Actualitats
Amnestia Internacionala denóncia que l’estat francés se servisca de l’estat d’emergéncia
Un rapòrt, basat sus una enquèsta de tres meses, mòstra de mesuras aplicadas de faiçon discriminatòria e desproporcionada
L’editorial de Jornalet de la setmana passada denonciava que l’estat francés se serviguèsse de l’estat d’emergéncia per metre d’empaches a de manifestacions culturalas occitanas, coma lo rassemblament pedagogic de Gard. Èra la question pausada sul sondatge ont mai de la mitat dels legeires respondèron de òc.
Un rapòrt d’Amnestia Internacionala, basat sus una enquèsta de tres meses, confirma que “las autoritats an utilizat de mesuras d’emergéncia per d’autras tòcas qu’aquelas que motivèron inicialament l’estat d’emergéncia”.
En mai d’aquò, Amnestia internacionala denóncia que “las mesuras d’emergéncia sián formuladas de manièra vaga, çò que daissa un camp d’aplicacion plan tròp larg a las administracions (prefècte, polícia...) cargats de las metre en òbra”. Per tant “lo risc de mesuras presas arbitràriament es extrèmament naut”.
L’organizacion umanitària denóncia tanben que “l’aplicacion d’aquelas mesuras d’emergéncia siá desproporcionada a respècte dels objectius fixats” e que “certanas mesuras d’emergéncia sián estadas aplicadas sus de basas discriminatòrias, sus la basa de la religion o de la cresença, e en particular a l’encontre de musulmans”.
Dempuèi la declaracion de l’estat d’emergéncia en França, las autoritats an comptabilizat mai de 3000 perquisicions. Mai de 400 personas son estadas assignadas a residéncia e mai d’un dotzenat de luòcs de culte son estats barrats.
Podètz trobar lo rapòrt d’Amnestia Internacionala sus: www.amnesty.fr/etat-urgence.
Un rapòrt d’Amnestia Internacionala, basat sus una enquèsta de tres meses, confirma que “las autoritats an utilizat de mesuras d’emergéncia per d’autras tòcas qu’aquelas que motivèron inicialament l’estat d’emergéncia”.
En mai d’aquò, Amnestia internacionala denóncia que “las mesuras d’emergéncia sián formuladas de manièra vaga, çò que daissa un camp d’aplicacion plan tròp larg a las administracions (prefècte, polícia...) cargats de las metre en òbra”. Per tant “lo risc de mesuras presas arbitràriament es extrèmament naut”.
L’organizacion umanitària denóncia tanben que “l’aplicacion d’aquelas mesuras d’emergéncia siá desproporcionada a respècte dels objectius fixats” e que “certanas mesuras d’emergéncia sián estadas aplicadas sus de basas discriminatòrias, sus la basa de la religion o de la cresença, e en particular a l’encontre de musulmans”.
Dempuèi la declaracion de l’estat d’emergéncia en França, las autoritats an comptabilizat mai de 3000 perquisicions. Mai de 400 personas son estadas assignadas a residéncia e mai d’un dotzenat de luòcs de culte son estats barrats.
Podètz trobar lo rapòrt d’Amnestia Internacionala sus: www.amnesty.fr/etat-urgence.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Bravo Amnestia, cal posar en evidència aquesta cola de xovinistas
Arrés, ce voi créder, ne contèstan la necessitat de combàter las enterpresas terroristas. Mes en qué l’assignacion a residéncia d’uns militants ecologistas e poirén har pachiu au jihad sagnós? E tà las discriminacions contra musulmans shens auta forma de justificacion, estossin averadas, que serén exactament çò qui Daesh e vòu provocar entà’us apartar definitivament de las societats occidentaus.
França qu’ei lhèu enqüèra (per ara, mes mei anar mensh) un "Estat de dret", "mei democratic" que non pas Zimbabwe o Bielorussia. E donc? Ne s’i basteish pas ua societat mei bona en se comparant dab los pégers regimis qu’i agi au mond, senon en ambicionant de tostemps melhorar çò qui ne va pas a casa, e pro.
amnesty international deurriá anar far un torn davant lei tribunaus francés per veire coma foncciona l'estat d'emergéncia. un jihadiste belga nomat Farouk Ben Abbes suspectat e citat ,dins l'enquesta de l'atentat dau Caire coma dins l'afaire dau Bataclan aviá passat tres mes en detencion provisoria dins una ,preson francesa. manca de provas, foguèt pas condemnat. assignat a residéncia,demandét reparacion e la cort d'appel de Paris li reconeiguèt un prejudici moral e li acordét la soma de 6 000 euros e ben mai decidèt pereu d'indemnizar lo prejudici materiau siegue lei fres d'avocat e aquo faguèt un montant finau de 21 950 euros pagats per lo contribuable francés; aquo se passava en 2014. vuei l'esta francés reconeis d'aguer fach una cofa -"un loupé" e vou recuperar lei sous,auprès d'aqueu belga qu'ei pas estat expulsat dins son pais d'Outre Quiévraine que l'estat entreten dins son assign,acion a residéncia, entanterin, lei victimas deis atentats esperan totjorn d'èstre indemnizats. de qué se planher amnesty international ?
la parabola ei rustica, dau fin fons de la pacola, parlar de dictaturaz quora un govèrn en estat d'emergéncia tolera de setmans de temps de manifestacions de sindicalistas que tratan la policia d'assassins e de charraires incontinents de la nuech de drech,, amb lei revolucionaris destrussis que se ne prenon enjsuqu'ais espitaus, aquo es denegat la realitat coma lo fai amnesty ionternacional que mete de plan pé un attentat islamiksta -coma n'arriba totis lei jorns- amb una manifestacion enebida e de perquisicions abans l'auba dins l'ostau dei suspèctes,. amnesty internacionala coma "la ligue des droits de l'homme " per de rasons marxistas chausisson son camp : aqueu de la dictatura absoluda e teocratica d'una religion que vou impausar sa lei en totis lei pobles de la planeta .
La galhauda que sabia pas qu'era cuieja! Botar una galhauda dins un recipent plen d'aiga. Botar lo fuec dejos. La galhauda es contenta a la debuta. Quand arrieba 50°C, troba ben que quo es un pauç chaud mas s'acostuma.
Si avia botatz la galhauda dins una aiga a 50°c, la galhauda auria 'gut una reaccion.
Paubres òmes e femnas d'uei que s'acostuman a la polucion e a la dictatura!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari