Actualitats
La NASA presenta un jòc que permet de percórrer Mart en cèrca d’aiga
Es aital que festeja lo quatren anniversari de la mission de Curiosity sus la planeta roja
La NASA es a festejar lo quatren anniversari del projècte Curiosity, lo robòt qu’es a percórrer la superfícia de Mart. Per aquela rason, l’agéncia espaciala a lançat lo “Mars Rover”, un jòc gratuit plan divertissent que permet de percórrer la superfícia de la planeta roja en cèrca d’aiga sosterranha.
Lo foncionament es fòrça simple. L’usatgièr mena un “rover”, es a dire un veïcul robotic, sus la superfícia de la planeta roja. La tòca del jòc es d’emplir lo mai grand nombre de sèrvas d’aiga sens crebar las ròdas del veïcul. I a de perilhs coma de vabres e de puèges.
Amb aquel projècte, la NASA cèrca de sarrar los succèsses scientifics dels enfants, per que s’interèssen als projèctes espacials. Lo jòc es gratuit e es disponible per ordenadors e mobils.
Curiosity foguèt lançat en novembre de 2011 e arribèt a la superfícia de Mart en agost de 2012. Lo robòt fa quatre ans qu'explòra la planeta e sa mission es pas encara acabada.
Curiosity arribèt sus Mart lo matin del 6 d’agost de 2012 e, en març de 2013, se descobriguèt ja sus la planeta d’ingredients quimics coma de sofre, de nitrogèn, d’idrogèn, d’oxigèn, de fosfòr e de carbòni. Dos meses puèi, se provava l’existéncia d’aiga.
Tecnologia occitana
Un dels instruments scientifics de Curiosity es la dicha ChemCam, de l’anglés chemistry and camera instrument,“instrument de quimia e camèra”. Aquel aparelh foguèt fabricat en Occitània e demandèt l’implicacion d’un centenat de personas. Lo còr de las tropas, amb un desenat de scientifics mobilizats sul projècte, foguèt l’Institut de Recèrca en Astrofisica o IRAF (IRAP segon la sigla francesa) de Tolosa. Sylvestre Maurice a assegurat la responsabilitat scientifica de la partida occitana de la ChemCam, que se faguèt entre 2005 e 2012.
Aquela tecnologia se compausa de dos instruments: una camèra, que permet de far un zoom sus las ròcas de mesurar, e un lasèr. Lo lasèr concentra la lutz sus la ròca en liberar tanta energia que crèa una beluga. Aquela nòva lutz, recuperada pel telescòpi, es enviada vèrs un espectromètre que descompausa la lutz, coma un arcolan, de l’ultraviolet fins a çò près de l’infraroge. Aital se mesura, per de pics de color, los elements quimics que compausan la ròca e los geològs ne pòdon definir lo tipe (argila, matèria volcanica, etc.).
Lo foncionament es fòrça simple. L’usatgièr mena un “rover”, es a dire un veïcul robotic, sus la superfícia de la planeta roja. La tòca del jòc es d’emplir lo mai grand nombre de sèrvas d’aiga sens crebar las ròdas del veïcul. I a de perilhs coma de vabres e de puèges.
Amb aquel projècte, la NASA cèrca de sarrar los succèsses scientifics dels enfants, per que s’interèssen als projèctes espacials. Lo jòc es gratuit e es disponible per ordenadors e mobils.
Curiosity foguèt lançat en novembre de 2011 e arribèt a la superfícia de Mart en agost de 2012. Lo robòt fa quatre ans qu'explòra la planeta e sa mission es pas encara acabada.
Curiosity arribèt sus Mart lo matin del 6 d’agost de 2012 e, en març de 2013, se descobriguèt ja sus la planeta d’ingredients quimics coma de sofre, de nitrogèn, d’idrogèn, d’oxigèn, de fosfòr e de carbòni. Dos meses puèi, se provava l’existéncia d’aiga.
Tecnologia occitana
Un dels instruments scientifics de Curiosity es la dicha ChemCam, de l’anglés chemistry and camera instrument,“instrument de quimia e camèra”. Aquel aparelh foguèt fabricat en Occitània e demandèt l’implicacion d’un centenat de personas. Lo còr de las tropas, amb un desenat de scientifics mobilizats sul projècte, foguèt l’Institut de Recèrca en Astrofisica o IRAF (IRAP segon la sigla francesa) de Tolosa. Sylvestre Maurice a assegurat la responsabilitat scientifica de la partida occitana de la ChemCam, que se faguèt entre 2005 e 2012.
Aquela tecnologia se compausa de dos instruments: una camèra, que permet de far un zoom sus las ròcas de mesurar, e un lasèr. Lo lasèr concentra la lutz sus la ròca en liberar tanta energia que crèa una beluga. Aquela nòva lutz, recuperada pel telescòpi, es enviada vèrs un espectromètre que descompausa la lutz, coma un arcolan, de l’ultraviolet fins a çò près de l’infraroge. Aital se mesura, per de pics de color, los elements quimics que compausan la ròca e los geològs ne pòdon definir lo tipe (argila, matèria volcanica, etc.).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es vertat qu'al pa qu'anam, nos caldrà lèu anar cercar d'aiga sus Març.
La nasa sap qu' hi anira pas per ara cap vehicle tripulat, sense haver abans lo permís dels ET. Per entretenir a la gent fan aquestes jocs per far creire a la gent que ja estan a punt de far lo viatge quan vulgan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari