Actualitats
Massacre dins la Republica Democratica de Còngo
Almens 64 personas son estadas tuadas al cotèl dins la vila de Beni, presumidament a las mans dels rebèls ogandeses de l’FDA
Almens 64 mòrts escotelats es lo tragic bilanç d’un massacre dins la vila de Beni, dins l'èst de la Republica Democratica de Còngo. Segon qualques mèdias, lo masèl l’aurián fach de presumits rebèls ogandeses.
“An tuat amb de cotelasses e de pigassas totas las personas que trobavan sus lor camin abans d’intrar dins lors ostals, ont foguèron trobats fòrça còrses”, çò explicava lo president de l’associacion Societat Civila de Beni, Gilbert Kambale. E mai lo nombre de mòrts poiriá aumentar pr’amor que son a trobar de cadavres sus las rotas e dins los camps, segon Kambale.
Lo president de Còngo, Joseph Kabila, a qualificat lo massacre de “terrorista” e a decretat tres jorns de dòl nacional. “Lo massacre terrorista dins l'èst del país se distinguís pas de çò que se passèt en Mali, França, Somalia e d'autres endreches del Mond”, çò diguèt.
L’atac s’es passat tres jorns après la virada del president Kabila per la region, ont prometèt far tot çò possible per impausar la patz e la seguretat.
Lo crime l’aurián fach las nomenadas Fòrças Democraticas Aliadas, un grop islamista armat establit en Oganda, qu’auriá atacat lo vilatge de Rwangoma en tuant de desenats de civils, segon çò que raportèt lo cònsol de la vila de Beni, dins la província de Kivu del Nòrd.
Ne podètz trobar mai d’informacions sus RFI.
“An tuat amb de cotelasses e de pigassas totas las personas que trobavan sus lor camin abans d’intrar dins lors ostals, ont foguèron trobats fòrça còrses”, çò explicava lo president de l’associacion Societat Civila de Beni, Gilbert Kambale. E mai lo nombre de mòrts poiriá aumentar pr’amor que son a trobar de cadavres sus las rotas e dins los camps, segon Kambale.
Lo president de Còngo, Joseph Kabila, a qualificat lo massacre de “terrorista” e a decretat tres jorns de dòl nacional. “Lo massacre terrorista dins l'èst del país se distinguís pas de çò que se passèt en Mali, França, Somalia e d'autres endreches del Mond”, çò diguèt.
L’atac s’es passat tres jorns après la virada del president Kabila per la region, ont prometèt far tot çò possible per impausar la patz e la seguretat.
Lo crime l’aurián fach las nomenadas Fòrças Democraticas Aliadas, un grop islamista armat establit en Oganda, qu’auriá atacat lo vilatge de Rwangoma en tuant de desenats de civils, segon çò que raportèt lo cònsol de la vila de Beni, dins la província de Kivu del Nòrd.
Ne podètz trobar mai d’informacions sus RFI.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
No seria extranh que haguesson estat los integistas musulmans.
un massacre de mai ! l'islam moderat progressa, l'islam caluc progressa, l'islam enrabiat progressa, l'islam de totis lei colors fai avant dins lei cinc continents, en Corsega, lei joines "beurs"mandan de pèires ai toristas que volon fotografiar lei sacas de patatas apeladas burkini ,e la joventut corsa riposta,davant la racalha armadas de cotelàs, se fan blessar e subretot faguem ges d'amalgama ! quente miracle aquesta religion musulmana per recampar en son sen tant de rites, de transvestiments e de crims divèrs !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari