Actualitats
Islàndia: lo Partit Pirata poiriá ganhar l’eleccion legislativa segon los sondatges
L’escàndol dels papièrs de Panamà a forçat d’eleccions anticipadas
Lo Partit Pirata, qu’a l’ora d’ara a solament tres deputats, poiriá ganhar l’eleccion legislativa en octòbre que ven en Islàndia, segon los darrièrs sondatges. Aquela pojada se pòt explicar per l’escàndol dels papièrs de Panamà, qu’a forçat d’eleccions anticipadas.
Lo programa politic dels piratas se basa sus la redaccion d’una nòva constitucion, l'inclusion de mecanismes de democracia dirècta e la transparéncia dins la gestion del govèrn. En mai d’aquò, prevei tanben d’ofrir l’asil politic a Edward Snowden e la liberalizacion de la pornografia.
En abril passat, lo primièr ministre d’Islàndia, Sigmundur Davíð Gunnlaugsson, presentèt sa demission. Qualques oras abans, aviá demandat la dissolucion del parlament e la convocacion d’eleccions. De milièrs d’islandeses avián manifestat davant lo Parlament per exigir lo renonciament de Gunnlaugsson. Segon l’afar dels “papièrs de Panamà”, Sigmundur Davíð Gunnlaugsson e sa femna avián una societat dins un paradís fiscal e i investiguèron dins d’obligacions bancàrias.
Los papièrs de Panamà
De jornals del Mond entièr comencèron de publicar en abril passat los resultats d’una enquèsta coordenada pel Consòrci Internacional del Jornalisme d’Investigacion, sus Mossack Fonseca, una societat clau dins l’existéncia dels paradises fiscals. Las informacions foguèron reveladas al jornal alemand Süddeutsche Zeitung que las publiquèt còp sec. Al total faguèron publics mai d’onze milions de documents extraches de las basas de donadas de Mossack Fonseca, çò que despassa —e largament— las informacions reveladas per Wikileaks e Edward Snowden.
Los papièrs identifican 143 elegits del Mond entièr qu'an de societats dins de paradises fiscals, contrarotladas per Mossack Fonseca. Benlèu lo mai espaventós es lo de Vladimir Putin, que per mejan de son amic Sergei Roldugin auriá desviat dos miliards de dolars de las bancas estatalas russas.
I trobam tanben un dotzenat de parlamentaris britanics, de membres del Politburo del Partit Comunista de China, de membres de familhas reialas europèas —dont l’espanhòla— e quitament de dirigents de la FIFA.
Lo bordalés Jérôme Cahuzac, èx-primièr cònsol de Vilanuèva d’Òlt (Naut Agenés) e èx-ministre del Budget de França, es tanben concernit per aquel escandolàs. Cahuzac teniá un compte bancari ligat a una societat immatriculada a las Illas Seichèlas e administrada per d’autras societats offshore.
Aquela revelacion a solament forçat un cambiament de govèrn en Islàndia. En Espanha demissionèt lo ministre de l’indústria.
Lo programa politic dels piratas se basa sus la redaccion d’una nòva constitucion, l'inclusion de mecanismes de democracia dirècta e la transparéncia dins la gestion del govèrn. En mai d’aquò, prevei tanben d’ofrir l’asil politic a Edward Snowden e la liberalizacion de la pornografia.
En abril passat, lo primièr ministre d’Islàndia, Sigmundur Davíð Gunnlaugsson, presentèt sa demission. Qualques oras abans, aviá demandat la dissolucion del parlament e la convocacion d’eleccions. De milièrs d’islandeses avián manifestat davant lo Parlament per exigir lo renonciament de Gunnlaugsson. Segon l’afar dels “papièrs de Panamà”, Sigmundur Davíð Gunnlaugsson e sa femna avián una societat dins un paradís fiscal e i investiguèron dins d’obligacions bancàrias.
Los papièrs de Panamà
De jornals del Mond entièr comencèron de publicar en abril passat los resultats d’una enquèsta coordenada pel Consòrci Internacional del Jornalisme d’Investigacion, sus Mossack Fonseca, una societat clau dins l’existéncia dels paradises fiscals. Las informacions foguèron reveladas al jornal alemand Süddeutsche Zeitung que las publiquèt còp sec. Al total faguèron publics mai d’onze milions de documents extraches de las basas de donadas de Mossack Fonseca, çò que despassa —e largament— las informacions reveladas per Wikileaks e Edward Snowden.
Los papièrs identifican 143 elegits del Mond entièr qu'an de societats dins de paradises fiscals, contrarotladas per Mossack Fonseca. Benlèu lo mai espaventós es lo de Vladimir Putin, que per mejan de son amic Sergei Roldugin auriá desviat dos miliards de dolars de las bancas estatalas russas.
I trobam tanben un dotzenat de parlamentaris britanics, de membres del Politburo del Partit Comunista de China, de membres de familhas reialas europèas —dont l’espanhòla— e quitament de dirigents de la FIFA.
Lo bordalés Jérôme Cahuzac, èx-primièr cònsol de Vilanuèva d’Òlt (Naut Agenés) e èx-ministre del Budget de França, es tanben concernit per aquel escandolàs. Cahuzac teniá un compte bancari ligat a una societat immatriculada a las Illas Seichèlas e administrada per d’autras societats offshore.
Aquela revelacion a solament forçat un cambiament de govèrn en Islàndia. En Espanha demissionèt lo ministre de l’indústria.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aqueles Islandeses son plan finòts : ja, un còp, e fa pas gaire, avián mandadas pàisser las bancs que los declaravan acatats de deutes, coma los Irlandeses o los Grècs, per exemple. Aqueste còp mandarián pàisser los quites politicians que chaupinan al servici des interèsses bancaris internacionals… PErqué los autres europèus non son pas islandeses atanben ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari