Actualitats
Lo president ucraïnés ordena de dobrir lo dialòg amb Putin e met en alèrta las fòrças armadas
Lo president ucraïnés, Piotr Poroshenko, a donat l’òrdre al Ministèri dels Afars Exteriors de manténer de convèrsas amb lo president rus, Vladimir Putin, segon çò que rapòrta lo sit web del president d'Ucraïna.
E mai, se comunica qu’en seguida dels darrièrs eveniments en Crimèa, Poroshenko a l’intencion de far de negociacions segon lo “format de Normandia” amb los caps d’Alemanha e de França, ansin coma amb lo vicepresident dels Estats Units, Joseph Biden, e lo president del Conselh d’Euròpa, Donald Tusk.
Dijòus passat, Poroshenko metèt en alèrta totas las unitats de l’Armada ucraïnesa situadas sus la frontièra amb Crimèa e Donbass.
Putin aviá acusat las autoritats d’Ucraïna d’aver començat de “practicar la terror” après conéisser que s’èra evitat d’atemptats en Crimèa.
Lo Servici Federal de Russia (FSB) a travèrs de son sit web informava qu’al començament d’aqueste mes s’empediguèt que se perpetrèsse una seguida d’atacs dins la peninsula de Crimèa preparats pels servicis d’intelligéncia del Ministèri de la Defensa d’Ucraïna. S’aqueles atemptats èran arribats a bon pòrt, aurián afectat d’infrastructuras e d’elements de sosten vitals de Crimèa “per ne destabilizar sa situacion politica e sociala” davant las eleccions que venon.
Putin a volgut metre en evidéncia que Russia farà tot çò que caldrà per garentir la seguretat sus lo territòri, en afirmant tanben qu’amb aquelas condicions, la proposicion ucraïnesa de s’amassar amb lo nomenat format de Normandia pendent la reünion del G-20 de setembre a Hangzhou (China) “a pas cap de sens”. Per sa part, Poroshenko considèra que tot es una nòva provocacion russa e un montatge sens cap de fondament.
Aquesta nòva es adaptada de Geopolítica.cat amb qui Jornalet ten un acòrdi de cooperacion.
E mai, se comunica qu’en seguida dels darrièrs eveniments en Crimèa, Poroshenko a l’intencion de far de negociacions segon lo “format de Normandia” amb los caps d’Alemanha e de França, ansin coma amb lo vicepresident dels Estats Units, Joseph Biden, e lo president del Conselh d’Euròpa, Donald Tusk.
Dijòus passat, Poroshenko metèt en alèrta totas las unitats de l’Armada ucraïnesa situadas sus la frontièra amb Crimèa e Donbass.
Putin aviá acusat las autoritats d’Ucraïna d’aver començat de “practicar la terror” après conéisser que s’èra evitat d’atemptats en Crimèa.
Lo Servici Federal de Russia (FSB) a travèrs de son sit web informava qu’al començament d’aqueste mes s’empediguèt que se perpetrèsse una seguida d’atacs dins la peninsula de Crimèa preparats pels servicis d’intelligéncia del Ministèri de la Defensa d’Ucraïna. S’aqueles atemptats èran arribats a bon pòrt, aurián afectat d’infrastructuras e d’elements de sosten vitals de Crimèa “per ne destabilizar sa situacion politica e sociala” davant las eleccions que venon.
Putin a volgut metre en evidéncia que Russia farà tot çò que caldrà per garentir la seguretat sus lo territòri, en afirmant tanben qu’amb aquelas condicions, la proposicion ucraïnesa de s’amassar amb lo nomenat format de Normandia pendent la reünion del G-20 de setembre a Hangzhou (China) “a pas cap de sens”. Per sa part, Poroshenko considèra que tot es una nòva provocacion russa e un montatge sens cap de fondament.
Aquesta nòva es adaptada de Geopolítica.cat amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La peninsula de Crimea e sa capitala Sebastopol sempre han estat russas e una basa importanta militar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari