara es reportada al 17 de setembre, a causa de la polemica qu’a levat l’iniciativa.
Lo cònsol màger dei Penas de Mirabèu vòl enebir l’eveniment pr'amor de la possibilitat de causar “de problèmas d’òrdre public”. “Es una provocacion inutila dins lo contèxt actuau que lo viu França”, çò declarèt.
De son costat, l’activista de Smile 13 Mélisa Thivet precisèt dins una entrevista que l’iniciativa se dirigissiá a las femnas que volián intrar dins una piscina, mas que totun volián pas mostrar lor còrs, per de questions religiosas o per d’autras rasons. “Vivèm dins un país laïc e cadun a la libertat de practicar sa religion coma vòu”, çò apondèt en tot precisar que l’associacion aviá recebut de messatges violents e de menaças.
La polemica tanben es arribada en Bearn
A Artés de Bearn, divèrsas femnas son anadas a la piscina en burkini, e lo cònsol màger de la vila se ditz exasperat de la situacion, segon çò que rapòrta Sud Ouest. “N’accèpti pas que las hemnas vengan a la piscina en burkini, mès la lei n’ei pas clara, non enebeish pas formalament aquera tenguda. En tant que republican laïc, que’m cau conformar a la lei. Lo personau de la piscina non sap pas se qué har ni com reagir hens aqueth cas”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Amarià veire aquo una femna amb un burkini trempat coma los " T.shirt mouilés" aquo es sexy... n'en desplaire a un dieu o a l'autre...
Aquesta joveneta me plats, amb burkina o sensa, naturalamen me referesc amb un banhador d'una peça la causa mai decenta o fins i tot amb biquini o nueta atal con va naisser.
#18
Me serai enganat? Benlèu.
O benlèu l'expression de vòstras idèas èran pas ctant laras coma o disètz uèi?
Chi lo sa?
Ai pas jamai cambiat de vejaire sus la burqa o sul mocador de cap.
Dos ans fa? Diable! Auriái pensat mai qu'aquò...
#19 Disètz : «sètz plan tranquilles qu'aquelas piscinas, las defiugirai ieu coma las rèba…»
... quò tomba ben que de tot biais l'i èretz pas envitat !
Digatz me plan totas aquelas piscinas que las femnas i poiràn anar sens mostrar lor còrs “per de questions religiosas o per d’autras rasons", e sètz plan tranquilles qu'aquelas piscinas, las defiugirai ieu coma las rèba…
E tant que i sètz, digatz me plan totas las psicinas que las femnas i adòran d'èsser miradas, remiradas, escotadas e entendudas, talas coma son, per tot çò son, dins lor integralitat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari