Actualitats
L’estat d’emergéncia coma excusa per enebir l’occitan
Lo rassemblament pedagogic enebit en Gard existís dempuèi 20 ans e amassa cada annada mai de 1500 escolans
Las autoritats explican qu’avián enebit lo rassemblament pedagogic occitan en Gard per evitar d’atemptats terroristas. Se lança una nòva peticion en linha en protèsta.
S’enebiguèt en junh passat lo rassemblament pedagogic occitan dins lo departament de Gard. Aquel rassemblament, qu’existís dempuèi 20 ans e qu’amassa cada annada mai de 1500 escolans, l’anullèron las autoritats per de rasons de seguretat. Après una peticion en linha, que se planhiá del mesprètz devèrs l’occitan, lo DASEN del departament de Gard, Christian Patoz, respondèt als peticionaris lo 25 de julhet passat en disent qu’o fasiá per evitar lo perilh d’un atemptat terrorista.
“Malaürosament los eveniments mai recents mòstran cossí la violéncia cèga pòt picar ont que siá e cossí un rassemblament de plusors centenats de personas pòt èsser una font de perilh”, çò ditz, dins sa letra, lo director academic dels servicis de l’educacion estatala (dison “nacionala”) del departament de Gard (aperaquí la Costièra de Nimes, las Garrigas e la mitat sud de Cevenas).
Ara se ven de publicar sus Change.org una peticion en linha per protestar contra aquela responsa, e se demanda las reaccions del signataris dins los comentaris.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cresi qu' es lo govern francès el que vol matar l'occitan. Ha demostrat pas mai lo mínim interés d'ajudar-lo a sobreviure. L'ordre pas mendicant jacobina xovinista amb sed a París, mas enganaira e raubaira e centralista del mond, auè serà vençuda per los demòcratas.
Solide, que carpinhar contra lo islam e contra los trabalhadors n'es lo mai madur de far. Mas me cal pensar qu'un peis manjatèrra es caluc.
Vertat que en causa del risc terrorist n’i a un molon de manifestacion e recampaments que se faràn pas ongan.
1500 mainatges que se recampan demanda una proteccion granda e benlèu que lo Conse d’alquel airal n’avia pas pron de mond per assegurar un recampament sens cap de risc o en ambe pron de seguretat.
D’un autre costat tròbi que los occitanistes fan de victimizacion a oltrança, avetz lo culta del victimisme e vertadièrament aquò assadola mai que tròp !
E es pas perçoque i aurai agut aquel recampament que se parlarà mai occitan per carrièras….
Lo fieiral al plorejinadis es dobert… de qual aurà la medalha d’aur de las lagremas ? e lo dopatge es enebit alavetz daissar las cebas e autras artifalhas a l’ostal, atal se plorarà bravament ambe lo cap clin vos prègui e lo paquetçs de mocadors… ardit i cal anar !
Estat d'emergencia ça disetz ........
#5 Aquò's un comentari tan falsièr coma la responsa del DASEN.
A Lilles an enebit la bradariá. Encara una ataca contra l'Occitan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari