Actualitats
A las fèstas de Dacs se mesprèsa la cultura del país
An anullat la bodega Au Pit “per manca de mejans financièrs”. Èra l’animacion que portava la lenga e la cultura occitanas, e cada an èra plan reüssida
Diluns s'acaban las fèstas de Dacs (Shalòssa), qu’ongan se son debanadas sens la famosa bodega occitana “Au Pit”. Suls rets socials se'n podiá veire de planhs, coma ben o publica La Setmana: “Bravo e mercés a l'esquipa deu Pit. Tristessa e misèria intellectuau deu personau politic de nòste…”, çò ditz Alan A. del temps que Jean-Jacques D. declara qu’“Au Pit que's barra après quate ans per manca de sòus e d'autas rasons politicas! Que contunha l'aculturacion de la Gasconha nòsta. Que n'i a pro!”.
Aquela bodega èra installada al còr de la vila dempuèi quatre ans pendent las fèstas de Dacs e prepausava d’animacions, de concèrts e una restauracion de las bonas. Mas los organizaires de las fèstas decidiguèron, just una setmana abans, d’anullar aquela animacion per manca de mejans financièrs. Es per azard que per manca d’argent s’elimina l’animacion que pòrta la cultura e la lenga del país a la fèsta?
Per tot aquò, La Setmana fa resson d’un article de Deidièr Tousis e de Lúcia Albert, al cap de la bodega Au Pit, publicat sul sit de Pit Produccion. Dins aquel article, Tousis e Albert explican l’origina d’aquela animacion e de lor prètzfach de tornar al país la cultura del país. Planhon la “californizacion” del departament de las Landas qu’a suprimit la subvencion de Pit Produccion e la màger part de las ajudas acordadas a las associacions que trabalhan per la cultura viva e la transmission de la lenga. “Las Lanas que demoran lo sol departament de l'acadèmia a aver arrefusat de signar la convencion de partenariat tau desvolopament e l'estructuracion de l'auhèrta d'ensenhament de l'occitan e en occitan dens l'acadèmia de Bordèu”.
Pasmans los bodegaires mòstran un messatge optimista. Tousis se mòstra aürós del trebalh fach amb totes los benevòls dins las darrièras annadas, e demora encara de trabalh de far ensems per acontentar “lo besonh de lenga gascona testimoniat per la populacion dab tot çò que pòrta d'espèr e de cambiament tà l'aviéner”.
Aquela bodega èra installada al còr de la vila dempuèi quatre ans pendent las fèstas de Dacs e prepausava d’animacions, de concèrts e una restauracion de las bonas. Mas los organizaires de las fèstas decidiguèron, just una setmana abans, d’anullar aquela animacion per manca de mejans financièrs. Es per azard que per manca d’argent s’elimina l’animacion que pòrta la cultura e la lenga del país a la fèsta?
Per tot aquò, La Setmana fa resson d’un article de Deidièr Tousis e de Lúcia Albert, al cap de la bodega Au Pit, publicat sul sit de Pit Produccion. Dins aquel article, Tousis e Albert explican l’origina d’aquela animacion e de lor prètzfach de tornar al país la cultura del país. Planhon la “californizacion” del departament de las Landas qu’a suprimit la subvencion de Pit Produccion e la màger part de las ajudas acordadas a las associacions que trabalhan per la cultura viva e la transmission de la lenga. “Las Lanas que demoran lo sol departament de l'acadèmia a aver arrefusat de signar la convencion de partenariat tau desvolopament e l'estructuracion de l'auhèrta d'ensenhament de l'occitan e en occitan dens l'acadèmia de Bordèu”.
Pasmans los bodegaires mòstran un messatge optimista. Tousis se mòstra aürós del trebalh fach amb totes los benevòls dins las darrièras annadas, e demora encara de trabalh de far ensems per acontentar “lo besonh de lenga gascona testimoniat per la populacion dab tot çò que pòrta d'espèr e de cambiament tà l'aviéner”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dacs es pas en Shalòssa.
Aquesta bodega del Pit èra vertadièrament una bona causa, e cal mercejar lo Tossis per tot lo trabalh e lo cor que portèt per far viure aqueste luoc. Es pas solament amb de bodega que farem reviscolar la lenga, mas son d'accions atal que renosan los ligams entre los occitans de diversas tendencias e los non occitans o occitans pas conscientizats. Osca al Didièr e bona seguida.
Ah California dream.... Se somia çò que se pòt, mas vertat qu'aquela cançon sona plan pels las aurelhas
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari