Actualitats
L’estat francés valida lo licenciament d’un delegat de la CGT
Myriam El Khomri justifica lo licenciament del salariat protegit a causa de la gravetat de la fauta
La ministra del trabalh francesa, Myriam El Khomri, a validat lo licenciament d’un delegat CGT d’Air France acusat d’aver participat a una protèsta violenta lo 5 d’octòbre de 2015, segon çò que anoncèt lo ministèri ièr diluns dins un comunicat. “A l'eissida d’una analisi longa e minuciosa dels faches subrevenguts lo 5 d’octòbre 2015 en marge del comitat central d’entrepresa del grop Air France, e sus la basa dels elements portats al dorsièr, ressortís que la fauta reprochada es d’una gravetat sufisenta per justificar lo licenciament del salariat protegit”, çò precisa aquel comunicat. “Aquela decision es coerenta amb lo licenciament dels autres quatre salariats implicats dins lo meteis dorsièr, que benefícian de cap de mandat sindical e dont lo cas es pas somés a l’autorizacion de l’inspeccion del trabalh”, çò apond.
Pel moment, ni Air France ni la CGT an pas fach cap de comentari.
L’episòdi de la camisa arrancada
Lo 5 d’octòbre d’arunan, al sit d’Air France près de l’aeropòrt parisenc de Roissy, se produguèt un episòdi de violéncias del salariats contra los dirigents d’Air France, après qu’anoncièsson la supression de 2900 emplecs. Los imatges del director de las ressorsas umanas de la societat amb sa camisa arrancada faguèron lo torn del mond. Lo president francés François Hollande qualifiquèt los imatges d’“inacceptables”, que segon el podián nòire a “l’imatge de França”.
La reünion del comitat central d’entrepresa d’Air France se deguèt suspendre. Mai d’un milièr de salariats, que manifestavan, ocupèron lo sit e batèron qualques dirigents. Lo conselh d’administracion aviá aprovat, qualques jorns abans, una reduccion d’emplecs tocant 300 pilòts, 900 navigants e 1700 salariats de personal al sòl dins los dos ans venents, coma consequéncia de la reduccion del 10% de las linhas. Per tant, los quatre sindicats del transpòrt aerian avián convocat una cauma. E ansin protestavan davant lo sit ont los dirigents se reünissián.
Aquel episòdi faguèt partida del debat public. Los imatges foguèron espantants e la violéncia condemnabla. Ça que la, enviar 2900 personas al caumatge es, de segur, la vertadièra violéncia d’aquel afar. Jornalet raportèt la nòva, e publiquèt d’articles d’opinion dont los de Joan Marc Leclercq (Quauques punts sus Air France) e de Terric Lausa (Air France: la colèra justa).
Pel moment, ni Air France ni la CGT an pas fach cap de comentari.
L’episòdi de la camisa arrancada
Lo 5 d’octòbre d’arunan, al sit d’Air France près de l’aeropòrt parisenc de Roissy, se produguèt un episòdi de violéncias del salariats contra los dirigents d’Air France, après qu’anoncièsson la supression de 2900 emplecs. Los imatges del director de las ressorsas umanas de la societat amb sa camisa arrancada faguèron lo torn del mond. Lo president francés François Hollande qualifiquèt los imatges d’“inacceptables”, que segon el podián nòire a “l’imatge de França”.
La reünion del comitat central d’entrepresa d’Air France se deguèt suspendre. Mai d’un milièr de salariats, que manifestavan, ocupèron lo sit e batèron qualques dirigents. Lo conselh d’administracion aviá aprovat, qualques jorns abans, una reduccion d’emplecs tocant 300 pilòts, 900 navigants e 1700 salariats de personal al sòl dins los dos ans venents, coma consequéncia de la reduccion del 10% de las linhas. Per tant, los quatre sindicats del transpòrt aerian avián convocat una cauma. E ansin protestavan davant lo sit ont los dirigents se reünissián.
Aquel episòdi faguèt partida del debat public. Los imatges foguèron espantants e la violéncia condemnabla. Ça que la, enviar 2900 personas al caumatge es, de segur, la vertadièra violéncia d’aquel afar. Jornalet raportèt la nòva, e publiquèt d’articles d’opinion dont los de Joan Marc Leclercq (Quauques punts sus Air France) e de Terric Lausa (Air France: la colèra justa).
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per los de la memòria corteta, qualques reflexions tiradas d'un blòg totjorn fòrça interessant :
http://merlerene.canalblog.com/archives/2015/10/14/32769172.html
I a pas besonh de defensar la CGT per defensar los trabalhs dels salariats. Es malaisit de se’n trufar dels emplegats de Air France, solidaritat per los trabalhaires.
#14 Acabi de tornar léger vòste messatge : jo tanpauc soi pas a la CGT, me harè cager d'i estar quitament. Vòste monde es dividit en duas parts, atz una vision maniqueana.
#14 Desencusatz, mes vòsta responsa es tan incoerenta que'm demandi s'ètz pas enganat de messatge. Non pas ? O lavetz caleré precisar vòsta pensada.
#12 Per acabar dirai que de mond coma vosaus setz un empacha granda al desvelopament de l’occitan, vai t’en querre d’esponsor dignes d’aquel nom, es a dire una entrepresa granda per finançar per exemple jornalet ? e non pas qualques rasclas codenas. Deuriatz aver vergonha ! e setz responsable d’avans lo pòble occitan, qu’es pas tot a la CGT plan s’en manca !
i a un tipe qu’es pas pagat que se carcanha cada jorn de far virar Jornalet… (e soi pas de la còla del jornalet). Vèire l’editorial de la setmana passada e encara lo paure d’el demandava perdon que podia pas fa tot.
I a còps de pès al cuòl que se perdon… !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari