Quand ausissèm parlar d’“haka”, o associam normalamant a la dança de guèrra maòri que la seleccion neozelandesa de rugbi a popularizat dins tot lo Mond. D’efièch, los All Blacks començan normalament las partidas amb aquela dança tradicionala per far paur a l’esquipa rivala.
 
Mas, en fach, i a fòrça tipes d’haka: de provocacion, d’aprobacion, d’encoratjament, d’omenatge, de fiertat, de jòia, de malaür, etc. Los divèrses tipes d’haka son practicats per fòrça grops socials. Las unitats de l’armada, per exemple, an normalament lo lor haka, coma podètz veire dins la vidèo çai joncha.
 
Aquel haka foguèt enregistrat fa qualques jorns, pendent las funeralhas de tres soldats del Regiment d’Infantariá Reiala, e s’i pòt veire l’haka que dançan los lors companhs de batalhon en senhal de respècte e d’omenatge.