Adeline Cornelissen es una esportiva de dreiçatge equèstre neerlandesa de 37 ans que ganhèt la medalha de bronze als Jòcs Olimpics de Londres en 2012. Mas ongan, als Jòcs Olimpics de Rio, ela a priorizat la santat de son caval, Parzival, a sa carrièra esportiva.
 
“Aviái decidit qu'anavi pas concórrer, mas ara la temperatura èra tornada a la normalitat, [lo caval] manjava e beviá plan, ieu voliái pas tanpauc decebre l'esquipa. Dins lo fons del mieu esperit sabiái qu'aviam pas de possibilitats: que podiái far? Dormiguèri dins las escudariás, verifiquèri cada ora cossí se portava Parzi, lo voliái pas daissar tot sol. Lo mieu amic, lo mieu amic, lo caval que m'a donat tota sa vida meritava pas aquò”, çò explica l’esportiva dins son compte de Facebook.
 
A l’ora de la competicion, just après qualques instants, Cornelissen decidiguèt d'abandonar l’espròva per evitar de metre en risc la santat de Parzival.
 
“Per tal de lo protegir, renoncièri... Mon companhon, mon amic, lo caval qu’o a tot donat per ieu long de tota sa vida merita pas aquò.... Alavetz saludèri e quitèri l’arena”