Actualitats
Iemèn: la coalicion saudita a bombardat un espital de MSF en tuant almens 25 personas
La guèrra oblidada de Iemèn a menat lo país a la catastròfa umanitària
Almens 25 personas mòrtas es lo bilanç d’un ataca aeriana de l’armada de la coalicion dirigida per l’Arabia Saudita contra un espital de Mètges Sens Frontièras (MSF), segon çò que rapòrta Reuters. L’ataca se debanèt diluns a 15h45 (13h45 segon l’ora d’Occitània).
Los mètges poguèron pas evacuar immediatament los ferits car los avions de guèrra contunhavan de subrevolar la zòna e las atacas cessavan pas, segon un testimoniatge de l’organizacion umanitària.
Dissabte i aguèt una autra ataca aeriana sus la província de Saada ont, çò ditz MSF, se bombardèt una escòla en tuant dètz enfants. La coalicion assalhidoira declarèt que lo bombardament èra dirigit contra un centre d’entraïnament del movement huthi.
Las armadas d’un desenat de païses, comandats per l’Arabia Saudita, atacan dempuèi març de 2015 la milícia shiita dels huthis en Iemèn. Aquela milícia, tanben coneguda coma Ansar Allah (los Partisans de Dieu) a lo supòrt d’Iran. Participan als bombardaments cinc païses del Conselh de Cooperacion del Golf ansin coma Egipte, Marròc, Jordania, Sodan e Paquistan. De lor costat, los Estats Units autorizèron un sosten logistic a las atacas sauditas contra los huthis.
Segon l’ÒNU, lo país es prèp de la catastròfa umanitària e 21 milions de iemenitas an de besonh d’assisténcia en Iemèn del temps que las fòrças del govèrn, los sauditas e los huthis, contunhan los afrontaments.
BREAKING: #Yemen MSF-supported hospital was hit by airstrikes at 15:45. We are assessing the situation. Number of casualties still unknown.
— MSF International (@MSF) 15 d’agost de 2016
Los mètges poguèron pas evacuar immediatament los ferits car los avions de guèrra contunhavan de subrevolar la zòna e las atacas cessavan pas, segon un testimoniatge de l’organizacion umanitària.
Dissabte i aguèt una autra ataca aeriana sus la província de Saada ont, çò ditz MSF, se bombardèt una escòla en tuant dètz enfants. La coalicion assalhidoira declarèt que lo bombardament èra dirigit contra un centre d’entraïnament del movement huthi.
Las armadas d’un desenat de païses, comandats per l’Arabia Saudita, atacan dempuèi març de 2015 la milícia shiita dels huthis en Iemèn. Aquela milícia, tanben coneguda coma Ansar Allah (los Partisans de Dieu) a lo supòrt d’Iran. Participan als bombardaments cinc païses del Conselh de Cooperacion del Golf ansin coma Egipte, Marròc, Jordania, Sodan e Paquistan. De lor costat, los Estats Units autorizèron un sosten logistic a las atacas sauditas contra los huthis.
Segon l’ÒNU, lo país es prèp de la catastròfa umanitària e 21 milions de iemenitas an de besonh d’assisténcia en Iemèn del temps que las fòrças del govèrn, los sauditas e los huthis, contunhan los afrontaments.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Fasètz plan d'o remembrar. E en mai de lor vendre d'avions, lo Françonet lor balha la Légion d'Honneur.
Qual a vendut d'avionasses tuadors a l'Arabia Saodita ?
#1 De guèrras de reigions, n'avèm conegudas mantas, coma la que nos a alientat fins a uèi al Reialme de França que se pren per una republica : las doás crosadas ditas "contra los Albigeses"… Los jihadistas crestians nos fotèron pel sòl e linguisticament ne nos sèm pas encara relevats (e disi pas per çò mai…)
Mas sabèm que lo mai clar dels tempeses las motivacions son religiosas en susfàcia, sonque, e pas mai. Tre que cavam, son d'interèsses de poder, d'influéncia, de moneda, quefan las guèrras. E generalament, las vicitmas de las guèrras son mai que mai los que, de monenda, n'an pas ges ni mica…
Arabia Saudita l'amiga de l'imperi del mal, l' aviacion bombardeja hospitals, com fa l'imperi. O és lo mateis imperi que bombardeja des de 10.000 metres, lo que fa que no sapiguen que bombardegen. A Iroshima l'imperi va elegir una ciutat com objectiu militar, un dels molts crims de guerra. A Italia los bombardejos de las ciutats foren crims de guerra. A França los bombardejos de las ciutats foren crims contra l'humanitat.
#1 Habemus Papet ! Amen.
lei pais musulmans nos semondon en dirècte una polida guèrra de religion, coma n'avèm coneiguda una au XVI° sègle e dins lo fons li a ges de diferéncias entre lo conflit en Siria, en Iras e au Iemen : sunites contra chiïts, soncament una que leis occidentaus an armats de rebellas dichs moderats o pretendument democratas, mentre que son animats per l'odi de l'eretgia chiïta ed la vouguènt aneientir son pagats de retorn per leis alaoitas de Bachar el Assad lo jorn qu'admetràn que leis eretges an drech elei pereu a son culta e que l'Iran aurà cessat d'èstre una teocracia, la patz aurà pron avançat . aquesta evolucion de l'eresia vers l'indiferéncia religiosa dins lei vilatges vaudés dau Leberon l'ai viscuda dins sa fasa terminala que lei comunas a majoritat protestanta an barrejat sa fe crestiana dins lo progressisme d'esquerra en se donant de consols comunistas per finalament se dissodre dins la desafeccion e la displicéncia
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari