Actualitats
Una vila de Corsega enebís lo burkini après una batèsta
Lo cònsol màger n’anoncièt l’interdiccion après una batèsta multitudinària que se debanèt dissabte de ser sus una plaja de la vila
Après las vilas occitanas de Canas e de Vilanòva Lobet, la vila còrsa de Siscu, près de Bastia, ven la tresena comuna de l’estat francés a enebir lo pòrt del burkini. Lo cònsol màger de la vila, Ange-Pierre Vivoni (PS-centresquèrra), n’anoncièt l’interdiccion après una batèsta multitudinària que se debanèt dissabte de ser sus una plaja de la vila entre tres familhas d’origina maugrabina e de ribairencs. Se lancèt de botelhas e de pèiras, e se cremèt las veituras de tres familhas maugrabinas. Lo bilanç d’aqueles afrontaments es de cinc personas feridas, dont una femna prens. Una enquèsta es dobèrta.
En seguida, qualques centenats de personas s’amassèron a Bàstia en cridant “A las armas!” e “Sèm en cò nòstre”. La molonada se dirigiguèt devèrs lo quartièr popular de Lupino amb d’intencions violentas. Los gendarmas lor barrèron l’intrada.
Segon çò que rapòrta Le Monde, la batèsta esclatèt dissabte de ser quand tres familhas magrebinas passavan la jornada sus una calanca de Siscu; qualques femnas i cargavan un burkini. Un torista que passava en fasent de fòtos foguèt injuriat per qualqu'un del grop dels maugrabins, que l’acusava de fotografiar sa femna. Après, un adolescent de la vila decidiguèt de prene de fòtos de la garrolha, e l’òme lo piquèt. Puèi, l’adolescent e sos amics anèron cercar lors familhas, qu’arribèron sus la plaja acompanhadas de qualques vesins. Un d’eles foguèt nafrat amb un arpon.
Vivoni es lo primièr cònsol socialista qu’enebís lo pòrt d’aquel vestit de banh. Segon el, la mesura es necessària “per protegir la populacion”.
Lo president del Conselh Executiu de Corsega, Gilles Simeoni, a demandat a la populacion de tombar pas dins las carpinhadas e la violéncia. “Cal pas confondre un petit grop de personas amb tota la comunautat maugrabina que viu en Corsega en patz e armonia”, çò diguèt. En mai d’aquò, dins un comunicat de premsa signat tanben pel president de l’Assemblada de l’illa, Jean-Guy Talamoni, se crida “a la calma e al refús de tota reaccion inapropriada”.
#Corsica on the Sisco beach: After attacks on the Corsican children. Cars of North Africans (Maghreb) burned. pic.twitter.com/v6vYBSwY1C
— Onlinemagazin (@OnlineMagazin) 14 d’agost de 2016
En seguida, qualques centenats de personas s’amassèron a Bàstia en cridant “A las armas!” e “Sèm en cò nòstre”. La molonada se dirigiguèt devèrs lo quartièr popular de Lupino amb d’intencions violentas. Los gendarmas lor barrèron l’intrada.
Segon çò que rapòrta Le Monde, la batèsta esclatèt dissabte de ser quand tres familhas magrebinas passavan la jornada sus una calanca de Siscu; qualques femnas i cargavan un burkini. Un torista que passava en fasent de fòtos foguèt injuriat per qualqu'un del grop dels maugrabins, que l’acusava de fotografiar sa femna. Après, un adolescent de la vila decidiguèt de prene de fòtos de la garrolha, e l’òme lo piquèt. Puèi, l’adolescent e sos amics anèron cercar lors familhas, qu’arribèron sus la plaja acompanhadas de qualques vesins. Un d’eles foguèt nafrat amb un arpon.
Vivoni es lo primièr cònsol socialista qu’enebís lo pòrt d’aquel vestit de banh. Segon el, la mesura es necessària “per protegir la populacion”.
Lo president del Conselh Executiu de Corsega, Gilles Simeoni, a demandat a la populacion de tombar pas dins las carpinhadas e la violéncia. “Cal pas confondre un petit grop de personas amb tota la comunautat maugrabina que viu en Corsega en patz e armonia”, çò diguèt. En mai d’aquò, dins un comunicat de premsa signat tanben pel president de l’Assemblada de l’illa, Jean-Guy Talamoni, se crida “a la calma e al refús de tota reaccion inapropriada”.
Après les incidents de #Siscu, première analyse et appel au calme pic.twitter.com/6esTKq7fJa
— Gilles Simeoni (@Gilles_Simeoni) 14 d’agost de 2016
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#7 Qu’ei drin mei complicat qu’aquò.
Los problèmas simbolics pausats peu burkini, com la soa part de provocacion, que son estats argumentats en abonde per d’autes. Fòrças musulman(a)s demandan que l’enebeishin. Ce ditz Na Fatiha Daoudi suu Huffpost :
"Lo burkini n'ei pas un vestit com un aute e que sabi de qué parli, hemna de cultura musulmana qui soi e vivent en un país, Marròc, on l'islam ei religion d'Estat… Lo burkini [qu’ei] ua seguida logica deu veu e de la burqa. Qu’ei ua canaula sofisticada dab la quau en·hèrrian las hemnas sus plajas supausadas d’estar endrets de vacanças e de relaish."
Ei ua racista e ua chauvinista de mèrda ?
Lo burkini-canaula, qu’ei tanben la mia impression. Totun ua impression, aquò n’ei pas pro entà enebir, e la lei tau com ei ne permet pas d’ac clavar. Mes la societat tota a lo dret, en democracia, de definir çò de desirable e çò qui ne n’ei pas. E l’Estat qu’a lo dever de protegir a tots e a cada un/ua.
Lo burkini com tot vestit "de modestia" b’ei un cotèth de dus talhs. Que’vs diràn las qui’us pòrtan qu’ac vòlen atau. Que responi qu’en generau lo 100% n’existeish pas. Quan tà 9 hemnas e seré ua causida, que sufeish d’ua qui s’ac hèsqui impausar —peu son òmi, peu(s) pair(s)— entà qui’ns pàusim la question de l’acceptar o non en tot lòc public.
Prohibit enebir, aquò deien pel Maig de 69 e cal dir-ho ara. Los que cal enebir son los racistas e los xovinistas de merda.
#5 Òc ben! E coma de mai se fa de Burkini Fashion...
#4 E subretot lo burkini apara dels còps de solelh..... s'es pas una maravilha aquò.
Tot Cagadiu qui soi, qu’èi fòrça combat tà hà’m ua opinion definitiva suu burkini. Que legi e qu’enteni arguments pertinents de totas parts.
Com afirmacion religiosa lo burkini que m’en·harta, mes qu’ei lo men problèma, pas lo problèma de la persona qui’u pòrta. La lei que vòu la cara que damòri vededera e pro: n’enebeish pas los senhaus religiós en public, lhevat taus lòcs institucionaus on la neutralitat ei exigida.
1) Basta de l’enebir en piscinas publicas on lo règlament de permet pas de banhà’s tot vestit en un banhatòri de dimensions limitadas, "per rasons d’igièna".
2) En ua plaja publica en la mar, n’ei pas tant clar (se’vs banhatz tot vestit, -ida, a çò qui sembla, nat ne’vs cercaran bregas). Enebir lo burkini mes pas los jeans-&-Tshirt, on ei la logica?
La plaja n’ei pas lo tribunau, qu’ei un espaci de libertat. E cau forçar ua persona a muishar mei de pèth que n’ac vòu, o denegà’u l’accès au plaser de banhà’s? D’autes que seràn ofensats per las popas nudas, pas jo. E vam impausar lo vestit de banh tot d’un tròç entà totas e tots, com un unifòrme?
3) En un establiment o un lòc privat que depen deu règlament e pro; que pòden com volhin acceptar lo burkini (o medish l’impausar!), o proïbir tota pelha s’ei ua plaja naturista. La règla qu’ei clara e se ne’vs va pas atau, que’vs bànhatz enlòc mei.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari