Actualitats
Ban Gimun vòl qu'una femna li succedisca coma secretària generala de l’ÒNU
A l’ora d’ara i a onze candidats per succedir al diplomata sud-corean, dont cinc son de femnas
Lo secretari general de l’ÒNU, Ban Gimun (Ban Ki-Moon), a declarat que vòl qu'una femna li succedisca. Après mai de 70 ans d’istòria, uèch òmes an tengut lo cargue, e segon Ban Gimun, es ara l’ora qu’una femna prenga la tèsta de l’organizacion.
A l’ora d’ara i a onze candidats per succedir al diplomata sud-corean, dont cinc son de femnas: Irina Bokova (Bulgaria), Helen Clark (Nòva Zelanda), Christiana Figueres (Còsta Rica), Natalia Gherman (Moldàvia) e Susana Malcorra (Argentina).
Ban Gimun a pas mençonat cap de candidata, mas a afirmat que i a fòrça femnas distinguidas e preparadas per prene lo cargue e cambiar lo Mond. Quina que siá aquesta, Gimun a dich que deu aver una vision fòrça clara del Mond de l’avenir e èsser una persona engatjada dins la patz e lo desvolopament dels dreches umans.
Lo nòu secretari general, o la nòva secretària generala, deu èsser recomandat pels quinze païses que compausan lo Conselh de Seguretat de l’ÒNU abans d'èsser elegit pels 193 païses de l’Assemblada Generala. S’espèra que s’anonciarà durant la davalada que ven.
Tradicionalament, lo cargue es rotatòri per que totes los continents e païses se sentan representats. A l’ora d’ara sembla qu’António Guterres es lo favorit per succedir a Ban Gimun. L’èx-primièr ministre portugués es ara lo cap del NACNUR, lo Naut Comissariat de las Nacions Unidas pels Refugiats.
A l’ora d’ara i a onze candidats per succedir al diplomata sud-corean, dont cinc son de femnas: Irina Bokova (Bulgaria), Helen Clark (Nòva Zelanda), Christiana Figueres (Còsta Rica), Natalia Gherman (Moldàvia) e Susana Malcorra (Argentina).
Ban Gimun a pas mençonat cap de candidata, mas a afirmat que i a fòrça femnas distinguidas e preparadas per prene lo cargue e cambiar lo Mond. Quina que siá aquesta, Gimun a dich que deu aver una vision fòrça clara del Mond de l’avenir e èsser una persona engatjada dins la patz e lo desvolopament dels dreches umans.
Lo nòu secretari general, o la nòva secretària generala, deu èsser recomandat pels quinze païses que compausan lo Conselh de Seguretat de l’ÒNU abans d'èsser elegit pels 193 païses de l’Assemblada Generala. S’espèra que s’anonciarà durant la davalada que ven.
Tradicionalament, lo cargue es rotatòri per que totes los continents e païses se sentan representats. A l’ora d’ara sembla qu’António Guterres es lo favorit per succedir a Ban Gimun. L’èx-primièr ministre portugués es ara lo cap del NACNUR, lo Naut Comissariat de las Nacions Unidas pels Refugiats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari